Gazetari investigativ Artan Hoxha ka bërë një deklaratë të fortë në “Euronews Albania”, duke lidhur zhdukjen e Ervis Martinajt me përplasjen e tij me pushtetin.

Sipas Hoxhës, fundi i “mbretit të lojërave të fatit” erdhi pasi ai u konfliktua drejtpërdrejt me kryeministrin Edi Rama, pas angazhimit të tij në mbështetje të opozitës gjatë një fushate elektorale.

“Kryeministri u përfshi vetë në atë ngjarje, nga të rrallat raste. Ai tha publikisht se e dinte kush ishte drejtori i lojërave të fatit dhe madje ‘i dinte targën’. Kjo ndodhi pas përfshirjes së Ervis Martinajt në fushatë në mbështetje të opozitës, dhe prandaj Rama e etiketoi,” – deklaroi Hoxha.

Sakaq, Artan Hoxha nënvizoi asnjë nga personat e këtij grupi kriminal nuk janë arrestuar deri më tani ndësa shtoi se s’mund të kesh pushtet të nëndheshëm nëse s’ke me këta lart.

“Shikoni ngjarjet e fundit që po ndodhin në Shqipëri. E njëjta dorë që pasi ka bërë eliminimin e Ervis Martinajt, tani ka marrë një ngjitje të menjëhershme dhe prandaj sot është shumë aktive dhe e rrezikshme.

Kemi një hierarki tjetër në botën e krimit të organizuar dhe po ashtu një hierarki tjetër në botën e atyre që quhen vrasës që janë rritur nga ajo kohë, ata që patën sukses në atë ngjarje. Asnjë nga ajo skuadër nuk është arrestuar.

Aleanca që realizoi vrasjen është shumë e fortë dhe në pushtet në të gjitha. S’mund të kesh pushtet të nëndheshëm nëse s’ke me këta lart.“-tha Hoxha.

ryeministri francez François Bayrou ka humbur votëbesimin që kërkoi në qeverinë e tij.

Asambleja Kombëtare e Francës ka votuar me 364 vota pro dhe 194 kundër për ta shkarkuar atë nga detyra dhe për të rrëzuar qeverinë e tij të pakicës.

TIRANË- Kryeministri Edi Rama është rikthyer paraditen e sotme në zyrën e tij në kryeministri, pas tre javësh pushimi në vilën qeveritare në Dhërmi.

Kreu i qeverisë është fotografuar duke hyre në ambientet e godinës së kryeministrisë, i veshur sportiv dhe me rroba të zeza. Sipas raportimeve, paraditen e sotme Rama ka zhvilluar një mbledhje me disa ministra dhe deputetë socialistë.

Pritet që brenda pak ditësh të prezantohet përbërja e kabinetit të ri qeveritar, ndërsa në ditët e ardhshme Partia Socialiste do të mbledhë Asamblenë Kombëtare.

Kryeministri i Sllovakisë, Robert Fico, ka deklaruar se vendi i tij do të kundërshtojë planin e propozuar që parashikon furnizimin e Ukrainës me armë amerikane në vlerë prej 100 miliardë dollarësh, të financuar nga vendet e Bashkimit Europian në këmbim të garancive të sigurisë së Shteteve të Bashkuara për Kievin.

Në një video të publikuar në rrjetet sociale, pas përfundimit të një videokonference të Këshillit Europian, Fico e quajti këtë propozim “një shaka të hidhur”.

“As në ëndrrat e mia më të çmendura nuk mund ta imagjinoj që Sllovakia të blejë armë nga SHBA për t’i dërguar falas në frontin e Ukrainës”, tha ai.

“Social Top 5” është një rubrikë e emisionit “Live From Tirana” që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në Instagram.

Le t’i hedhim një sy personazheve që kanë qenë në vëmendjen e të gjithëve këtë javë bazuar edhe zhvillimeve të fundit. Kanë fituar apo kanë humbur më shumë ndjekës brenda kësaj jave?! Le të shohim renditjen më poshtë…Artisti i njohur Gjesti një javë më parë numëronte 607 mijë ndjekës dhe tani ka 605 mijë ndjekës, kjo e rendit atë në vendin e fundit. Gjatë kësaj jave ai ka humbur 2 mijë ndjekës.

