Goli i Kristjan Asllanit në fillimin e pjesës së dytë i solli fitoren 1-0 Shqipërisë ndaj Gjeorgjisë pas gati 20 vitesh pritje për më tepër në transfertë.

Kundërshtari edhe pse krijoi më shumë raste nuk arriti të kalojë mbrojtjen kuqezi dhe Strakoshën. Kombëtarja nga ana tjetër u tregua më qartë te loja e saj në dallim nga pak ditë më parë Çeki një paraqitje që u vlerësua nga trajneri Sylvinho.

“Unë mendoj se e merituam fitoren. Ajeti, Balliu, Tuci dhe të gjithë lojtarët e tjerë zhvilluan një ndeshje të bukur edhe ata hynë nga stoli. E kam thënë gjithmonë që është një grup i fortë. Jemi ende në garë për ndeshjet e Nëntorit dhe duhet të punojmë, pasi ka ende punë për të bërë.”

Presidenti i FSHF-së, Armand Duka beson tek objektivi vendi i parë në grup, por thotë se gabohet nëse konsiderohen si fitore të lehta ndeshjet e nëntorit në shtëpi me Çekinë dhe Ukrainën.

“Ne vazhdojmë të kemi objektivin për vendin e parë në grup. Është një objektiv i vështirë, pasi ai që mendon se ne kemi 2 ndeshje në shtëpi dhe lehtësisht do t’i fitojmë dhe të dalim në vend të parë gabon.”

Duka tha se shpreson që për ndeshjet e fundit të kthehen edhe ata që munguan për shkak dëmtimesh që grupi të jetë më i plotë dhe trajneri të ketë alternativa

Lojtari kuqezi Kristjan Asllani vazhdon të mbetet një temë e nxehtë diskutimi te Interi. Lojtari tregon sa herë që vesh fanellën e kombëtares se ka cilësi ta jashtëzakonshme.

Por te Interi, ku ndoshta nuk i besojnë në të njëjtën mënyrë si në Shqipëri, ai nuk ka arritur të shfaqet në të njëjtat nivele deri tani.

Dhe nëse Inzagi nuk e sheh si zgjedhje të parë në mesfushë, ka klube të tjera të gatshme që t’i ofrojnë atij këtë mundësi. Sipas mediave italiane, një njohës i jashtëzakonshëm i futbollit si Adriano Galiani, ka piketuar Asllanin për Monzën e tij.

Trazirat në kuvend, analisti i njohur tregon rrugën e vetme për të rrëzuar qeverinë Rama

Të shtëna me armë në Prishtinë/ Plagosen 3 persona

Tabaku tregon pse nuk merr pjesë në mbledhjet e Bardhit dhe Berishës: Duhet patjetër të…
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ish-drejtuesi i njohur i Milanit më të suksesshëm në histori, mendon që të përfshijë Asllanin në një shkëmbim të mundshëm me Interin që po monitoron Andrea Kolpanin.

Ky i fundit është një prej emrave që kërkon Inzagi për të përforcuar fazën ofensive të skuadrës dhe Galiani, duke nuhatur një marrëveshje fitimprurëse, po përpiqet që të përfshijë emrin e mesfushorit shqiptar në bisedime.

Mbetet të shihet nëse do të realizohet një shkëmbim i tillë, por me kualifikimin e mundshëm në Euro 2024 të Shqipërisë, për Aslanin do të ishte më e dobishme që të gjente një ekip ku të luante rregullisht në pjesën e dytë të sezonit.