SERBI- Në orën 20:45, Kombëtarja e Shqipërisë do të përballet me Serbinë, në sfidën kualifikuese të Botërorit 2026, që zhvillohet në stadiumin “Duboçiça” të Leskovcit. Federata Shqiptare e Futbollit ka publikuar pamjet nga dhomat e zhveshjes, ku shihet se kuqezinjtë do të luajnë me fanellën e bardhë, ndërsa Serbia, si skuadër vendase, do të zbresë në fushë me veshjen e kuqe tradicionale.

Para kësaj ndeshjeje, ekipi i Sylvinhos renditet në vendin e dytë të Grupit K, ndërsa Serbia e Stojkoviç ndodhet në vendin e tretë, duke e bërë këtë duel vendimtar për garën e “play off”-it.

Leskovc, Serbi – Ekipi Kombëtar i Shqipërisë ka mbërritur mbrëmjen e sotme në stadiumin “Duboçica” të qytetit të Leskovcit, ku do të zhvillohet ndeshja vendimtare kundër Serbisë, e vlefshme për fazën “Play-off” të Kampionatit Botëror 2026.

Në pamjet e siguruara nga vendngjarja, shihet ekipi kuqezi teksa mbërrin në stadium i shoqëruar nga forca të shumta policie dhe njësi speciale. Masat e larta të sigurisë janë zbatuar gjatë gjithë itinerarit të delegacionit shqiptar, nga hoteli në qytetin e Nishit deri në destinacionin përfundimtar në Leskovc.

Organet e sigurisë serbe kanë garantuar një prani të shtuar për të siguruar mbarëvajtjen e këtij takimi me sensitivitet të lartë sportiv dhe diplomatik.

TIRANE – Juljan Shehu dhe Mirlind Daku dolën sot në konferencë për shtyp nga stadiumi “Air Albania”, në prag të sfidës së rëndësishme Shqipëri – Letoni, e vlefshme për kualifikueset e Botërorit 2026.

Mesfushori Shehu theksoi se ndeshja e së martës është vendimtare dhe skuadra është e përqendruar vetëm te fitorja. Ai u ndal edhe te miqësorja me Gjibraltarin, e fituar 0-1, duke e cilësuar një test pozitiv për lojtarët e rinj dhe për mënyrat e ndryshme të lojës që trajneri dëshironte të provonte. “Ndeshja ndaj Letonisë është më e rëndësishmja, gjendja në skuadër është shumë e mirë dhe entuziazmi i lartë. Duhet patjetër të marrim tre pikët”, tha Shehu.

Sulmuesi Mirlind Daku foli në të njëjtën linjë, duke e cilësuar Letoninë një kundërshtar që nuk duhet nënvlerësuar. Ai rikujtoi ndeshjen e parë mes dy skuadrave, ku kuqezinjtë patën raste të shumta, por mungoi finalizimi.

“Kundër Letonisë duhet të jemi të fortë dhe të bashkuar, sepse këto janë ndeshjet më të vështira, kur përballesh me ekipe që nuk kanë çfarë të humbasin. Objektivi ynë është i qartë: fitorja”, u shpreh Daku.

Sulmuesi shtoi se ekipi ka treguar forcë dhe dominim në shumicën e kualifikueseve, përfshirë ndeshjen ndaj Serbisë në Tiranë, ndërsa synimi i madh mbetet kualifikimi në Kupën e Botës 2026. Shqipëria do të përballet me Letoninë të martën, në orën 20:45, në stadiumin “Air Albania”.

Tiranë – Paraditen e sotme, në “Shtëpinë e Futbollit”, trajneri Sylvinho e ndau grupin në dy pjesë.

Lojtarët që nuk u aktivizuan ndaj Serbisë zhvilluan një seancë të plotë, e fokusuar më shumë te puna me topin dhe situatat e ndryshme të lojës.

Ndërsa lojtarët që luajtën ndaj Serbisë bënë vetëm shkrythje në palestër dhe fizioterapi.

Departamenti i Komunikimit në FSHF bën me dije se për ndeshjen ndaj Letonisë nuk do të jetë në dispozicion kapiteni Berat Gjimshiti, i cili ka plotësuar numrin e kartonëve të verdhë.

Ekipi do të udhëtojë pasditen e sotme drejt Letonisë. Ndeshja Letoni – Shqipëri do të luhet të martën, më 10 qershor, në stadiumin “Skonto” të Rigës, në orën 20:45.

Dardanët janë kualifikuar në Ligën B të Ligës së Kombeve, duke triumfuar edhe në sfidën e dytë të Play-Off-it kundër Islandës, me rezultat 1-3, të dielën mbrëma në Murcia të Spanjës.

Kalimi në Ligën B të Ligës së Kombeve është arritja më e madhe e kombëtares sonë.

Padyshim se njeriu i ndeshjes ishte sulmuesi Vedat Muriqi, duke shënuar het-trik e që është tregolëshi i tij i parë në fanellën e Dardanëve

Islandezët më mirë e nisen ndeshjen dhe vetëm pas dy minutave përmes Oskarsson kaluan në epërsi prej 1-0.

Megjithatë, Dardanët shumë shpejtë i rehabilituan radhët e veta duke e marrë dominimin e lojës në terren dhe duke rrezikuar vazhdimisht portën islandezëve.

Pas 35 minutave në lojë Muriqi barazoi shifrat në 1-1. Ylli i Mallorca-s nuk u ndal me kaq dhe minutën e 45-të kalojë për herë të parë Kosovën në avantazh prej 1-2, derisa në minutën e 79-të i dha goditjen e tretë Islandës, duke e kompletuar het-trikun në rezultatin përfundimtar 1-3.

Përfundimisht Kosova me rezultatin e përgjithshëm prej 5-2, kombëtarja jonë kalon në Ligën B të Ligës së Kombeve që është arritje e jashtëzakonshme për Dardanët.

Kombëtarja shqiptare e futbollit do të zhvillojë këtë muaj dy takime në Ligën e Kombeve, takime të vlefshme për Grupin 1 të League-s B.

Kuqezinjtë do të ndeshen më 11 tetor me Republikën Çeke në transfertë, sfidë që do të nisë në orën 20:45 në “Epet Arena”.

Nga ana tjetër më 14 tetor Shqipëria do të ndeshet me Gjeorgjinë edhe ky takim që Kombëtarja do e zhvillojë në transfertë në orën 18:00 në “Mikheil Meskhi Stadium”.

Ndërsa jemi në prag të këtyre sfidave, Kombëtarja do të nisë këtë të diel grumbullimin në “Shtëpinë e Futbollit”.

Në një njoftim të Federatës Shqiptare të Futbollit bëhet me dije se lojtarët që kanë mbyllur ndeshjet me ekipet e tyre, do mbërrijnë këtë të diel në Tiranë, teksa pjesa tjetër priten që të bashkohen me ekipin të hënën, më 7 tetor.

“Grumbullimi i lojëtarëve do të nisë që të dielën në Tiranë me futbollistët që do të përfundojnë më herët impenjimet me skuadrat e tyre, ndërsa grupi i lojtarëve pritet të jetë i plotë të hënën më 7 tetor. Seancat stërvitore do të zhvillohen në ‘Shtëpinë e Futbollit’”,-njofton Federata Shqiptare e Futbollit.

Kombëtarja shqiptare e futbollit luan sot në orën 18:00 kundër Moldavisë në transfertë, për ndeshjen e parafundit në grupin E kualifikues të Euro 2024. Një pikë iu nevojiten “Shqiponjave” për të nisur zyrtarisht fluturimin në fazën finale të “Gjermani 2024”.