Më pas kemi Egli Takon, ish-finalisten e edicionit të katërt të “Big Brother VIP” që nuk ka pasur asnjë ndryshim nga java e kaluar. Ajo vazhdon të ketë po 371 ndjekës. Në vendin e tretë këtë javë është Franceska Murati, e cila gjithashtu nuk ka pasur asnjë ndryshim nga java e kaluar. Në rrjetin e saj social vazhdon të ketë po 151K.

Në vend të dytë në “Social Top 5” për këtë javë, renditet kryeministri i vendit, Edi Rama, i cili nuk ka pasur një ndryshim të numrit të ndjekësve nga java e kaluar me 637 mijë ndjekës.

Në vend të parë për këtë javë është Sara Hoxha, e cila ka fituar plot 3 mijë ndjekës më shumë. Nga 590K, tani ajo ka shkuar në 593K në Instagramin e saj.

Elbasan, 2 Korrik 2025 – Kryeministri Edi Rama ka shpallur shqetësimin e tij më të madh në lidhje me funksionimin e Agjencisë Kombëtare të Ushqimit (AKU). Gjatë fjalës së tij në përfundim të ditës së parë të dialogut për Bujqësinë dhe Zhvillimin Rural, Rama kërkoi që menjëherë të ndalohet veprimtaria e AKU-së, duke e konsideruar si një agjenci që po sjell më shumë dëm sesa dobi.

Ai theksoi se është koha për të ngritur një komision të posaçëm që do të analizonte burimet njerëzore të AKU-së, për të shqyrtuar mënyrën si janë bashkuar disa inspektorate të ndryshme dhe për të zhvilluar një proces seleksioni për punonjësit që janë të angazhuar në inspektimet e ndryshme.

“AKU-ja duhet të pezullohet menjëherë. Nuk po i bën shërbim bujqësisë, por po dëmton sektorin. Ajo që është e nevojshme është një analizë serioze e burimeve njerëzore dhe një ndarje e qartë mes funksioneve të ndryshme që duhet të kryhen. Komisioni që do të formohet duhet të përfshijë ekspertë nga Universiteti Bujqësor i Tiranës për një vlerësim më të plotë”, – deklaroi Rama.

Sipas Kryeministrit, AKU-ja ka shpërthyer si një shqetësim për bizneset e bujqësisë, restorantet dhe pikat e tregtimit, të cilat ndihen të mbingarkuara nga kontrolli i tepërt dhe ndëshkimet. Rama kërkoi një transformim të thellë të kësaj agjencie, për të rikthyer besimin e sipërmarrësve dhe për të shmangur efektet e dëmshme që mund të shkaktohen nga ndërhyrjet e paplanifikuara.

Tiranë, 13 maj 2025 – Pas përfundimit të procesit zgjedhor të 11 majit dhe konfirmimit të Partisë Socialiste si forcë fituese me shumicë të qartë parlamentare, kanë nisur urimet nga liderët ndërkombëtarë.

Ndër të parat që reagoi ishte Kryeministrja e Italisë, Giorgia Meloni, e cila i dërgoi një mesazh urimi homologut të saj shqiptar, Edi Rama, për rizgjedhjen në krye të qeverisë.

Në një deklaratë zyrtare, Meloni thotë:

“Dua ti shpreh urimet e mia më të sinqerta kryeministrit Edi Rama për rikonfirmimin tij në krye të qeverisë shqiptare.

Miqësia e thellë dhe bashkëpunimi strategjik që lidh dy vendet tona është forcuar edhe më tej falë iniciativave të përbashkëta, fryt i një dialogu konstruktiv dhe një vullneti të përbashkët për të përballuar sfidat globale me zgjidhje inovative.

