Kosova barazoi pa gola ndaj Sllovenisë, në sfidën kualifikuese të botërorit. Dardanët e nisën takimin në sulm duke rrezikuar me Muriqin, por vetëm kaq.

Në fundin e fraksionit, Sesko u përgjigj në krahun tjetër, duke shkaktuar drithërima te vendasit. Pavarësisht rasteve nuk pati gol në pjesën e dytë. Kosova është në vendin e dytë me 4 pikë në grupin B, ndërsa Sllovenia ka 2 pikë.

Që në fillim, brenda ‘pod-eve’ (dhomave të veçanta), ata gjetën një lidhje të fortë shpirtërore duke ndarë vlera të ngjashme për familjen, kulturën dhe të ardhmen.

Bardha tregoi historinë e saj të fëmijërisë, kur familja u detyrua të largohej nga lufta në Kosovë, çka e formësoi si një grua të pavarur dhe të fortë. Jed e admiroi këtë forcë dhe dyshja filloi të ndërtonte plane për të ardhmen, duke folur për martesën dhe familjen që ëndërronin të kishin së bashku.

Kur dolën nga ‘pod’-et dhe nisën bashkëjetesën, lidhja e tyre dukej solide, por shpejt u shfaqën shenjat e para të tensionit.

Një moment i vogël, por domethënës, ishte kur Bardha pagoi faturën në një darkë, ndonëse Jed kishte shprehur dëshirën ta bënte këtë gjest.

Kjo krijoi një ndjenjë ftohtësie dhe bëri që të dy të reflektonin për rolet në marrëdhënie, me Jed që ndihej i pavlerësuar dhe Bardha që ndjente se liria e saj po shihej si pengesë.
Megjithatë, ata vendosën ta çonin lidhjen deri në altar.

Ditën e dasmës, atmosfera ishte e mbushur me emocione. Jed shprehu dashurinë e tij dhe besimin e plotë për të ardhmen së bashku, por kur erdhi momenti i zotimeve, Bardha mes lotësh tha se nuk ishte e gatshme të martohej atë ditë.

“Nuk është një jo për ty”, u shpreh ajo, “por një jo për momentin. Dua të bëj gjithçka që premtova, por kur të dy të jemi plotësisht gati”.

Vendimi i saj e tronditi Jedin, i cili mbeti i habitur dhe i lënduar, ndërsa Bardha u largua e përlotur, e ngushëlluar nga familja e saj.

Reagimet ishin të ndara: disa e kritikuan Bardhën se i tha jo një burri që e donte sinqerisht, ndërsa të tjerë e përgëzuan për maturinë dhe guximin për të mos marrë një vendim të nxituar.

Në fund, nga katër çiftet që mbërritën në altar, tre u martuan, ndërsa vetëm Bardha dhe Jed zgjodhën të mos e bëjnë këtë hap.

Is love truly Blind? Bardha and Jed make their decisions. #loveisblindnetflix #loveisblind #UK ♬ original sound – S

Historia e tyre nuk mbaroi aty, pasi Bardha la të hapur mundësinë për një të ardhme së bashku, duke e përkufizuar vendimin e saj jo si fund, por si një shtyrje për kohën e duhur.

Sot, e ardhmja e tyre mbetet e pasigurt, por historia e tyre u bë një nga më të diskutuara të sezonit, duke prekur publikun përmes sinqeritetit, përplasjes mes dashurisë dhe kohës, dhe vendimit të vështirë për të zgjedhur zemrën apo arsyen.

Specialistët e Hetimit të Krimeve në Komisariatin e Policisë Himarë vunë në pranga në flagrancë A. S., 25 vjeç, banues në Kosovë, i dyshuar për vjedhjen e një shume prej 1400 eurosh nga automjeti i një pushuesi, ngjarje kjo që ka ndodhur më 26 korrik 2025 në plazhin e “Porto Palermos”.

Nga hetimet intensive ka rezultuar se i riu ka kryer këtë vjedhje në bashkëpunim me një person tjetër, i cili aktualisht ndodhet në kërkim nga autoritetet. Policia ka sekuestruar shumën e vjedhur si dhe automjetin tip Volkswagen, që dyshohet se është përdorur për kryerjen e kësaj vjedhjeje, të cilat janë marrë si prova materiale në procesin hetimor.

