Ditën e sotme, GJKKO ka dënuar me me 9 muaj burg kryebashkiakun e Kuçovës, Kreshnik Hajdari. Ndërkohë dënimi do të konvertohet me 150 orë punë.

Pasi u njoh me vendimin e GJKKO-së, Kreshnik Hajdari doli nga gjykata, ndërsa nuk pranoi të fliste për mediat.

Ai tha se nuk kishte asnjë koment.

Hajdari kërkoi gjykim të shkurtuar në 10 janar kur GJKKO, vendosi të kalojë për gjykim dosjen ndaj tij, pas përfundimit të hetimeve të SPAK në 20 dhjetor 2023 për akuzën ‘falsifikim i vulave, i stampave ose i formularëve’, më shumë se një herë lidhur me mosdeklarimin e procesit gjyqësor ndaj tij në Greqi.

Në lidhje me akuzën në fjalë, ka pasur denoncime dhe nga Partia e Lirisë, ku rivali i Hajdarit në garën për bashkinë e Kuçovës, Lefter Maliqi ka bërë disa kallëzime në SPAK për të.

Nga Gjykata e Beratit, ku u paraqit këtë të mërkurë për akuzat për shpifje të ngritura nga Pëllumb Salillari dhe Kreshnik Hajdari, ish-kandidati i opozitës për bashkinë e Kuçovës, Lefter Maliqi, ka kërkuar arrestimin e Kreshnik Hajdarit, shkarkimin e tij nga posti i kryebashkiakut dhe zgjedhjet e reja.about:blank

Deklarata e Maliqit erdhi pasi SPAK njoftoi se kishte depozituar në GJKKO kërkesën e kalimit për gjykim të dosjes në ngarkim të Kreshnik Hajdarit, lidhur me fshehjen e një dnimi në Greqi në formularin e vetdeklarimit.

Gjithashtu Maliqi tha se Hajdari nuk akuzohet vetëm për falsifikim vulash e vetëdeklarim të rremë, por ndaj tij kanë nisur hetimet edhe për 5 kallëzime të tjera, që kanë të bëjnë me tenderë korruptivë dhe abuzime me miliona euro nga taksat e qytetarëve, në bashkëpunim me firmën e Pëllumb Salillarit.

Maliqi gjithashtu i ka bërë thirrje kryeministrit Rama që të shkarkojë menjëherë nga detyra kryebashkiakun e Kuçovës dhe të njoftojë për zgjedhjet e reja në këtë bashki.

Duke deklaruar se ai do të paraqitet në çdo seancë në Gjykatën e Beratit ku pala që e ka akuzuar për shpifje nuk ka shkuar asnjëherë, Maliqi ka deklaruar se në SPAK, Pëllumb Salillari dhe Kreshnik Hajdari kanë 5 kallëzime penale të bëra nga Maliqi, banorët e fshatit Lumas dhe deputetja Albana Vokshi.

Mësohet se sot Lefter Maliqi i ka kërkuar Gjykatës së Shkallës së Parë Berat që të pyeten si dëshmitarë edhe 300 banorë të rrethit të Kuçovës, që kanë firmosur kallëzimet ndaj Kreshnik Hajdarit dhe Pëllumb Salillarit.