Një 21-vjeçar është proceduar penalisht nga Policia, pasi dyshohet se është konfliktuar fizikisht me një të mitur, 13-vjeç.

Sipas komunikatës, E. M., 21 vjeç, banues në Vlorë, pasi dyshohet se për motive të dobëta është konfliktuar fizikisht me një shtetas të mitur 13 vjeçar, thotë policia.

”Komisariati i Policisë Vlorë referoi materialet në Prokurori dhe nisi procedimi penal për shtetasin E. M., 21 vjeç, banues në Vlorë, pasi dyshohet se për motive të dobëta është konfliktuar fizikisht me një shtetas të mitur 13 vjeçar”, shkruan Policia.

Arrestohen në flagrancë një person dhe njerku i tij në Korçë. Mësohet se E.T është konfliktuar fizikisht me njerkun e më pas ka dhunuar nënën e tij.

Janë proceduar edhe dy persona për veprat penale kanosja me fjalë dhe bërja e plazhit me vetëgjyqësi në një zonë private.

Njoftimi i Policisë:

Drejtoria Vendore e Policisë Korçë

Komisariati i Policisë Korçë arrestoi në flagrancë shtetasit E .T. dhe M. R., banues në Korçë, pasi dyshohet se shtetasi E. T. është konfliktuar fizikisht me njerkun e tij, shtetasin M. R. Gjithashtu, dyshohet se shtetasi E. T. ka ushtruar dhunë ndaj nënës së tij.

Komisariati i Policisë Pogradec referoi materialet në Prokurori ku filloi procedimi në gjendje të lirë për shtetasit:

-F. A., 57 vjeç, banues në fshatin Udënisht, Pogradec, pasi dyshohet se ka kanosur me fjalë, një 34-vjeçar;

-Sh. P., 50 vjeç, banues në Tiranë, pasi në zonën e Udënishtit, ka shkuar në mënyrë të përsëritur për të bërë plazh me vetëgjyqësi, në një zonë plazhi në përdorim nga një 45-vjeçar, me pretendimin se është plazh publik.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.