Gjatë monitorimit të akseve rrugore, shërbimet e Policisë Rrugore të Durrësit kanë ndaluar një automjet me drejtues shtetasin V. Gj., pasi ai po kryente manovra të parregullta. Pas kryerjes së alkooltestit, ky shtetas rezultoi të ishte në gjendje të dehur.

Gjatë veprimeve policore, V. Gj. i ofroi një shumë parash punonjësit të Policisë me qëllim për të shmangur ndëshkimin ligjor. Në vijim të veprimeve, u ndaluan edhe 3 drejtues të tjerë automjetesh, të cilët gjithashtu ofruan para për të shmangur ndëshkimin.
“Si rezultat, shtetasi V. Gj., 51 vjeç, u arrestua për veprat penale “Drejtimi i automjeteve në mënyrë të parregullt” dhe “Korrupsioni aktiv i personave që ushtrojnë funksione publike”. Po ashtu, ndaj shtetasve Xh. H., 29 vjeç, banues në Pogradec, M. L., 35 vjeç dhe A. L., 33 vjeç, banues në Durrës, nisi procedimi në gjendje të lirë për veprën penale “Korrupsioni aktiv i personave që ushtrojnë funksione publike””, thuhet në njoftimin e policisë.

Materialet procedurale i kaluan Prokurorisë për veprime të mëtejshme.

Në Kuvend u miratua rezoluta antikorrupsion. Gjatë seancës plenare të së hënës, propozimi i Partisë Socialiste kaloi me 76 vota pro.

Ndërkaq dy deputetë, Dashnor Sula dhe Agron Shehaj dhanë votën e tyre kundër, teksa nuk pati asnjë abstenim.

Kjo rezolutë synon të rrisë forcimin e ligjit të luftojë korrupsionin si edhe të përafrojë legjislacionin shqiptar me atë të Bashkimit Europian.

Komisioni i Pavarur i Kualifikimit shkarkoi sot nga detyra gjyqtaren e Gjykatës së Shkallës së parë në Durrës, Mimoza Margjeka.

Sipas njoftimit të publikuar nga KPK, vendimi u mor nga trupi gjykues i i kryesuar nga Genta Tafa Bungo, Roland Ilia relator, Suela Zhegu anëtare.

“Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore në datën 26 shkurt për subjektin e rivlerësimit,  Mimoza Margjeka, bazuar në ligj vendosi shkarkimin nga detyra të subjektit të rivlerësimit Mimoza Margjeka, gjyqtare në Gjykatën e Shkallës së Parë të Juridiksionit të Përgjithshëm Durrës”, njofton KPK.

“Vendimi, i arsyetuar me shkrim, nga trupi gjykues i kryesuar nga Genta Tafa Bungo, Roland Ilia relator, Suela Zhegu anëtare do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve”, vijon njoftimi.

Mimoza Margjeka, e cila në kohën kur u ndalua, në shtator të vitit 2020, ishte e komanduar në gjykatën e Apelit Korçë, u dënua se mori 6 mijë euro përmes bashkëshortit Arben Cara për të lehtësuar masën e sigurisë së një personi të ndaluar në Pogradec.

Margjeka u dënua me 4 vjet e 6 muaj burgim, por u urdhërua pezullimi i ekzekutimit të vendimit të dënimit me burgim për pjesën e mbetur pa vuajtur, si dhe u caktua në provë për 3 vjet. Po ashtu, iu hoq e drejta për të ushtruar funksione publike për një afat kohor 5-vjeçar. 

Luiz Ejlli mbetet protagonisti më i spikatur i BBV.

Në disa raste ai ka shprehu pakënaqësitë që ka ndaj produksionit.

Së fundmi, teksa ka qenë duke biseduar me një grup banorësh, Luiz Ejlli ka bërë sërish një nga kërkesat e tij shumë të dëshiruara. Ai i ka kërkuar “Vëllait të Madh” që të shtunën, ta nxjerrë atë dhe Oltën në nominim, duke e justifikuar kërkesën e tij si fundin e korrupsionit në shtëpi.

“Korrupsioni në këtë shtëpi mbaron në qoftë se “Vëllai i Madh” na lë mua dhe Oltën kokë më kokë në nominim të shtunën” – tha Luizi.

Kujtojmë se disa javë më parë ishim shumë afër një noniminimi “kokë më kokë” me Oltës dhe Luizit, si rezultat i lojës me litar. Por, në momentin e fundit “Vëllai i Madh” ndryshoi rregullat duke çuar të gjithë banorët në nominim dhe duke shmangur kështu nominimin me Oltës dhe Luizit.