Teksa vazhdon drama e mjegullës mbi raportin me Eglin, Gjesti shfaqet me një humor të thyer në skenë, duke i rikthyer komentet për jetën e tij personale.

Këtë gjë, ai e tha në një nga koncertet e tij të turit europian në “Illyrian Glamour”, ku emocionet e tij ishin të dukshme. Publiku ishte i dhënë pas performancës së tij, por fjalët e tij për vuajtjet e dashurisë e bënë që momenti të ishte edhe më emocional.

“A jeni tu vujt allahile. Une po!” shprehet ai, duke i bërë disa nga fansat të mendojnë se ai po kalon një periudhë të vështirë në jetën e tij personale. Këto fjalë pasqyrojnë një anë të tij që për shumë ndjekës është e panjohur, pasi ai zakonisht i mbush show-t e tij me energji pozitive dhe humor.

Pasha Allahun jam tu vujt, fort bile. Shumë keq i kam punët,” vazhdon Gjesti, në një moment që duket se prek qetësinë e tij. Këto komente shfaqin një njeri të sinqertë që pranon vështirësitë e jetës, edhe kur ndodhet në qendër të vëmendjes.