Kryeministri Edi Rama ka reaguar pas vendimit të Kosovës për të hequr nga qarkullimi dinarin serb, një veprim i kundërshtuar fort nga ndërkombëtarët.

Në një mesazh të postuar në rrjetin social “X”, Rama thotë se qeveria e Kosovës duhet të punojnë ngushtë me aleatët, por ndërkohë ka të drejtën e saj të pamohueshme të zbatojë kushtetutën e saj.

“Pas Banjskës”, thotë Rama, “është thelbësore të ruani fokusin dhe ndjenjën e ekuilibrit”.

Mesazhi i Ramës:

Ndërsa të gjithë jemi dakord që qeveria e Kosovës duhet të angazhohet, të koordinohet dhe të punojë më ngushtë me aleatët e saj kryesorë, le të mos e harrojmë gjithashtu të drejtën e pamohueshme të Kosovës për të zbatuar kushtetutën e saj. Pas Banjskës, është thelbësore të ruani fokusin dhe ndjenjën e ekuilibrit.