Sipas informacioneve 53-vjeçari me iniicale S.I tentoi të fuste në mënyrë të paligjshme 49 celularë të markës iPhone, të fshehur në kabinën e kamionit që drejtonte.

DURRËS-Një 53-vjeçar nga Kosova është arrestuar nga policia në Portin e Durrësit. Sipas informacioneve 53-vjeçari me iniicale S.I tentoi të fuste në mënyrë të paligjshme 49 celularë të markës iPhone, të fshehur në kabinën e kamionit që drejtonte.

Celularët nuk kishin fatura blerjeje dhe dyshohet se ishin pjesë e një skeme kontrabande për të shmangur detyrimet doganore. Gjithashtu policia sekuestroi gjithashtu kamionin dhe 2 aparate celularë që përdorte i arrestuari. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për hetime të mëtejshme.

Agjencia e Mbikëqyrjes Policore ka arrestuar në policin Fatbardh Kuçana, pjesë e policisë së Tropojës.

Sipas njoftimit të AMP-së, Kuçana dyshohet për kryerjen e veprave penale “Kontrabandë me mallra për të cilat paguhet akcizë” dhe “Mosbindja ndaj urdhërit të punonjësit të policisë së rendit publik”.

Arrestimi është kryer në rrethanar kur polici është gjetur duke drejtuar një automjet tip Volksëagen me rimorkio, në të cilën kishte të ngarkuar një depozitë të mbushur me naftë.

Kuçana ka kaluar territorin doganor në Doganën e Qafë Morinës pa iu bindur urdhrave për ndalimin dhe verifikimin e ngarkesës.

Pas hetimeve është arritur të gjendet sasia kontrabandë e naftës që shkonte në rreth 1000 litra naftë kontrabandë.

Njoftimi i AMP-së:

Agjencia e Mbikëqyrjes Policore (Rajoni Kukës – Dibër) ka arrestuar në flagrancë punonjësin e policisë Inspektor F. K, me detyrë Oficer i Patrullës së Përgjithshme në Komisariatin e Policisë Tropojë, i dyshuar për kryerjen e veprave penale “Kontrabandë me mallra për të cilat paguhet akcizë… etj” dhe “Mosbindja ndaj urdhërit të punonjësit të policisë së rendit publik”.

Arrestimi u bë i mundur pasi me datë 24.05.2026 rreth orës 18:00 duke drejtuar automjetin tip Volksëagen së bashku me rimorkio në të cilën kishte ngarkuar një depozitë të mbushur me karburant të llojit naftë, ka kaluar territorin doganor duke mos ju bindur shërbimeve të Pikës së Kontrollit Kufitar dhe Shërbimeve Doganore Qafë Morinë për verifikimin e ngarkesës dhe ndjekjen e procedurave. Pas kryerjes së veprimeve hetimore dhe peshimit nga autoritetet përkatëse, ka rezultuar pesha prej 840 kg.

Materialet proceduriale janë referuar në Prokurorinë pranë Gjykatës së Shakllës së Parë të Juridiksionit të Përgjithshëm Kukës.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke

Policia ka goditur një tjetër rast të kontrabandës në pikën kufitare të Qafë Thanës, si rezultat i kontrolleve të shtuara dhe analizës së riskut për parandalimin e paligjshmërive.

Në pranga ka rënë E. Q., 38 vjeç, banues në Elbasan, i cili u kap në tentativë për të futur naftë kontrabandë në territorin shqiptar. Arrestimi u krye nga specialistët për Hetimin e Krimeve të Drejtorisë Vendore të Kufirit dhe Migracionit Korçë, pas përfundimit të veprimeve procedurale.

Lënda e dyshuar si naftë kontrabandë është sekuestruar në cilësinë e provës materiale, ndërsa ndaj 38-vjeçarit rëndon akuza për veprën penale “Kontrabanda me mallra për të cilat paguhet akcizë”.