Pas përfundimit të veprimeve hetimore, materialet procedurale iu referuan Prokurorisë pranë Gjykatës së Shkallës së Parë në Vlorë për veprën penale “Vjedhja”, kryer në bashkëpunim. Policia vijon operacionet për kapjen e personit tjetër të përfshirë në këtë ngjarje, në mënyrë që të zbardhet plotësisht rasti dhe të përfundojë me dënimin e autorëve.

Kjo ngjarje është një tjetër sinjal i rëndësishëm për nevojën e rritjes së sigurisë në zonat turistike, ku shfrytëzimi i pushuesve me vjedhje mbetet problem shqetësues për komunitetin dhe autoritetet lokale.

Prej afro dy vitesh, Kosova ka kaluar nën masa ndëshkuese të Bashkimit Europian, të cilat, edhe pse ka nisur heqja e tyre, ende nuk janë larguar plotësisht. Masat u vendosën në qershor të vitit 2023, si reagim ndaj tensioneve në veri të vendit. Këto masa sollën pasoja të ndjeshme në tre fusha kryesore, humbje financiare, izolim diplomatik dhe ngecje në procesin e integrimit europian.

Që nga qershori i vitit 2023, Kosovës i janë vendosur disa masa ndëshkuese nga Bashkimi Europian. Tani, gati dy vjet më vonë, ato kanë filluar të hiqen dalëngadalë – me shumë paqartësi. Por, dëmi i shkaktuar deri më tani arrin qindra miliona euro.

Një raport i publikuar nga Instituti për Studime të Avancuara, tregon se masat i kanë kushtuar Kosovës rreth 615 milionë euro në projekte të pezulluara ose të shtyra në afat të pacaktuar, ndërsa 7.1 milionë euro janë humbur, pasi janë tejkaluar afatet e lejuara.

Sektorët më të prekur përfshijnë mjedisin me 350.7 milionë euro, energjinë me 114.4 milionë euro, dixhitalizimin me rreth 57 milionë euro dhe kulturën, me 15 milionë euro. Rreth 218 milionë euro janë projekte në kuadër të IPA (IPA II dhe IPA III) dhe rreth 395.5 milionë euro janë projekte në kuadër të Kornizës së Investimeve të Ballkanit Perëndimor (WBIF).

Realizimi i këtyre projekteve ishte parashikuar të financohej nëpërmjet granteve dhe kredive, me një kontribut prej rreth 421 milionë eurosh nga Bashkimi Europian, afërsisht 162 milionë euro nga palët e treta, si institucionet financiare ndërkombëtare, si dhe vetëfinancim në vlerën prej 31 milionë eurosh.

“Këto vonesa në fillimin e zbatimit të projekteve nënkuptojnë shtyrje ose humbje të mundësive për rritje, zhvillim dhe përmirësim të mirëqenies së qytetarëve, si dhe ndikojnë negativisht në perspektivën për integrim europian”.

Në Raport theksohet se puna e organeve në kuadër të Marrëveshjes së Stabilizim-Asociimit (MSA) ishte ndërprerë deri në maj të vitit 2025, fondet për Kosovën në kuadër të Instrumentit të Para-Anëtarësimit (IPA) janë pezulluar dhe propozimet e Kosovës në Kornizën e Investimeve për Ballkanin Perëndimor (WBIF) nuk janë duke u shqyrtuar nga Bordi i WBIF-it.

“Për më tepër, Kosova nuk është përfshirë në ngjarje të nivelit të lartë, përveç atyre që lidhen me situatën në veri dhe integrimin rajonal të Ballkanit Perëndimor.

Për heqjen e këtyre masave nevojitet konsensusi i plotë i vendeve anëtare të BE-së, ku deri më tani nuk është marrë ndonjë vendim i tillë”.

