Shkaku kryesor i rikthimit të kësaj videoje është deklarata e Rozanës, e cila në atë kohë pranoi se kishte një sy të lënduar si pasojë e një konflikti fizik të ndodhur vite më parë me kolegen e saj, Rezarta Shkurta. Kjo bie në kundërshtim me deklaratat e saj të fundit, ku ajo e mohoi një përplasje të tillë gjatë një debati në Big Brother VIP Albania 4.

Në videon e vjetër, Radi flet për konfliktin duke treguar edhe se rasti kishte përfunduar në gjykatë:

“Është në proces gjyqësor, ka fituar zonjusha seancën gjyqësore, ndërkohë që unë e kam hedhur në apel, sepse unë kam qenë e lënduara me një akt të mjekut ligjor që më thotë se duhet të bëj një pushim nëntë ditë e sipër sepse quhet plagosje e lehtë. Dhe duke qenë plagosje e lehtë, unë duhet të kem të drejtë ashtu siç thotë mjeku ligjor. Gjithsesi, unë them të shkoj në rrugë ligjore dhe shpresoj që kësaj here të më jepnin të drejtë sepse kam të drejtë. Kam një raport ligjor, kam një sy të lënduar në të cilin përdor akoma lente dhe syze”, pati thënë Rozana.

TIRANË- Dy persona janë konfliktuar për motive të dobëta mbrëmjen e sotme në rrugën Ndre Mjeda në kryeqytet. Sipas informacioneve policore, një 69-vjeçar ka goditur me sende të forta një 45-vjeçar, ndërsa ky i fundit i është përgjigjur duke e goditur me një mjet prerës.

Të dy këta persona ndodhen në spital, nën kujdesin e mjekëve. Policia dhe grupi hetimor ndodhen në vendngjarje dhe po punojnë për zbardhjen e plotë e rrethanave të ngjarjes.

NJOFTIMI I POLICISË:

Tiranë/Informacion paraprak

Më datë 09.01.2025, rreth orës 21:05, në rrugën Ndre Mjeda, gjatë një konflikti për motive të dobëta shtetasi B.D, rreth 69 vjeç, ka goditur me sende të forta shtetasin B.M, rreth 45 vjeç, ndërsa ky i fundit ka goditur me një mjet prerës shtetasin B.D.

Të dy këta shtetas ndodhen në spital, nën kujdesin e mjekëve.

Shërbimet e Policisë dhe Grupi Hetimor ndodhen në vendngjarje dhe po punojnë për zbardhjen e plotë e rrethanave të ngjarjes.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Dy vëllezër shqiptar kanë rënë në prangat e policisë italiane. Bëhet me dije se policia arrestoi me urdhër të Prokurorisë dy  shqiptarët të moshës 40 dhe 32 vjeç, të akuzuar për bashkëpunim në vrasje në tentativë dhe u dërguan në paraburgim në Parma. Si pasjë e debatit të dhunshëm që ka ndodhur mbrëmjen e së premtes që ka lindur për arsye të parëndësishme mes të njohurve të kombësisë shqiptare ka mbetur i plagosur një 33-vjeçar.

Mësohet se 33-vjeçari është shtruar në në gjendje të rëndë në spitalin Maggiore në Parma pasi u godit me thikë në një apartament në Sorbolo Mezzani, Parma. Gjithashtu ndërhyrja e shpejtë autoriteteve ka shmangur pasojat e mëtejshme dramatike mes dy vëllezërve dhe 33-vjeçarit.

Deputetja Monika Kryemadhi thotë se nuk ka konflikt politik me Ilir Metën, por sipas saj, ky i fundit është merr këshilla të gabuara nga këshilltarët e rinj në Partinë e Lirisë.

E ftuar në një emision televiziv, Kryemadhi tha se në mbledhjen e Kryesisë së partisë nuk ka patur diskutime me tone të larta, por nga ana tjetër theksoi se ajo nuk është as personazh që të aprovojë çdo gjë që thotë kryetari.

Sipas Kryemadhi, debati në Partinë e Lirisë, siç përmend Meta për “cimkaxinj”, ka nisur pas sulmit hakerues disa javë më parë të kompjuterave në selinë e partisë. Denoncimin që bëri vetë Meta në organet ligjzbatuese për këtë çështje, Monika Kryemadhi e konsideron si paçavure.

Blendi Fevziu: Cili është thelbi i konfliktit tuaj politik?

Monika Kryemadhi: Nuk mendoj që ka konflikt, ka një sjellje ndryshe të këshilltarëve të gabuar që ai ka mbledhur. Këto janë debate që unë i kam bërë në mbledhjen e Kryesisë.

Blendi Fevziu: Ka qenë e tensionuar mbledhja e Kryesisë?

