Policia e Kukësit ka arrestuar një 20-vjeçar me inicialet M.B në flagrancë gjatë një kontrolli rutinë të automjeteve. 20-vjeçari është kapur me një automjet, ku nuk dispononte lejen e drejtimit.

Pas kontrollit uniformat blu i kanë gjetur brenda makinës një sasi kanabisi dhe një peshore elektronike. I riu do të jetë në hetim për veprat penale ‘Prodhimi dhe shitja e narkotikëve’ dhe ‘Drejtimi i automjeteve në mënyrë të parregullt’.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Kukës, për hetime të mëtejshme.

Njoftimi i policisë:

Iu gjetën në automjetin që e drejtonte pa leje, një sasi kanabisi, një grirëse dhe një peshore elektronike, arrestohet në flagrancë 20-vjeçari.

Specialistët për Hetimin e Narkotikëve arrestuan në flagrancë shtetasin M. B., 20 vjeç, banues në Kukës, për veprat penale “Prodhimi dhe shitja e narkotikëve” dhe “Drejtimi i automjeteve në mënyrë të parregullt”, pasi është ndaluar nga shërbimet e Policisë, te rrethrrotullimi i Gostilit, dhe gjatë kontrollit në automjetin që drejtonte, u gjetën dhe u sekuestruan një sasi lënde e dyshuar narkotike cannabis sativa, një grirëse dhe një peshore elektronike. Nga verifikimet e kryera më tej rezultoi se ky shtetas nuk ishte i pajisur me leje drejtimi.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Kukës, për hetime të mëtejshme.

KUKËS-Një 31-vjeçar është vënë në pranga ditën e sotme në Kukës. Arrestimi i tij mësohet se ka ardhur pasi ishte shpallur në kërkim ndërkombëtar nga Kosova për drogë.

Policia bën me dije se i riu u ndalua në Kukës me qëllim ekstradimin në Kosovë. I arrestuari është identifikuar me inicialet D.D. Mësohet se Gjykata e Prishtinës më datë 14 prill të këtij viti i ka caktuar masën e sigurimit “Arrest me burg” për veprën penale “Shkelje e ligjit për lëndët narkotike (kokainë)”.

Njoftimi i plotë:

Policia e Shtetit/ Finalizohet një tjetër fazë e operacionit policor të koduar “Operacionalja”, për kapjen e personave në kërkim ndërkombëtar. Operacioni nga Drejtoria e Forcës së Posaçme Operacionale në Departamentin e Policisë Kriminale.

Kapet në Kukës një 31-vjeçar i shpallur në kërkim ndërkombëtar nga Kosova, për veprimtari kriminale në fushën e narkotikëve.

Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale, paraditen e sotme është finalizuar një tjetër fazë e operacionit policor të koduar “Operacionalja”, konkretisht:

Operacionalja 41, në kuadër të të cilit, nga ana e Drejtorisë së Forcës së Posaçme Operacionale, u bë e mundur lokalizimi në qytetin e Kukësit, kapja dhe ndalimi me qëllim ekstradimi i shtetasit D. D., 31 vjeç, banues në Kukës.

Ky shtetas rezulton i shpallur në kërkim ndërkombëtar pasi Gjykata e Prishtinës/Kosovë, më datë 14.04.2025, i ka caktuar masën e sigurimit “Arrest me burg” për veprën penale “Shkelje e ligjit për lëndët narkotike (kokainë)”, të parashikuar nga Kodi Penal i Kosovës. Operacioni vijon për kapjen e personave të tjerë të shpallur në kërkim ndërkombëtar dhe kombëtar.

Pasditja ka sjelle rëndim të reshjeve të borës ku në lartësi mbi 800 metër trashësia ka arritur deri në 20 cm.

Reshje bore tashmë ka edhe brenda qyteteve të Kukësit, Krumës dhe Bajram Currit, por bora vetëm sa ka zbardhur në këto qytete.

