Shëngjin – 32-vjeçari humb jetën pas rënies nga skela, dyshohet kontakt me rrymën elektrike Shëngjin, 19 Korrik 2025 – Një ngjarje tragjike është regjistruar pasditen e sotme në shëtitoren e plazhit të Shëngjinit, pranë bustit “Willson”, ku një 32-vjeçar ka humbur jetën si pasojë e një incidenti në vendin e punës.

Sipas informacioneve paraprake, rreth orës 16:45, shtetasi Z. L., banues në fshatin Mërqi, Lezhë, ka rënë nga lartësia e një skele, duke dyshuar se shkak i rënies ka qenë kontakti me rrymën elektrike.

Menjëherë pas ngjarjes, në vendngjarje kanë mbërritur shërbimet policore dhe grupi hetimor, të cilët po punojnë për zbardhjen e plotë të rrethanave dhe përcaktimin e përgjegjësive ligjore.

Autoritetet pritet të japin një njoftim më të detajuar sapo të përfundojnë veprimet hetimore paraprake.

Një ngjarje e rëndë ka ndodhur pasditen e sotme në Korçë, ku një person ka rënë në kontakt me energjinë elektrike.

Mësohet se ngjarja ka ndodhur në fshatin Neviçisht, ku një grua 64-vjeçare ka rënë në kontakt me energjinë elektrike në rrethana ende të paqarta. Ambulanca dhe forcat e policisë janë nisur menjëherë drejt vendngjarjes për të dhënë ndihmën e nevojshme dhe për të nisur hetimet mbi shkaqet e ngjarjes.

Raportohet se e moshuara me iniciale I. D. u transportua në spitalin e Korçës dhe raportohet jashtë rrezikut për jetën.

Një elektriçist humbi jetën tragjikisht këtë pasdite në Divjakë.

Xhuljo Shtëmbari ishte në krye të detyrës, duke vendosur linjën e re të energjisë elektrike në fshatin Mërtish, kur ka rënë në kontakt me korrentin. Për pasojë humbi jetën!

Ndërkohë, pritet hetimi për ngjarjen.

Një 43-vjeçar ka humbur jetën mesditën e sotme në Roskovec. Mësohet se S.B 43 vjeç, ka rënë aksidentalisht në kontakt me rrymën elektrike teksa kryente punime në banesën e E.K.

Ky i fundit është shoqëruar në stacionin e Policisë për veprime të mëtejshme hetimore. Vijon puna për sqarimin e plotë të rrethanave të rastit.

‘Rreth orës 12:15, në qëndrën shëndetsore të Roskovecit, është dërguar pa shenja jete, shtetasi S. B., rreth 43 vjeç, banues në Berat.

Ky shtetas dyshohet se aksidentalisht ka rënë në kontakt me rrymën elektrike duke kryer punime në banesën e shtetasit E. K., banues në fshatin Suk, Roskovec.Shërbimet e Policisë kanë shoqëruar në stacionin e Policisë shtetasin E. K., për veprime të mëtejshme hetimore. Grupi hetimor vijon punën për sqarimin e plotë të rrethanave të rastit’, njofton policia.

Ngjarja pak minuta më parë në Maliq, ku një person në banesën e tij ka rënë në kontakt me energjinë elektrike. Sipas informacioneve paraprake mësohet se i zoti i shtëpisë po rregullonte çatinë ndërsa ka prekur tela të energjisë elektrike. Po transportohet drejt spitalit të Korçës, ndërsa burime bëjnë me dije se është në gjendje të rëndë shëndetësore. Policia në vendngjarje për zbardhjen e rrethanave.

Bie në kontakt me rrymën elektrike, humb jetën 60-vjeçari në Patos

‘Rreth orës 18:30, në spitalin rajonal të Fierit, është dërguar pa shenja jete, shtetasi I. M., rreth 60 vjeç, banues në fshatin Banaj, Patos.

Ky shtetas dyshohet se aksidentalisht ka rënë në kontakt me rrymën elektrike, në banesën e tij.

Grupi hetimor vijon punën për të dokumentuar me prova ligjore rrethanat e rastit’, informon policia.

Një ngjarje e rëndë ka ndodhur ditën e sotme në Dhërmi, teksa raportohet se një person ka ndërruar jetë dhe dy të tjerë janë dëmtuar pasi kanë rënë në kontakt me rrymën elektrike.

Mësohet se pronari i një hoteli në Dhërmi së bashku me dy punonjës po punonin për të rregulluar ndriçimin e jashtëm të hotelit, kur ranë në kontakt me rrymën.

Për pasojë ka ndërruar jetë 40-vjeçari në pronësi të të cilit ishte hoteli.

Sakaq, dy punonjësit e dëmtuar do të transportohen për ndihmë mjekësore të specializuar në Tiranë.

Njoftimi i policisë:

Dhërmi/Informacion paraprak

Rreth orës 17:25, në Dhërmi, shtetasit A. M, E. H, dhe K. N, (pronari dhe 2 punonjës të një hoteli), dyshohet se duke punuar me ndriçimin e jashtëm të hotelit, aksidentalisht kanë rënë në kontakt me energjinë elektrike dhe për pasojë janë dëmtuar. Të tre shtetasit janë transportuar për ndihmë mjekësore në spital, ku ndodhen nën kujdesin e mjekëve.

Në vijim të informacionit paraprak të dhënë, për tre shtetasit të cilët ranë në kontakt me energjinë elektrike në ambientet e jashtme të një hoteli në Dhërmi, ju informojmë se shtetasi A. M., rreth 40 vjeç, pronari i hotelit, ka ndërruar jetë për shkak të dëmtimeve, ndërsa dy punonjësit e dëmtuar do të transportohen për ndihmë mjekësore të specializuar në Tiranë.

17-vjeçari bien në kontakt me rrymën dhe ndërron jetë.

Mëngjesin e sotëm, në Mamurras, dyshohet se aksidentalisht ka rënë në kontakt me rrymën elektrike, në banesën e tij, shtetasi E. H., 17 vjeç.

17-vjeçari është dërguar në spital, por pavarësisht ndihmës mjekësore, ai ka humbur jetën.

Grupi hetimor vijon punën për të dokumentuar me prova ligjore rrethanat e rastit.

Një ngjarje e rëndë ka ndodhur mesditën e kësaj të enjte në Bulqizë, ku mësohet se një 50-vjeçar elektriçist është transportuar menjëherë drejt spitalit, pasi ka rënë kontakt me korentin. 

I lënduari është Avdyl Duriçi, i cili mësohet se po punonte për riparimin e një linje elektrike, kur ka ndodhur incidenti. Policia ndodhet në vendngjarje dhe po kryen zbardhjen e plotë të ngjarjes.

NJOFTIMI I POLICISË:

Me datë 28.03.2024, rreth orës 13.15, shtetasi A.D., rreth 50 vjeç, me profesion elektriçist, duke punuar për riparimin e një linje elektrike, dyshohet se ka rënë në kontakt me energjinë elektrike dhe për pasojë ka mbetur i lënduar.

50-vjeçari, është transportuar menjëherë drejt spitalit, ku po trajtohet me asistencë mjekësore. Grupi hetimor po kryen hetimet në vendngjarje dhe po punohet për zbardhjen e plotë të rrethanave të kësaj ngjarjeje.