Prej disa vitesh, këngëtari i njohur shqiptar, Flori Mumajesi është përfolur se është në një marrëdhënie dashurie me moderatoren e njohur nga Kosova, Liberta Spahiu. Ata e mbajtën të fshehtë për disa vite deri fundvitin e 2022-shit kur vendosën të dilnin hapur.

Ishte vetë artisti Flori Mumajesi ai i cili publikoi në rrjetet e tij sociale një foto dhe konfirmoi romancën e tij me moderatoren kosovare. E megjithatë, që pas atij momenti çifti janë treguar hermetikë për lidhjen e tyre dhe fotot së bashku janë shumë të rralla.

Mirëpo, së fundmi, vetë moderatorja publikoi një imazh krah kantautorit ku duken shumë të lumtur. Liberta e postoi këtë foto në rrjete sociale pas një kërkese të ndjekësve. “A do na tregosh një foto me Florin Mumajesin?”, e pyeti një fans dhe menjëherë ajo ua plotësoi dëshirën.

‘Jo foto po video’ – shkroi Liberta Spahiu krahas fotos së publikuar në rrjetet e saj sociale, duke rikonfirmuar se ajo dhe Flori Mumajesi vijojnë të jenë bashkë.