Një 58-vjeçar, elelektriçist, është rrëzuar aksidentalisht nga shtylla tek nënstacioni elektrik në Kuçovë. 

Mësohet se 58-vjeçari është transportuar në spital, nën kujdesin e mjekëve.

“Kuçovë/Informacion paraprak. Rreth orës 15:00, tek nënstacioni elektrik në Kuçovë, dyshohet se aksidentalisht, duke punuar, është rrëzuar nga shtylla elektriçisti shtetasi V. K., 58 vjeç, i cili është transportuar në spital, ku po merr mjekim.

Grupi hetimor po punon për sqarimin e rrethanave të ngjarjes”, njofton policia.

Një aksident i rëndë ka ndodhur në fshatin Gegë, Kuçovë.
Një mjet ka përplasur një 60-vjeçare, e cila ka ndërruar jetë në spital.

Policia ka arrestuar drejtuesin e mjetit, i cili rezulton se nuk kishte leje drejtimi.
“Sektori i Qarkullimit Rrugor arrestoi në flagrancë shtetasin E.B., 20 vjeç, banues në Kuçovë, pasi në fshatin Gegë, Kuçovë, duke drejtuar mjetin, i pa pajisur me leje drejtimi, ka aksidentuar këmbësoren shtetasen L.Gj., 60 vjeçe, banuese në fshatin Gegë, Kuçovë, e cila ka ndërruar jetë në spital”, njofton policia.

Një 69-vjeçar ka humbur jetën si pasojë e një aksidenti. Ngjarja ka ndodhur në fshatin Tapi në Kuçovë, ku i moshuari Veiz Plaku teksa po udhëtonte me biçikletë është përplasur nga një automjet.

Ndërkohë në pranga është vënë drejtësi i mjetit, shtetasi Fation Arapi 21 vjeç.

Policia dhe grupi hetimor kanë shkuar në vendin  e ngjarjes dhe po punojnë për të zbardhur rrethanat e plota si ka ndodhur aksidenti që i mori jetën 69-vjecarit.