Mosrespektimi i rregullave të qarkullimit rrugor, është kthyer në problematikë në rrugët e Tiranës. Shoferë të pakujdesshëm, ku shumë lëvizin pa rripin e sigurimit, përdorin celularin gjatë drejtimit të mjetit, e madje ka edhe raste të shpejtësisë tej normave të lëjuara.

Si pasojë, Policia Rrugore e Tiranës njofton gjobitjen e 6689 shoferëve, vetëm gjatë monitorimit të kryer në një jave.

“Policia Rrugore e Tiranës ka filluar monitorimin e akseve kryesore urbane me automjetin Inteligjent “Scoud Speed” për ndëshkimin e automjeteve të cilat qarkullojnë me shpejtësi mbi normat e lejuara, dokumentimin me prova filmike të  automjeteve që pushojnë ne rrugëkalimin e automjeteve të tjera të cilat bëhen pengesë për qarkullimin normal të automjete të tjera dhe herë pas here duke u bërë shkak dhe për krijimin e trafikut.

Njëkohësisht, nëpërmjet mjetit inteligjent janë evidentuar shkelje të tjera të rregullave të qarkullimit rrugor, si përdorimi i celularit gjatë drejtimit të automjetit, mosvendosja e rripit të sigurimit, evidentimi nëpërmjet targës në mënyrë automatike i automjeteve që kanë masa administrative pa paguar si dhe parakalimet e gabuara.

Gjatë monitorimeve me mjetin inteligjent 24/7, gjatë kësaj jave janë evidentuar dhe ndëshkuar vetëm  për shkeljet e mësipërme 6689 drejtues automjetesh”, njofton policia.

Shërbimet e Policisë Rrugore Tiranë janë të angazhuara me të gjitha kapacitetet njerëzore dhe teknike për të evidentuar dhe dokumentuar shkeljet e rregullave të qarkullimit rrugor, me qëllim qarkullimin e lirë të automjete dhe parandalimin e aksidenteve rrugore.

Policia Rrugore e Tiranës apelon për të gjithë drejtuesit e automjeteve të respektojnë rregullat e qarkullimit rrugor dhe  të mos parkojnë në vendet ku bëhen pengesë për qarkullimin normal të lëvizjes së lirë të automjeteve të tjera, pasi automjetet që do konstatohen do zhvendosen me karrotrec në pikën e bllokimit të Policisë Rrugore.

Një zjarr ka shpërthyer në një pallat të banuar në kryeqytet, në rrugën “Zonja Curre”, afër zonës së Ali Demit. Sipas fotove të siguruara, flakët kanë arritur në lartësinë e dy kateve, ndërsa tymi i zi ka mbuluar zonën përreth pallatit.

Akoma nuk ka informacione nëse ka persona të lënduar si pasojë e zjarrit, ose për shkakun që e ka shkaktuar atë.

Një 43-vjeçare është gjetur pa shenja jete në Shkozë, bëri të ditur Policia e Tiranës. 43-vjeçarja B.R dyshohet se ka humbur jetën nga shkaqe natyrale.
Tiranë/Informacion paraprak

Më datë 08.09.2024, në Shkozë, është gjetur pa shenja jete shtetasja B. R., rreth 43 vjeçe. Nga këqyrja paraprake nuk janë konstatuar shenja dhune dhe paraprakisht dyshohet se vdekja ka ardhur nga shkaqe natyrale.
Grupi hetimor po punon për sqarimin e rrethanave të ngjarjes.

Një sherr masiv ka ndodhur pak më parë në Tiranë, ku raportohet se 3 persona kanë marrë plagë të rënda.

Sherri ka ndodhur në rrugën “Ndre Mjeda” të kryeqytetit, ku 4 persona janë përfshirë në sherr. Ata kanë dhunuar njëri-tjetrin, teksa është dashur ndërhyrja e policisë për t’i ndaluar.

Po ashtu, uniformat blu kanë shoqëruar njërin prej tyre në komisariat, teksa 3 të tjerët janë dërguar në spital për të marrë ndihmën e nevojshme mjekësore.

Paraditen e sotme është raportuar pë një vatër zjrri në tarracën e një pallati në Tiranë në zonën e Komunës së Parisit. Mësohet se nga zjarri ka patur dhe sasi të mëdha tymi në zonë.

Po ashtu bëhet me dije se objekti që po digjej ishte një çati në tarracën e pallatit, por zjarri u shua më pas nga zjarrfikësit.

Një aksident është regjistruar në kryeqytet këtë pasdite, në “Unazën e Madhe”. Mësohet se disa makina janë përplasur me njëra-tjetrën.

Ndërkohë policia ndodhet në vendin e ngjarjes dhe po punon për zbardhjen e plotë të rrethanave të aksidentit.

Një aksident ka ndodhur mbrëmjen e kësaj të marte në Tiranë,

Një automjet tip “Benz” është përplasur në rrethana ende të paqarta me një tjetër automjet tip “Fiat”.

Dyshohet se aksidenti është shkaktuar nga një kalim i gabuar i shoferit të “Benz-it”, i cili pas ngjarjes është arratisur në drejtim të paditur.

Nga përplasja nuk raportohet për persona të lënduar vetëm dëme materiale. Sakaq Policia ka mbërritur në vendngjarje për zbardhjen e plotë të shkaqeve të aksidentit.

Një ngjarje e rëndë ka ndodhur në zonën e Yzberishtit në kryeqytet, ku një pallat është përfshirë nga flakët këtë pasdite.
Raportohet se zjarri ka nisur në dhomën e gjumit të një apartamenti, që ndodhet në rrugën Rexhep Shala.about:blank

Të gjithë banorët u evakuan dhe fatmirësisht asnjë prej tyre nuk u lëndua.Forcat zjarrfikëse bënë të mundur shuarjen e flakëve, ndërkohë që pritet hetimi për zbardhjen e shkaqeve të zjarrit.