Pse u vendosën masat dhe si po hiqen ato

BE-ja e ndëshkoi Kosovën në qershor të vitit 2023, për shkak të, siç vlerësoi, rolit të Qeverisë së Kosovës në nxitjen e tensioneve etnike në veri të vendit – zonë e banuar me shumicë serbe. Që atëherë, liderët politikë të Kosovës kanë bërë thirrje të vazhdueshme për heqjen e këtyre masave, duke i quajtur ato të padrejta.

Ndërkohë, përfaqësuesja e lartë e Bashkimit Europian për Politikë të Jashtme dhe Siguri, Kaja Kallas, ka thënë se kanë nisur t’i heqin masat ndaj Kosovës. Sipas saj, heqja e masave të prezantuara para dy vjetësh, po bëhet gradualisht.

“Si shenjë e përkushtimit tonë, mund të njoftoj se BE-ja ka filluar gradualisht të heqë masat e vendosura në qershor të vitit 2023. Vendimi hap rrugën për mundësi më të mëdha për zhvillimin e Kosovës dhe për lidhje më të ngushta me Europën”.

Ajo tha se është gjë e mirë që anëtarësimi në Bashkimin Europian mbështetet nga shumica e njerëzve në Kosovë dhe nga një spektër i gjerë politik.

“Përparimi mund të arrihet vetëm nëpërmjet reformave të vazhdueshme. Plani i Rritjes i Bashkimit Europian për Ballkanin Perëndimor është një mundësi e madhe për integrim gradual në tregun e përbashkët europian që po sjell mirëqenie për qytetarët”.

Por, edhe ky lajm ka sjellë paqartësi, pasi ende nuk dihet se cilat masa saktësisht po hiqen dhe në çfarë afatesh.

Një prej tyre ka të bëjë me Marrëveshjen e Stabilizim-Asociimit, paktit të parë kontraktual mes Kosovës dhe bllokut europian, dhe Kornizën e Investimeve për Ballkanin Perëndimor.

Çfarë humbi Kosova nga masat?

Masat, sipas raportit të Institutit GAP, prekën rreth 395 milionë euro në kuadër të projekteve të WBIF-së – që synonin zhvillimin socio-ekonomik dhe të perspektivës europiane të vendeve të Ballkanit Perëndimor – dhe rreth 218 milionë euro në kuadër të programit IPA – program që u ofron asistencë financiare dhe teknike vendeve që synojnë BE-në.

Këto fonde ishin planifikuar të shpenzoheshin për realizim të projekteve, të cilat do të financoheshin përmes granteve dhe kredive. Edhe pse marrëveshja për IPA të vitit 2024 nuk ishte nënshkruar, projektet e planifikuara në kuadër të saj arrinin vlerën totale prej 56.4 milionë eurosh.

Por, më shumë se nga fondet e programit IPA, Kosova ka humbur në vlerë monetare nga masat që kanë prekur projektet në kuadër të Kornizës Investuese për Ballkanin Perëndimor (WBIF).

“Aplikimet e Kosovës në kuadër të Kornizës Investuese për Ballkanin Perëndimor (WBIF) të dorëzuara gjatë viteve 2023 dhe 2024, nuk kanë kaluar më tej për miratim.

Si pasojë, disa projekte kyçe, të cilat ishin të bashkëfinancuara nga Agjencia Franceze për Zhvillim (AFD), Banka Gjermane për Zhvillim (KFW) dhe institucione të tjera ndërkombëtare, nuk janë duke u realizuar”.

Projektet e pezulluara në vlerë prej 395.5 milionë eurosh përfshijnë, ndër të tjera: shtrirjen e rrjetit të ujësjellësit dhe kanalizimit në Prishtinë, impiantin për trajtimin e ujërave në Ferizaj, linjën ndërlidhëse energjetike Kosovë–Shqipëri, ndërtimin e infrastrukturës kundër përmbytjeve dhe për ujitje.

“Pezullimi i investimeve të tilla ka sjellë pasoja të menjëhershme dhe afatgjata, si vonesa në ndërtimin e infrastrukturës, humbje të mundësive për punësim, përkeqësim të kushteve të jetesës dhe pengesë në përmbushjen e objektivave mjedisore e integruese”.

