Detaje të reja janë zbuluar nga mbledhja e kësaj të marte në Tiranë e kryeministrit Edi Rama me kryebashkiakët socialistë.

Sipas informacioneve, mësohet se kryeministri Edi Rama e ka vendosur theksin në zgjedhjen e koordinatorëve.

Gjithashtu ai i ka kushtuar dhe vëmendje diasporës, ndërsa ka kërkuar që të janë aktivë në mënyrë që të maksimalizohet vota e diasporës në favor të PS.

Burime nga mbledhja thonë se Rama ka shprehur synimin e 1 milionë votave në zgjedhjet e përgjithshme.

“Fusha është e hapur dhe e gjithë partia e PS duhet të jetë në sulm”, mësohet të ketë thënë ai.

Kryeministri Edi Rama pritet që paraditen e të mërkurës me të gjithë kryebashkiakët e vendit.

Ky takim pritet të mbahet në Kryeministri në sallën COD.

Sezoni turistik do të jetë në fokus të takimit, por gjithashtu do të flitet për ligjin për legalizimet, ku një pjesë e procedurave do t’ju kalojë bashkive.

Edhe vitet e shkuara gjatë muajit korrik kryeministri Edi Rama ka zhvilluar takime të ngjashme.