Në godinën e kryeministrisë janë marrë masa për protestën e sotme. Dyert kryesore janë me veshje metalike.

Nuk dihet itinerari i protestës së opozitës por dihet se do të nisë në orën 18:00 para kryeministrisë.

Garda e Republikës ndërkohë do të vendosë staf sigurie brenda ambienteve prej orës 16:00 si në Kryesi ashtu edhe tek Parlamenti, salla plenare për gjithçka që të mundshme.

Ndihmë i është kërkuar edhe policisë dhe zjarrfikësit për të pasur mjete ndihmëse në ambientet e brendshme të godinave.

Përveç perimetrit të jashtëm të cilin e garanton policia.

Nga ora 18:00 deri në 22:00 të kësaj të hëne, Partia Demokratike do të protestojë në kryeqytet, në të parin akt të mosbindjes civile kundër qeverisë Rama, sipas kryetarit të tyre, Sali Berisha. PD ka kërkuar leje për zhvillimin e protestës para Kryeministrisë, por pritet që të ketë një itinerar ndryshe nga tubimet e mëparshme.

Me shumë gjasë do të ketë marshim në drejtim të Parlamentit dhe Bashkisë së Tiranës, ndërsa pika të tjera kyçe që mund të bllokohen janë edhe kryqëzimi i “21 Dhjetorit”, ish-Stacioni i Trenit dhe rethrrotullimi i Zogut të Zi, përveç bulevardit “Dëshmorët e Kombit”. Policia ka marrë masa të forta për mbarëvajtjen e tubimit duke angazhuar mbi 1500 efektivë në terren, ndërsa grupe të FNSH do të mbikëqyrin lëvizjet e turmave.

Policia ka vënë në pranga 21 vjeçarin që shkaktoi aksidentin mesditën e së dielës pranë kryeministrisë në Tiranë. Jorgaq Thengjilli humbi kontrollin e mjetit për shkak të shpejtësisë dhe përplasi dy këmbësore në rrugën “Ismail Qemali”. Të lënduarat janë dërguar në spitalin e Traumës dhe janë nën kujdesin e mjekëve.about:blank

Nga testi i alkolit me aparat “Drager”, rezultoi se drejtuesi i mjetit nuk ishte nën ndikimin e alkoolit, gjithashtu dhe nën ndikimin e lëndëve narkotike. Rezulton se ai më parë është ndëshkuar për tejkalim shpejtësie në zona të banuara. Me datë 23.07.2023, i riu është ndëshkuar për mosrregullim shpejtësie.