Cilat janë masat e BE-së ndaj Kosovës?

Masat e BE-së ndaj Kosovës përfshinin: pezullimin e përkohshëm të grupeve të punës për Marrëveshjen e Stabilizim-Asociimit, mosftesën e Kosovës në takime të nivelit të lartë dhe pezullimin e vizitave dypalëshe.

Gjithashtu, u pezullua edhe programimi i fondeve për Kosovën, të cilat ishin paraparë të dorëzoheshin nëpërmjet Kornizës së Investimeve në Ballkanin Perëndimor dhe IPA 2024 (Instrumentet e Para-Anëtarësimit).

Programi IPA, sipas Komisionit Europian, është paraparë si “mënyrë përmes së cilës BE-ja përkrah reforma në ‘vendet në procesin e zgjerimit’ me ndihmë financiare dhe teknike”.

Kosova ka përfituar gjithsej 1.21 miliardë euro nga ky program që nga viti 2007 deri në fund të vitit 2022. Nga programi Korniza e Investimeve në Ballkanin Perëndimor, Kosova ka përfituar rreth 1.8 miliardë euro nga viti 2009 deri më 2021.

Por, pas masave ndëshkuese, Kosova mbeti jashtë granteve që BE-ja miratoi në korrik të vitit 2023, në vlerë prej 2.1 miliardë eurosh.

Ndikimi i masave në imazhin e Kosovës

Masat ndëshkuese të Bashkimit Europian ndaj Kosovës, të vendosura në qershor 2023, i shkaktuan vendit një dëm të ndjeshëm në disa fusha kyçe.

Pasojat kryesore që pësoi Kosova gjatë kohës sa ishin në fuqi këto masa: Kosova u përjashtua nga programet e IPA-s (Instrumenti për Ndihmë të Para-Anëtarësimit), që janë fonde të rëndësishme për zhvillim ekonomik, infrastrukturë, arsim dhe reformë institucionale.

U pezullua pjesëmarrja në takime të nivelit të lartë dhe trajnime të BE-së, duke e izoluar Kosovën nga vendimmarrjet rajonale dhe europiane.

Shumë projekte të financuara nga BE-ja u bllokuan ose u vonuan, duke ndikuar në zhvillimin ekonomik dhe social të vendit. Disa grante dhe fonde që ishin të parashikuara për Kosovën nuk u disbursuan.

Masat dërguan sinjal negativ për stabilitetin dhe bashkëpunimin institucional të Kosovës me partnerët ndërkombëtarë. E dëmtoi pozicionin e Kosovës në raport me dialogun me Serbinë dhe ndikoi në marrëdhëniet me vendet anëtare të BE-së.

Qeveria e Kosovës u përball me kritika të brendshme dhe ndërkombëtare për refuzimin e zbatimit të kërkesave të BE-së në kohë (sidomos për çështjen e veriut dhe bashkëpunimit me BE-në dhe SHBA-në).

LEZHË- Një 23-vjeçar nga Kosova ka humbur jetën këtë të shtunë në Lezhë, teksa ndodhej me pushime me familjen. Ngjarja ka ndodhur rreth orës 09:00 kur policia është njoftuar nga Urgjenca e Spitalit Rajonal Lezhë se një i ri ka mbërritur pa shenja jete.

Viktima është shtetasi G. S., 23 vjeç, banues në Ferizaj, Kosovë. Sipas deklarimeve të familjarëve, i riu kishte probleme shëndetësore që në fëmijëri. Nga të dhënat paraprake, dyshohet se vdekja ka ardhur nga shkaqe natyrale.

KOSOVË- Qeveria e Kosovës ka reaguar dhe shprehur shqetësimin lidhur me situatën e tensionuar mes Izraelit dhe Iranit. Kosova u bëri thirrje palëve që të përmbahen, me qëllim të shmangies së përshkallëzimit të mëtejshëm të krizës së sigurisë në rajon.