Materialet procedurale i janë referuar Prokurorisë së Korçës për veprime të mëtejshme hetimore. Kontrollet do të vijojnë me intensitet për të goditur çdo tentativë të shkeljes së ligjit në pikat kufitare.

Një hetim i nisur 8 muaj më parë ka zbuluar se rreth 30 klinika estetike në Tiranë përdornin tek klientet e tyre, botoks të kontrabanduar.

Lënda e njohur me emrin e saj shkencor “Botulinum toxin-A”, shkurt “Botoksi”, është një substancë e përpunuar dhe e purifikuar, i cili prej kohësh ka gjetur aplikim në dermatologjinë estetike, sidomos për trajtimin e rrudhave në vendin tonë dhe kudo në botë.

Krimi Ekonomik kishte mësuar se në vendin tonë, lënda injektohej në çdo ambient.

Sipas dosjes që publikoi Tch, në bisedat e zhvilluara mes agjentëve dhe klinikave, çmimet variojnë 100 euro për 0.5 ml.

Biseda me klinikën “Glam House”:

Agjentja: Si jeni? Kam lënë takim për botox!

Recepsionitja: Po emri juaj?!

Agjentja: -A.M.

Recepsionitja: Po vetëm një moment të shkoj në dhomë të shoh mos është gati dhe të njoftoj.

Agjentja: Po, ta bëj pagesën?

Recepsionistja-Pastaj s’ka problem. Do bësh full botox-in?

Agjentja- Po për atë.

Recepsionistja-Dhoma është gati vazhdojmë. Do një kafe përpara se të fillojmë?

Agjentja: Jo, mund të pres atje derisa të vijnë.

Recepsionistja: Besoj se doktoresha do vi tani direkt. Prandaj si te duash ulu ku të beheni me mire. Vjen doktoresha Iva Risto….-

Doktoresha: Pershëndetje!

Agjentja: Pershendetje!

Doktoresha I.R: Une jam doktoresha, me thuaj.

Agjentja: Kam lënë takim për pjesën full Botox. Dmth te pjesa ballit, te syte shumë pak.

Doktoresha I.R: E ke bëre ndonjehere apo jo?

Agjentja: Jo eshte hera parë dhe të konsultohem njeherë…

Biseda e regjistruar në “Deas Aestetic Clinics”.

Agjentja: Kam lënë orar, në orën 11:00.

Recepsionistja-Doktoresha është rrugës po vjen. Keni bërë here tjeter botox?

Agjentja: Jo është hera e parë.

Recepsionistja: Si fillim e nisin me baby botox, po varet nga mosha.

Agjentja: Nga ndryshon ky baby nga të tjerat?

Recepsionistja-Është dozë më e lehtë se full botox.

Agjentja: A ka ndonje specializim doktoresha?

Recepsionistja: Është stomatologe si mjeke, por ka bërë trajnime pafund për pjesën që punon, ka katër vite që punon.

*vjen doktoresha (tashmë e arrestuar) Deisa Shehaj

Doktoresha: Se kjo është idea t’a nisësh që tek rrudhat e para, që kur të kalosh nje farë moshe mos te kalosh në kirurgi, thjesht t’a mirëmbash me botox.

Agjentja: Ehe.

Doktoresha: Botox dy herë ne vit ose nje herë në vit. Për me tepër unë nuk e rekomandoj. Ka plot klininka që të marrin pas tre muajve. Herën e parë nuk të mban shumë 6 muaj, 5 muaj.

Kështu agjentja ka shkuar edhe në klinikat e tjera. Ja çfarë i ka ndodhur?

Në klinikën “Begas Klinik”, doktoresha i ka treguar që ajo përdor është “Hemtoks”, duke shpjeguar që jane vetëm tre klinika që e përdorin këtë lloj marke dhe ka një kosto goxha të lartë.

