Korçë, 26 Gusht 2025 – Një ngjarje tragjike ka ndodhur këtë mëngjes në aksin rrugor Korçë–Voskop, ku një grua ka humbur jetën si pasojë e një aksidenti automobilistik.

Sipas të dhënave të para, viktima ishte duke lëvizur me biçikletë në anë të rrugës, kur u përplas nga një automjet në rrethana që mbeten ende për t’u sqaruar. Menjëherë pas aksidentit, ajo u transportua me urgjencë drejt spitalit rajonal të Korçës, por për fat të keq nuk mundi t’u mbijetojë plagëve të marra.

Policia ndodhet në vendngjarje dhe ka nisur hetimet për zbardhjen e plotë të rrethanave dhe përcaktimin e përgjegjësive. Drejtuesi i mjetit është shoqëruar nga forcat e rendit për veprime të mëtejshme procedurale.

Autoritetet u bëjnë apel të gjithë përdoruesve të rrugës, veçanërisht në segmentet rurale, të tregojnë kujdes të shtuar dhe të respektojnë rregullat e qarkullimit, për të shmangur ngjarje të tilla fatale.

Korçë/Informacion paraprak

Rreth orës 20:40, në rrugën e Voskopojës, një automjet me drejtues shtetasin F. H., rreth 73 vjeç, ka përplasur shtetasen A. E., rreth 50 vjeçe, banuese në Korçë, e cila lëvizte me biçikletë. Si pasojë, 50-vjeçarja ka ndërruar jetë në vendngjarje.

Drejtuesi i automjetit është shoqëruar në Komisariat për veprime të mëtejshme.

Grupi hetimor, nën drejtimin e Prokurorisë, po punon për të përcaktuar rrethanat dhe shkakun e aksidentit.

Mbrëmjen e kësaj të mërkure, në spitalin e Traumës ka ndërruar jetë një 59 vjeçar, i cili mbeti i aksidentuar mesditën e sotme në punë.

Tomorr Koçi, 59 -vjeçari që humbi jetën në spital, ka qenë duke punuar si saldator në Këmishaj të Lushnjes, ndërsa ka rënë nga një lartësi e konsiderueshme, e cila i solli dhe vdekjen.

59-vjeçari është transportuar me autoambulancë rreth orës 15:00 në spitalin e Traumës për ndihmë mjekësore, por, pavarësisht përpjekjeve të bluzave të bardha, nuk ka mundur t’ju mbijetojë plagëve të marra.

Një pushues ka humbur jetën sapo hyri në det, në plazhin e Velipojës.

Mësohet se viktima është Gjon Rroku, 81 vjeç.

Njoftimi i policisë:

Informacion paraprak/Rreth orës 09:30, në plazhin e Velipojës, shtetasi Gjon Rroku 81 vjeç, banues në fshatin Gur i Zi, sapo ka hyrë në det, dyshohet se ka pësuar arrest kardiak dhe si pasojë ka humbur jetën.

Grupi hetimor vijon punën për sqarimin e plotë të rrethanave të rastit.

Kutalli, Dimal | 20 korrik 2025 — Një ngjarje tragjike është regjistruar këtë të shtunë në fshatin Kutalli të Dimalit, ku një 51-vjeçar ka humbur jetën si pasojë e rrëzimit të një muri rrethues në oborrin e shtëpisë së tij.

Viktima është identifikuar si Altin Hajdari, banor i zonës. Sipas informacioneve paraprake, Hajdari ndodhej duke punuar në prishjen e një pjese të murit rrethues, kur struktura ka humbur stabilitetin dhe është shembur mbi të.

Pavarësisht përpjekjeve për ta transportuar me urgjencë drejt spitalit, ai nuk mundi t’i mbijetojë plagëve dhe ndërroi jetë gjatë rrugës.

Policia ka mbërritur në vendngjarje dhe ka nisur hetimet për të përcaktuar shkaqet e sakta të incidentit dhe nëse janë respektuar kushtet e sigurisë gjatë punës.

Ngjarja ka tronditur komunitetin lokal, ndërsa familjarët dhe të afërmit e viktimës janë në gjendje shoku.

Një shtetase amerikane, me banim në Sarandë është gjetur pajetë paraditen e sotme në banesën e saj.

63 vjeçarja ëshrë identifikuar si Sharly Lynn Chaddick, e cilaprej pak vitesh kishte blerë shtëpi në Sarandë dhe jetonte aty.

Vijojnë të zbardhen detaje të reja lidhur me vrasjen e 23-vjeçarit, Renis Dobra, trupi i të cilit u gjet pranë liqenit të Shkopëtit.  Sipas raportimeve, autorët e dyshuar të ngjarjes i kanë bërë pritë Dobrës teksa po lëviztë me makinë. Dyshohet se këta përsona ende të paidentifikuar kanë qenë të armatosur dhe fillimisht janë prezantuar si polic.