Sipas tyre Irani ka përshpejtuar pasurimin e uraniumit saqë edhe Agjencia Ndërkombëtare e Energjisë Atomike deklaroi të enjten se Irani nuk po përmbushte detyrimet e tij për mospërhapjen bërthamore. Qeveria shton se Irani duhet të ndalojë veprimet hibride që cenojnë stabilitetin rajonal dhe më gjerë dhe t’i përmbahet detyrimeve të IAEA.

Kosova beson se zgjidhja diplomatike është rruga e duhur për adresimin e çështjeve të sigurisë, ndaljen e dhunës dhe për të parandaluar pasoja më të gjera rajonale e globale.

“Është thelbësore që jeta e civilëve të mbrohet në çdo rrethanë. U bëjmë thirrje qytetarëve të Republikës së Kosovës, sidomos atyre që ndodhen apo kanë kontakte në rajon, të ushtrojnë kujdes të shtuar dhe të ndjekin me përpikëri udhëzimet e Ministrisë së Punëve të Jashtme dhe Diasporës, si dhe ato të autoriteteve vendore ku ndodhen”, thuhet në njoftim.

Qeveria thotë se Kosova mbetet e përkushtuar ndaj vlerave të paqes, demokracisë dhe sigurisë ndërkombëtare dhe shpreh solidaritet me të gjithë qytetarët e prekur nga kjo situatë.

Berlin- Shqiptarët nuk i kanë shpëtuar përpjekjeve të ekzekutivit të ri gjerman për të shtuar nivelin e riatdheshimeve.

Media e njohur gjermane, Welt citon Günter Krings, zëvendëskryetar i grupit parlamentar të CDU/CSU, të ketë bërë thirrje për zgjerimin e fluturimeve të tilla, ndërkohë që avioni më i fundit me shqiptarë të refuzuar, u nis nga Hanoveri.

“Ky është më shumë se një simbol”, mësohet të ketë thënë Krings. “Këto fluturime duhet të intensifikohen. Ne kemi nevojë për më shumë fluturime të tilla kthimi dhe masa dëbimi, sepse ligji i azilit ka dy anë: Ne duam t’u japim mbrojtje atyre që kanë nevojë për të – por edhe të dëbojmë ata që nuk kanë realisht nevojë, ose që e kanë humbur këtë të drejtë pasi kanë kryer akte të dhunshme”, kanë qenë komentet e tij.

Zyrtari i larte shtoi se ne gjithashtu duam t`ua bëjmë të qartë njerëzve se ata që duhet dhe mund të largohen nga vendi, nuk ka përse të presin të njëjtin nivel mbështetjeje nga shteti gjerman”.

Krings mbështeti sakaq “sistemin e paraburgimit në pritje të dëbimit për kriminelët dhe uljen e përfitimeve për të gjithë ata që duhet dhe mund të largohen nga Gjermania.

Një avion i nisur nga aeroporti Hannover-Langenhagen të hënën drejt Prishtinës dhe Tiranës, thuhet se transportonte rreth 70 persona të dëbuar, përfshirë dhe të dënuar për krime të ndryshme.Berlin- Shqiptarët nuk i kanë shpëtuar përpjekjeve të ekzekutivit të ri gjerman për të shtuar nivelin e riatdheshimeve.

Media e njohur gjermane, Welt citon Günter Krings, zëvendëskryetar i grupit parlamentar të CDU/CSU, të ketë bërë thirrje për zgjerimin e fluturimeve të tilla, ndërkohë që avioni më i fundit me shqiptarë të refuzuar, u nis nga Hanoveri.

“Ky është më shumë se një simbol”, mësohet të ketë thënë Krings. “Këto fluturime duhet të intensifikohen. Ne kemi nevojë për më shumë fluturime të tilla kthimi dhe masa dëbimi, sepse ligji i azilit ka dy anë: Ne duam t’u japim mbrojtje atyre që kanë nevojë për të – por edhe të dëbojmë ata që nuk kanë realisht nevojë, ose që e kanë humbur këtë të drejtë pasi kanë kryer akte të dhunshme”, kanë qenë komentet e tij.

Zyrtari i larte shtoi se ne gjithashtu duam t`ua bëjmë të qartë njerëzve se ata që duhet dhe mund të largohen nga vendi, nuk ka përse të presin të njëjtin nivel mbështetjeje nga shteti gjerman”.