Do të vazhdojmë të punojmë për të konsoliduar më tej lidhjen mes dy qeverive dhe për të arritur objektivat tona të përbashkëta, përfshirë forcimin e stabilitetit në Ballkan dhe përparimin e rrugëtimit evropian të Shqipërisë.”

Kryeministri Edi Rama nuk vonoi në përgjigje, duke e falënderuar Melonin me një mesazh publik ku shkroi:

“Grazie, Sorella. Është një nder të shërbej për një marrëdhënie të jashtëzakonshme afërsie dhe miqësie si ajo mes Shqipërisë dhe Italisë, dhe një privilegj të bashkëpunoj me një lidere si ti, që thotë atë që bën dhe bën atë që thotë.

Nuk e di nëse kam shkruar saktë un leader apo una leader, por di me siguri që më e mira për vendet tona është ende për të ardhur.” /noa.al

Kryesocialisti Edi Rama po zhvillon një takim me qytetarët në Burrel.

“Burrel – Paketat Sociale që Qeveria Shqiptare ofron për çdo qytetar në çdo cep të vendit, me në fokus fëmijët me aftësi ndryshe, gratë, të rinjtë dhe të moshuarit, duke nisur nga kujdesi shëndetësor, strehimi social, mbështetja për punësim dhe bonuset e veçanta sipas kategorive”, thotë kreu i qeverisë.

Fier, 21 Shkurt 2025- Kryeministri Edi Rama ka mbërritur pasditen e sotme në qytetin e Fierit, ku do të zhvillojë një takim me Asamblenë Socialiste të Qarkut. Takimi është pjesë e një procesi të rëndësishëm mobilizimi dhe riorganizimi të strukturave lokale të Partisë Socialiste, në prag të zgjedhjeve të 11 Majit.

Rama është shoqëruar nga drejtues të tjerë të strukturave lokale të partisë, ndërkohë që mbledhja ka për qëllim forcimin e bazës dhe përgatitjen për fushatën zgjedhore. Një ditë më parë, kreu i Qeverisë zhvilloi një takim me punonjësit e administratës së Bashkisë së Tiranës, pas arrestimit të kryetarit të Bashkisë Erion Veliaj.

Një video e Ministrit të Bujqësisë dhe zëvendëskryeministrit kroat, Josip Dabro duke gjuajtur nëntë të shtëna nga një pistoletë HS-2000 përmes një dritareje të hapur, teksa ngiste në një veturë private, po qarkullon në rrjetet sociale.

Sipas asaj që shihet në video, të cilën e ka publikuar edhe index.hr, Dabro është në vendin e pasagjerit të veturës dhe është veshur në mënyrë të rastësishme me pantallona të shkurtra dhe një fanellë, gjë që sugjeron se videoja është regjistruar gjatë verës.

Në sfond dëgjohet kënga popullore “Karanfil se na put sprema” nga Zehre Bajraktareviq.

Duket se ai ka qëlluar afër një zone të banuar pasi mund të shihet ndriçimi i rrugës dhe në një moment shihet një shtëpi.

Në video, Dabro fillimisht ngarkon pistoletën dhe thotë “Vetëm për vëllain tim Mario”.

Pasi ai qëllon nga dritarja e veturës me nëntë plumba, fillon të këndojë këngën e lartcekur.

Në fund të videos, Dabro vendos pistoletën në ndarjen pranë vendit të pasagjerit dhe thotë “Përshëndetje, vëlla Mario, natën e mirë”.

Pas publikimit të videos kanë nisur tashmë hetimet e autoriteteve përkatëse kroate.

Për regjistrimin e publikuar, i cili sipas z. Josip Dabra është bërë para mandatit të ministrit, Qeveria KROATE shprehet si më poshtë.

“Ne e konsiderojmë të papërshtatshme dhe të papërgjegjshme këtë sjellje dhe përdorimin e armëve të zjarrit. Këtë do ta diskutojmë me z. Autoritetet kompetente do të kryejnë veprimet e përcaktuara me ligj me qëllim të përcaktimit të të gjitha rrethanave të këtij rasti.”