Ditët e fundit të këtij viti, pika e kalimit kufitar në Morinë po ndeshet me fluks të lartë lëvizjeje.

Vetëm për 24 orë kanë hyrë e dalë në këtë pikë 25 mijë shtetas:

Konkretisht në hyrje kanë përpunuar të dhënat e tyre 9573 shtetas me 3719 automjete.

Ndërsa në dalje kanë përpunuar të dhënat 15495 shtetas me 4787 automjete.

Ndërkohë janë shmangur radhët në kufi falë lëvizjes së lirë duke punuar me procedurë të përshpejtuar.

Aktualisht po punohet me 8 sportele në të dy kahet e kufirit të Morinës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Shërbimi kufitar finlandez njoftoi këtë enjte se po mbyll përfundimisht dy pika kufitare me Rusinë. Bëhet fjalë për pikat kufitare në Inari dhe Parikalu.

Sipas autoriteteve këto pika kufitare nuk funksionojnë prej disa vitesh.

“Janë të mbyllura kalimet e përkohshme kufitare në Parikala dhe Lieksa (Inari). Parikala pushoi së funksionuari në vitin 2022, ndërsa Inari në Lieksa është mbyllur që nga viti 2021”, thuhet në njoftim, shkruajnë mediat e huaja.

Pikat e kalimit kufitar të juglindjes vijojnë të përballen me një fluks të shtuar të qytetarëve, të cilët kanë kaluar nga Kapshtica dhe Qafëthana.

Sipas të dhënave, fundjava ka shënuar pikun e fluksit, ndërsa edhe sot ka pasur qindra kalimtarë që kanë kaluar nëpërmjet këtyre doganave. Drejtoria e Kufirit dhe Migracionit ka bërë të ditur se në Kapshticë, 4459 shtetas kanë hyrë dhe 7858 shtetas kanë dalë në drejtim të Greqisë.

Ndërsa në Qafë Thanë, 6022 shtetas kanë hyrë dhe 5022 shtetas kanë dalë drejt Maqedonisë së Veriut.

Autoritetet doganore kanë punuar me procedurë të përshpejtuar dhe me sportele të alternuara në varësi të fluksit. Nuk është evidentuar pritje e gjatë. Por, ndërsa pala shqiptare e doganës së Kapshticës ka punuar me 4 sportele në dalje, shihet se fqinjët po punojnë vetëm me dy sportele në hyrje.

Fluksi i shtuar i qytetarëve që vijnë nga Greqia në Shqipëri dhe anasjelltas, ka krijuar radhë kilometrike në pikën kufitare të Kapshticës.

Radha është krijuar për ata qytetarë që dalin nga Shqipëria dhe futen drejt Greqisë.

Për datën 10 Gusht, në Kapshticë 8163 qytetarë hynë në Shqipëri dhe 3963 dolën në drejtim të Greqisë.

Në Qafë Thanë 7478 shtetas në hyrje dhe 6784 shtetas në dalje

Pikat kufitare te Dheu i Bardhë dhe në Merdare vazhdojnë të jenë të ngarkuara edhe gjatë ditës së sotme.

Të dhënat e fundit të përditësuara nga Qendra për Menaxhim Kufitar tregojnë se qytetarët po presin deri një orë për të dalë nga Kosova përmes pikës kufitare Dheu i Bardhë, ndërsa kolonat në dalje në këtë pikë arrijnë deri 150 metra.

Por, ndryshe prej këtij pikëkalimi në Merdare kolonat janë më të gjata dhe arrijnë deri në 1200 metra, ku qytetarët po presin deri një orë e gjysmë.

Vendkalimet tjera kufitare janë më të qeta, ku dalja dhe hyrja në Kosovë mund të bëhet nga tre deri në dhjetë minuta.