Krings mbështeti sakaq “sistemin e paraburgimit në pritje të dëbimit për kriminelët dhe uljen e përfitimeve për të gjithë ata që duhet dhe mund të largohen nga Gjermania.

Një avion i nisur nga aeroporti Hannover-Langenhagen të hënën drejt Prishtinës dhe Tiranës, thuhet se transportonte rreth 70 persona të dëbuar, përfshirë dhe të dënuar për krime të ndryshme.

Reperi i njohur shqiptar, Arian Agushi (Gold AG), ka ndezur rrjetin me një postim në profilin e tij në Facebook, ku shfaqet krah aktorit dhe këngëtarit të njohur, Bes Kallaku.

Ajo që tërhoqi më shumë vëmendje ishte përshkrimi i fotos:

“E du diqysh si baxhanak”, një shaka që ka ngjallur menjëherë spekulime e komente të shumta në rrjet, shkruan “Kosovarja”.

A është ky një konfirmim se Bes Kallaku ka një lidhje të re me një vajzë nga Kosova, apo thjesht një batutë mes dy miqsh të mirë?

Kjo do të zbulohet me kohë…

Washington- Administrata e re amerikane ka bërë lëvizjen e parë publike në raport me Ballkanin Perëndimor duke kërkuar largimin e misionit të Kombeve të Bashkuara UNMIK.

Kërkesa u paraqit në mbledhjen e Këshillit të Sigurimit nga i ngarkuari me punë në këtë organizatë John Kelley dhe u mbështet edhe nga ministrja e Jashtme Donika Gervalla.

“Ka ardhur koha për të tërhequr UNMIK-un nga Kosova. Ne kërkojmë mbylljen graduale të këtij misioni. Shtetet e Bashkuara janë të përkushtuara për të çrrënjosur shpenzimet e panevojshme në organizatat ndërkombëtare. UNMIK-u është një mision paqeruajtës pa paqeruajtës, me 81 për qind të buxhetit të tij që shkon për pagat e personelit edhe pse misioni ka tejkaluar prej kohësh mandatin e tij”, është shprehur John Kelley.

Ndërkohë gjatë seancës në Këshillin e Sigurimit të Kombeve të Bashkuara, Kosova dhe Serbia shkëmbyen akuza të ndërsjellta.

Serbia nëpërmjet kryediplomatit Djuriç e akuzoi Kosovën se situata e serbëve atje po përkeqësohet. Kryediplomatja Gervalla tha se Beogradi synon destabilizimin e situatës.

Ndërkaq, ambasadori rus e shfrytëzoi këtë takim për të denoncuar memorandumin e nënshkruar mes ministrave të Mbrojtjes së Shqipërisë, Kosovës dhe Kroacisë.

Normalizimi i marrëdhënieve mes Kosovës dhe Serbisë nga ambasadoret e shteteve perëndimore u konsiderua thelbësor për stabilitetin në Ballkanin Perëndimor.

Pas hetimeve disamujore dhe përdorimit të metodave proaktive nën drejtimin e Prokurorisë, Seksioni për Hetimin e Trafiqeve të Paligjshme në bashkëpunim me Forcën Operacionale të DVP Tiranë finalizuan operacionin e koduar “Suspend”, duke goditur një rast të rëndë të trafikimit të armëve të zjarrit me destinacion kryeqytetin.

Në pranga ranë dy shtetas kosovarë: Altin Pajaziti, 23 vjeç, Kadri Prushi, 53 vjeç, të dy banues në Kosovë, të cilët dyshohet se trafikonin armë zjarri drejt Shqipërisë me qëllim shitjen për afro 10 000 euro.

Operacioni u zhvillua në autostradën “Lezhë – Fushë Krujë”, ku u ndalua automjeti me të cilin po udhëtonin të dy të dyshuarit, raporton noa.al.

Gjatë kontrollit, Policia gjeti dhe sekuestroi 2 pistoleta dhe municion luftarak, të cilat dyshohet se ishin destinuar për treg të paligjshëm armësh në Tiranë – me rrezik real për sigurinë publike.