Policia Rrugore udhëzon drejtuesit e mjeteve të kenë pajisjet dimërore me vete në mjetin e tyre, pasi prezenca e borës, akullit e lagështirës është në të gjitha akset nacionale dhe rurale.

Rruga e Kombit, në segmentin Fan-Morin vijon të jetë nën trysnin e borës por pa shkaktuar probleme në qarkullimin e mjeteve.

Ndërsa disa zona si: Myhejan, Buçaj, Astë e Sopot njësia administrative Tropojë, Bashkia Tropojë kanë probleme me energjinë elektrike bëhet me dije nga Shtabi i Emergjencave Civile në Kukës.

Reshjet e borës në qarkun Dibër kanë zbritur deri në 600 metra mbi nivelin e detit, ku kanë nisur të shfaqen edhe problematika.

Aksi rrugor në të cilin kërkohet që drejtuesit e mjeteve të tregojnë kujdes është ai i rrugës së Arbrit.

Më problematike situata paraqitet në Bulqizë dhe Maqellarë ku ka prani të dëborës në asfalt.

Qarku i Kukësit është përfshirë nga reshjet e shiut në zonat e ulëta, ndërsa në zonat malore janë rikthyer reshjet e dëborës. Reshje bore ka në segmentin Fushë-Dugagjin – Tuneli i Kalimashit. Lëvizja e mjeteve bëhet normalisht ndërsa mjetet borëpastruese ndodhen në terren për monitorimin e rrugëve.

Segmenti tjetër i rrugës së kombit Fushë-Dugagjin – Morinë është në ndikimin e reshjeve të shiut. Rekomandohet që drejtuesit e mjeteve të kenë duhet të kenë kujdes për shkak të lagështisë në rrugë.

Drejtuesit e mjeteve të përdoruesve të rrugëve nacionale duhet të bëjnë kujdes veçanërisht në segmentet Kam-Qaf Luzhë, Ura e Topojanit-Shishtavec, Kolosjan-Bushtricë-Kala e Dodës apo Kalimash-Qaf Shllak-Qaf Mali, këto segmente kanë prezencë të akullit e borës, si dhe ka prezencë të rënies së gurëve nga moti i keq.

Një konflikt i nisur fillimisht në përplasje fizike në qytetin e Kukësit ka përfunduar me plagosjen e një të riu në fshatin Bicaj.

I plagosur ka ngelur 29-vjeçari Elvis Halilaj, (kushëriri i Kryetarit të Bashkisë Kukës Albert Halilaj) i cili dyshohet të jetë plagosur nga shtetasi Zenel Muçmata me detyrë Drejtor i drejtorisë së Shërbimeve në Bashkinë Kukës.

Fillimisht konflikti ka nisur në vendin e quajtur “Sheshi i Agjensisë Bicaj” për motive të dobta, ku Halilaj e ka goditur me grushta Muçmatën. Pas përplasjes fizike Elvis Halilaj është larguar në drejtim të fshatit të tij, por është ndjekur nga autori Zenel Muçmata dhe sa po ka ndaluar pranë banesës makina e Halilajt autori ka shtënë një herë.

Predha e dalë nga arma e autorit të dyshuar Zenel Muçmata e ka kapur në pjesën e pasme të plagosurin, i cili është jashtë rrezikut për jetën. Policia nuk ka specifikuar armën e zjarrit, dyshoher se predha e ka kapur poshtë shpinës në të ndenjura, fatmirësisht duke mos i prekur organet e brendshme.

Deri në këto momente autori akoma nuk është arrestuar, ndërsa policia ka bërë të mundur identifikimin e tij. Grupi hetimor po bënë verefikimet e duhura për të zbardhur e dokumentuar ngjarjen.

Në natën e ndërrimit të viteve në Urgjencën e Kukësit janë paraqitur për ndihmë mjekësore 21 persona.