Gjithashtu ka dyshime se ata janë futur në mjetin e 23 vjeçarit për ta “shoqëruar” në komisariat, por ata kanë vazhduar rrugën për Shkopet, ku u gjet dhe trupi i pajetë i Dobrës.

Siç u raportua më herët në trupin e viktimës janë konstatuar shenja të dukshme dhune, përfshirë mavijosje në zonën e fytit. Këto shenja përforcojnë dyshimet se i riu është mbytur fillimisht me litar dhe më pas është hedhur në zonën e Shkopetit, me qëllim për të fshehur krimin, por do të jetë autopsia e Mjekësisë Ligjore që do të përcaktojë shkaqet e vdekjes. 

Hetimet janë përqendruar në dy pista kryesore.

E para lidhet me një përplasje të mundshme për shkak të parcelave të kultivuara me kanabis dhe pista e dytë ka të bëjë me një konflikt të mundshëm për motive xhelozie apo lidhje sentimentale. Gjithashtu Dobra nuk ka precedentë të rëndë kriminalë dhe njihej vetëm për disa raste vjedhjesh.

Një 47-vjeçar nga Mirdita ka humbur jetën në spitalin e Rrëshenit. Paraprakisht dyshohet se 47-vjeçari ka helmuar veten.

Trupi i pajetë është dërguar në Institutin e Mjekësisë Ligjore në Tiranë, për kryerjen e ekspertizës mjekoligjore dhe përcaktimin e shkakut të humbjes së jetës

“Referuan materialet në Prokurori, për vlerësim, pasi më datë 05.07.2025, në Spitalin e Rrëshenit, ka shkuar për ndihmë mjekësore, në gjendje të rëndë dhe më pas ka ndërruar jetë në spital një 47 vjeçar, banues në Rrajë e Velës. Nga veprimet paraprake dyshohet se 47-vjeçari ishte vetëhelmuar.

Arrestohet në Dibër një 40-vjeçar i shpallur në kërkim ndërkombëtar për trafik droge

Dibër – Drejtoria e Forcës së Posaçme Operacionale, në bashkëpunim me autoritetet italiane dhe në koordinim me rrjetin ENFAST, ka finalizuar operacionin e koduar “Operacionalja 50”, duke arrestuar shtetasin Emrulla Tomja, i njohur edhe me emrin Emrulla Elezi, 40 vjeç.

Sipas Policisë së Shtetit, ndaj tij ishte lëshuar një urdhër arresti nga Gjykata e L’Aquila në Itali, ku akuzohet për veprën penale “Trafikimi i lëndëve narkotike”. Ligji penal italian parashikon për këtë vepër një dënim me mbi katër vjet burgim.

Shtetasi u kap në territorin e Dibrës dhe arrestimi u bë me qëllim ekstradimi drejt Italisë. Autoritetet shqiptare dhe ato italiane vijojnë bashkëpunimin për përfundimin e procedurave të ekstradimit.

Një aksident rrugor ka ndodhur pasditen e sotme në aksin Shkodër–Muriqan, ku një automjet ka dalë nga rruga dhe ka përfunduar në një kanal anësor.

Si pasojë e aksidentit, dy persona kanë mbetur të lënduar dhe janë transportuar me urgjencë në spital për ndihmë mjekësore. Deri më tani, nuk ka informacion të detajuar mbi gjendjen e tyre shëndetësore apo rrethanat e plota të ngjarjes.

Në vendin e ngjarjes kanë mbërritur menjëherë autoambulanca dhe forcat e rendit, të cilat po punojnë për zbardhjen e plotë të shkaqeve të aksidentit. Autoritetet pritet të publikojnë një njoftim zyrtar në orët në vijim.

Një ngjarje e rëndë ka ndodhur në Peshkopi, ku një person është gjetur i pajetë.

Sipas uniformave blu, është gjetur pa shenja jete shtetasi me iniciale E.N., rreth 70 vjeç, në vendin e quajtur “Gropa e ujërave termale”. Paraprakisht dyshohet se viktima ka pësuar arrest kardiak, teksa policia vijon hetimet për zbardhjen e plotë të ngjarjes.

Njoftimi i policisë:

“Më datë 19.06.2025, rreth orës 15:20, në vendin e quajtur “Gropa e ujërave termale”, në qytetin e Peshkopisë, është gjetur pa shenja jete, shtetasi E.N., rreth 70 vjeç, i cili paraprakisht dyshohet se ka pësuar arrest kardiak.