U kap në flagrancë duke dalë nga banesa ku kishte hyrë për të vjedhur, pasi konstatoi shërbimet e Policisë, arrestohet 40-vjeçari.

Sekuestrohet një mjet prerës (thikë), që iu gjet 40-vjeçarit, gjatë kontrollit fizik.

‘Shërbimet e Komisariatit të Policisë Kavajë, menjëherë pas njoftimit se një shtetas ishte futur për të vjedhur në një banesë në lagjen nr. 3, kanë organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë shtetasin S. P., 40 vjeç, banues në Kavajë, i cili sapo ka konstatuar mbërritjen e shërbimeve të Policisë, ka tentuar të largohet.

Gjatë kontrollit fizik, shërbimet e Policisë i kanë gjetur 40-vjeçarit, një mjet prerës (thikë).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Dhunimi i banesës”, “Vjedhja”, mbetur në tentativë” dhe “Prodhimi dhe mbajtja pa leje e armëve të ftohta”‘, njofton policia.

Policia franceze ka sekuestruar 74 kg kokainë në doganën e Perthus, ndërsa në pranga ka rënë një shqiptar.
Doganierët u pozicionuan në portën e madhe të tarifave të Perthus, në autostradën A9 drejt Francës. Ata kryen kontroll rrugor në një mjet mallrash të rëndë.

Mjeti është i regjistruar në Itali dhe drejtues ishte një shtetas shqiptar, i cili po udhëtonte drejt Italisë. Gjysmë-rimorkio përmbante një ngarkesë me detergjent rrobash. Pas kontrolleve rezultoi se në këtë makinë kishte 74 kg kokainë, ngarkesë e cila nëse dilte në treg kapte vlerën e 2.9 mln eurove.

Sakaq, ditën e djeshme gjykata e Perpignanit dënoi shoferin shqiptar me 4 vite burg dhe ndalim në territorin francez për 10 vjet.

Një i ri është arrestuar nga Policia, pasi akuzohet për shitje droge. Burime zyrtare bëjnë me dije se pas hekurave ra shtetasi me inicialet D. M., 20 vjeç, banues në Durrës.

NJOFTIMI I POLICISE
Sekuestrohet një sasi lënde narkotike cannabis sativa, e ndarë në doza.

Vihet në pranga 20-vjeçari që posedonte dozat, me qëllim shitjen. Në vijim të punës operacionale me fokus goditjen e veprimtarive kriminale në fushën e narkotikëve dhe si rezultat i administrimit të shpejtë të informacioneve nga inteligjenca policore, të siguruara në vijim të megaoperacionit antidrogë të koduar “Tempulli 2”, specialistët për Hetimin e Narkotikëve të DVP Durrës, arrestuan në flagrancë shtetasin D. M., 20 vjeç, banues në Durrës.

Nga kontrolli fizik, shërbimet e Policisë i gjetën dhe i sekuestruan në cilësinë e provës materiale, një sasi lënde narkotike cannabis sativa, të ndarë në doza, me qëllim shitjen në zona të ndryshme të qytetit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.