Monika Kryemadhi: Jo nuk ka qenë e tensionuar. Debati që Monika Kryemadhi di të bëjë gjithmonë, nuk bën debat duke thënë po shefi, Monika bën debat duke treguar që debati ka filluar me atë paçavuren e famshme të denoncimit që është firmosur nga z.Meta përsa i përket serverave. Debati është edhe për shumë gjëra të tjera që kanë të bëjnë sa i përket meritokracisë, angazhimit, funksionimit të strukturave, marrjes së përgjegjësisë. Unë nuk mendoj që një parti politike është thjesht like dhe share në Facebook. Struktura e një partie politike është kontakti fizik i drejtpërdrejt me njerëzit. Ajo paçavure e firmosur nga Ilir Meta është një…

Mosmarrëveshjet mes të rinjve shpeshherë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete. Gjatë konfrontimeve fizike, përpos grushteve shpesh përdoren edhe mjete të mprehta, raporton Gazeta Sinjali.

Në një përleshje janë përfshirë mbrëmë dy të mitur në Lipjan, ku si pasojë një 17-vjeçar ka mbetur i therur me thikë.

Shërbimet spitalore kanë bërë me dije se i riu është dërguar atje me disa plagë, që dyshohet t’i jenë shkaktuar nga goditja me thikë.

Pas intervenimit të stafit mjekësor, gjendja shëndetësore e të plagosurit është stabilizuar dhe ai ndodhet jashtë rrezikut për jetë.

Ndërkohë lidhur me rastin është njoftuar edhe Policia, të cilët kanë dalë në vendin e ngjarjes, ku kanë kryer ekzaminimet e nevojshme dhe është arrestuar personi i dyshuar.

Pas përfundimit të procedurave policore, Prokurori i Shtetit ka nxjerrë aktvendim që i dyshuari të dërgohet në mbajtje për 24 orë.

Shtatë trupa të pajetë, u gjetën brenda një makine të bërë shoshë nga plumbat në Meksikën lindore.

Trupat e pesë burrave dhe dy grave u gjetën në një automjet në anë të një rruge në qytetin Aculzingo, në shtetin e Veracruz, që është një zonë e rrënuar nga konfliktet e bandave rivale.

Një nga viktimat ishte një i mitur, sipas mediave që citojnë një zyrtar të Gardës Kombëtare. Forca të forta të ushtrisë dhe policisë janë vendosur në zonë për kapjen e autorëve.

Pak ditë më parë një masakër e tillë u regjistrua edhe në qytetin Tuspan të të njëjtit shtet, Aty u gjetën dy automjete me trupa të prerë në copa. Në urën ku ishin braktisur makinat, autorët kishin lënë një mesazh kërcënues drejtuar një bande rivale.

Shteti i Veracruz, i njohur për vaniljen dhe kafenë e tij, është një nga rrugët kryesore që përdorin kartelet për të transportuar drogën në tregun amerikan.

Dy shqiptarë janë plagosur në Clermont-Ferrand të Francës, pas një sherri.

Njëri prej tyre u plagos nga një armë zjarri në gjoks dhe tjetri nga një plagë me thikë në fyt.

Konflikti ka ndodhur në lagjen Croix-de-Neyrat të Clermont-Ferrand, rue des Clos. Policia ka bërë me dije se të përfshirët në ngjarje kanë qenë në një automjet “Renault Scénic” në të cilin ndodheshin 2 persona dhe një “VW Golf” në të cilin ka qenë një person. Motivi i sherrit ende nuk dihet.

Mësohet se personi që mbërriti me “Golf” me sa duket e goditi me thikë në fyt një shqiptar banues në Scenic. Një nga pasagjerët e makinës u përgjigj me një të shtënë duke goditur tjetrin në gjoks. Dy personat që banonin në Scenic janë larguar veçmas, pasagjeri në këmbë, shoferi me mjetin. Personi i plagosur nga plumbi është dërguar në spital. Për momentin nga Komisariati nuk ka të dhëna për gjendjen e tij shëndetësore.

Dy orë më vonë, personi me dëmtim të arteries karotide u paraqit në qendrën shëndetësore République, e cila njoftoi komisariatin.

Ai u trajtua para se të merrej në paraburgim. Ai është një shqiptar 30-vjeçar që ishte nën kontrollin gjyqësor dhe i ndalohej të largohej nga Allier. I plagosuri nga të shtënat me armë është gjithashtu shqiptar, 25 vjeç.

Një 16-vjeçar është goditur me thikë në një shkollë në Milano. Ekipet e emergjencës ndërhynë menjëherë për t’i dhënë ndihmën e parë të riut.

Sipas mediave italiane i riu ndodhet në gjendje të rëndë në spital ku edhe po merr trajtim mjekësor.

Nuk dihen shkaqet e kësaj ngjarjeje, ndër autoritetet po hetojnë për zbardhjen e plotë të plagosjes së të riut.