Durrës, 29 maj 2025 – Policia e Burgjeve ka ushtruar sot një kontroll të befasishëm në ambientet e burgut të Durrësit, ku janë sekuestruar 10 telefona celularë që dyshohet se përdoreshin në mënyrë të jashtëligjshme nga të dënuarit.

Operacioni u zhvillua me urdhër të Drejtorisë së Përgjithshme të Burgjeve dhe kishte si synim identifikimin dhe largimin e sendeve të ndaluara brenda institucionit të vuajtjes së dënimit.

Autoritetet janë duke vijuar hetimet për të përcaktuar mënyrën se si këto pajisje kanë përfunduar në duart e të burgosurve dhe për të identifikuar çdo përgjegjës të mundshëm nga brenda apo jashtë sistemit. Kontrolli është pjesë e një strategjie më të gjerë për forcimin e sigurisë në institucionet penitenciare të vendit.

Policia Kufitare ka marrë një  plan masash për ushtrimin e kontrolleve intensive në të gjithë vijën bregdetare, ndaj mjeteve lundruese, kryesisht ndaj atyre të argëtimit, për verifikimin e zbatimit të ligjit dhe të rregullave të lundrimit.

Në zbatim të planit të masave, Policia Kufitare dhe Njësia Policore Detare kanë nisur kontrollet intensive përgjatë gjithë vijës bregdetare, liqenore dhe lumore, për verifikimin e  dokumentacionit të mjeteve lundruese.

Si rezultat i kontrolleve në Durrës, nga Njësia Policore Detare dhe Policia Kufitare, janë konstatuar 2 mjete lundruese argëtimi Jet Ski.

Gjatë verifikimit të dokumentacionit ka rezultuar se asnjëri prej mjeteve lundruese nuk kishte dokumentacion dhe për këtë arsye Policia Kufitare ka bërë bllokimin e të 2 mjeteve lundruese, si dhe ka ndëshkuar me masën administrative 10 000 lekë, secilin nga drejtuesit e tyre.

Policia Kufitare apelon pronarët dhe përdoruesit e mjeteve lundruese, që të zbatojnë me korrektesë, kërkesat ligjore për daljen në det, për pajisjen me dokumentacionin përkatës dhe respektimin e  zonave të sigurisë së pushuesve në plazhe.

Policia Kufitare dhe Njësia Policore Detare janë të angazhuara maksimalisht për të garantuar sigurinë në plazhe dhe në këtë kuadër, do të intensifikojnë kontrollet dhe monitorimin nga toka dhe në det, të të gjithë vijës bregdetare.

Një aksion antidrogë është zhvilluar gjatë natës në disa fshatra të Beratit, ku janë kryer kontrolle në sera, njësi shërbimi e bare.

Burime bëjnë me dije se është kapur me doza kokaine, gati për shitje, 19-vjeçari Haxhi Vrapi, në fshatin Drenovicë.

Njoftimi policisë:

Njoftimi:

Drejtoria Vendore e Policisë Berat mësohet se ka organizuar gjatë natës një aksion antidrogë në fshatrat: Samaricë, Drenovicë e Pobrat, fshatra të ish/njësisë administrative Kutalli në Dimal. Aksioni policor, ku u bënë bashkë forcat operacionale, forcat Shqiponja, efektivë të sektorit të antidrogës e krimit në DVP-në Berat, sipas burimeve-kishte si qëllim goditjen e kultivimit e shitjes së lëndëve narkotike.

Duke qenë se këtë vit në zonat Pobrat, Samaticë e Rërëz janë gjetur e asgjësuar sera me kanabis, “shtëpi bari” dhe shumë kilogram droge të presuar, mësohet se aksioni është përqendruar në sera, njësi tregtime e bare. Si rezultat i këtij aksioni, në fshatin Drenovicë është arrestuar në flagrancë me doza të konsiderueshme kokaine, gati për shitje,19-vjeçari Haxhi Vrapi, banues në fshatin Drenovicë.