Në klinikën “Allure Beauty”, doktoresha i ka pohuar që kanë kontroll në klinikë, pasi kanë probleme me regjistrimin e “Botox” sepse ende nuk lejohet futja e këtij produkti në Shqipëri.

Ne klinikën “Medical Hills Seiss Aesthetic Clinic”, i tregon se injekton lëndën që quhet “Botolinjum Intoksine”.

Në klinikën “Onxy Dermo Care”, botoxi është i markës “Naboten”.

Pastaj takime janë bërë edhe në klinikat: “Arsi Medical Clinic”, “Better Me Clinic” “Este Medial Group Albania”, Amra Medical Aesthetics”, “La Beaute”, “Bellisera”, etj.

Por nga vinte botoksi dhe kush e sillte në Shqipëri?

“Furnitori” ishte pronari i Capo-Al, Mildon Kumaraku, i cili tashmë është vendosur në pranga nga Policia e Shtetit.

Herën e fundit që ai ka sjellë lëndë të tilla në Shqipëri ka qenë data 9 tetor, e ka hyrë nga dogana e Hanit të Hotit.

Bashkë me të shoqen, V.Kumaraku shpërndante lëndën e botoxit në Tiranë që e mbanin në termusa, të cilat i mbante në bagazhin e tij të makinës.

Sipas Prokurorisë, Kumaraku bënte 10-12 zhdoganime në muaj dhe brenda doganës në Vorë kishte një magazinë ku edhe mbante produktet që i importonte nga Turqia dhe nga Koreja e Jugut.

Kush i injektonte klientet me botoks të pacertifikuar?

– Doctors Hospital, me objekt veprimtarie ofrimin e shërbimeve mjekësore, ambulatore jopublike, kirurgjike, plastike, etj është një një ndër tregtarët kryesore të shitjes së produktit botoks në Shqipëri.

-Klinika estetike Luar Clinic, është mësuar se injekton pa qenë të specializuar për produktin botoks.

-Senera Hoxha, e identifikuar nga Instagrami me emrin Chimera Clinic, njihet si shitëse e produktit të botoks.

-Kozeta Bakaj, shet botoks, të cilin e blen dhe importon nga Italia. Produktin e shpërndan vetë në klinika të ndryshme, ose nëpërmjet një vajze, e identifikuar në rrjetin social Instagram me emrin “elaa”, e cila prezantohet si menxhere e shitjes së produkteve të klinikës “Cozzy Aesthetics”.

Kështu, në finalizimin e këtij operacioni, 3 persona u vendosën në pranga dhe 3 të tjerë.

Por edhe pse aksioni është finalizuar që 2 ditë më parë, Policia nuk e ka bërë me dije sesa ka qenë sasia totale e botoksit që është sekuestruar.

Gjithashtu duhet theksuar se botoxi kudo në botë nuk është një lëndë e ndaluar për t’u injektuar, por në Shqipëri ende nuk futet në mallrat që lejohet të importohet. Kështu, rrjedhimisht ndalohet që të injektohet.

Por klinikat kanë gjetur mënyrën për të përmbushur kërkesat e klienteve të tyrë. Sesa i sigurtë është produkti që kanë injektuar, kjo gjithashtu nuk dihet.

Shtatë persona janë proceduar në Tiranë në kuadër të operacionit policor të koduar “Second Hand”.

Këta persona u proceduan, për shkak se në subjektet e tyre argjendari janë gjendur bizhuteri si varëse, byzylyke, unaza, me mbishkrimin “Pandora”, të cilat nuk i justifikonin me fatura doganore dhe tatimore, dhe të dyshuara kontrabandë.

Të proceduar janë; Gazmend Spahiu, Fabio Demerxhiu, Marjeta Bengasi, Irena Bengasi, Fatjon Spahiu, Indrit Imeraliu dhe Festim Allushi.

Argjendaritë ndodhen në rrugën “Myslym Shyri” dhe në “Rruga e Dibrës në kryeqytet.noa.al