Sipas mjekut të urgjencës Nebi Popa qytetarët që kanë kërkuar ndihmën mjekësore kanë patur simptoma nga alkooli, helmime nga ushqimi.

Në Kukës nata e ndërrimit të viteve u shoqërua me shpërthim të fishekzjarrëve dhe kapsollave edhe nga vet qytetarët në mënyrë jo të kontrolluar, por fatmirësisht nuk ka patur të lënduar nga përdorimi i tyre.

Urgjenca e Spitalit Rajonal të Kukësit po ndeshet me flukse të lartë pacientësh gjatë ditës së parë të vitit, nga mesnata e deri në orën 11:00 janë paraqitur për ndihmë mjekësore 39 qytetarë gjithsej.

KUKËS- Një aksident ka ndodhur mbrëmjen e sotme në “Rrugën e Kombit” nga ku mësohet se janë përplasur tre automjete. Bëhet me dije se aksidenti ka ndodhu në vendin e quajtur Gjegjën.

Për shkak të përplasjes një person është dërguar me urgjencë në spitalin e Kukësit. Gjithashtu bëhet me dije se qarkullimi në këtë segment është ndërprerë, duke devijuar lëvizjen në rrugë dytësore

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhi

Gjendet e pa jetë një vajzë në Kukës.

‘Më datë 17.12.2024, në kanalin e hidrocentralit të Orgjostit, në fshatin Orgjost, është gjetur e pajetë shtetasja M. O., 26 vjeçe, banuese në fshatin Kosharisht.

Gjatë këqyrjes nga eksperti mjekoligjor, në trupin e shtetases M. O. nuk janë konstatuar shenja dhune apo dëmtime të tjera.

Nga veprimet hetimore të deritanishme dyshohet se kjo shtetase është vetëmbytur.

Pasditen e datës 16.12.2024, në Komisariatin e Policisë Kukës, familjarët e kësaj shtetaseje kanë kanë bërë kallëzim për largimin e saj nga banesa dhe humbjen e kontakteve me të.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës’, njofton policia vendore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Kukësi është përfshirë nga reshje të dendura dëbore, të cilat kanë bërë që në zonat malore si Shishtaveci, trashësia të arrijë deri në 50 cm.

Dhjetëra fshatra kanë mbetur pa energji elektrike, ndërsa ka rënie gurësh në disa akse duke krijuar vështirësi për qarkullimin.

I gjithë territori i Qarkut Kukës është i përfshirë nga reshje shiu me intensitet të ulët dhe reshje bore në lartësinë mbi 450 m.

Si pasojë e këtyre kushteve të motit të gjitha akset nacionale rrugore vazhdojnë të jenë nën trysninë e rënies së gurëve, inerteve dhe ngricave duke krijuar vështirësi në qarkullimin normal të mjeteve në disa segmente rrugore.

Subjektet kontraktore kanë punuar gjatë gjithë kohës me të gjitha kapacitetet për mbajtjen funksionale të tyre.

Aktualisht të gjitha akset rrugore nacionale janë të qarkullueshme normalisht.

Nga bashkitë Kukës, Tropojë dhe Has nuk ka raportime për ndonjë problematikë emergjente, ndërsa problemeve me energjinë elektrike kanë fshatrat Zogaj, Kepeneg, Grykë-Çajë, Gdheshtë e Pistë dhe njësitë administrative Bytyq, Golaj, Bushtricë dhe Malzi.

Ndërkohë, furnizimi me ujë të pijshëm bëhet sipas orareve të përcaktuara nga Drejtoria Rajonale e Ujësjellësit Kukës.

Policia e Kukësit ka ndaluar një 25-vjeçar të shpallur në kërkim. Bëhet fjalë për shtetasin Florin Lusha, pasi është dënuar nga Gjykata e Kukësit, me 4 muaj burgim, për veprën penale “Dhuna në familje”.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.