Finalizohet operacioni “Sheldija” për kapjen e dy shtetasve të shpallur në kërkim, të dyshuar si autorë të kultivimit të 400 bimëve narkotike.

Vihen në pranga dy vëllezërit, ndaj të cilëve Gjykata kishte caktuar masën e sigurisë “Arrest në burg”, Emiljan dhe Mikelian Filipi.

Specialistët për Hetimin e Krimeve të Komisariatit të Policisë Shkodër, në vijim të një hetimi të ndjekur me metoda proaktive dhe në bashkëpunim me Prokurorinë, siguruan informacion dhe prova për autorët e dyshuar të bimëve narkotike në fshatin Sheldi.

Bazuar në këto prova, Gjykata caktoi masën e sigurisë “Arrest në burg” për dy vëllezërit.

Në kuadër të operacionit policor të koduar “Sheldija”, u kapën dhe u vunë në pranga:F., 28 vjeç dhe M. F., 20 vjeç, banues në fshatin Sheldi.

Nga hetimi dhe veprimet në terren, rezulton se E. F. dhe M. F. dyshohen si autorë të kultivimit të 400 bimëve narkotike, të zbuluara nga shërbimet e Policisë gjatë operacionit kombëtar të koduar “Koordinata”, më datë 29.04.2025, në fshatin Sheldi.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Agjentët e Policisë Kombëtare spanjolle kanë arrestuar dy shqiptarë, 20 dhe 29 vjeç, në Gandia, si autorë të dyshuar të një krimi kundër shëndetit publik dhe mashtrimit me energjinë elektrike, pasi çmontuan një plantacion marijuane në një shtëpi në Cullera.

Agjentët kanë zbuluar 940 bimë marijuanë me një peshë totale gati 190 kilogramë, 42 llamba LED, shtatë kompresorë klimatizimi, gjashtë split, kanale ventilimi dhe nxjerrjeje, filtra ajri dhe matës të temperaturës dhe lagështisë, si dhe efekte të ndryshme që mund të përdoren për rritjen e bimëve.

Hetimet, të kryera nga Njësia e Drogës dhe Krimit të Organizuar -UDYCO- e Brigadës së Policisë Gjyqësore Vendore Gandia, nisën kur agjentët mësuan se një shtëpi në Cullera mund të përdorej si një laborator kultivimi i përshpejtuar i bimëve të marijuanës.

Pas vendosjes së një aparati vëzhgimi në afërsi të pronës, agjentët konstatuan se prej saj dilte një erë e fortë karakteristike e kësaj lënde. Po kështu, ata vëzhguan se si shtëpia kishte një pamje të lënë pas dore, duke mos treguar shenja të dukshme të banimit, megjithëse në muzg, përmes blindave, mund të vërehej një dritë e verdhë që dilte prej saj.

Në vijim të hetimeve, agjentët konstatuan se prona kishte një lidhje mashtruese me rrjetin elektrik, duke regjistruar humbje të larta të energjisë elektrike në transformatorin që ushqente zonën ku ndodhej.

Me prova të mjaftueshme dhe pasi kërkuan një urdhër hyrjeje, agjentët e UDYCO të Gandia, në bashkëpunim me Policinë Vendore Cullera, kryen kontrollin e shtëpisë ku kishin gjetën një plantacion të kamufluar marihuanë në bodrum, aksesi në të cilin bëhej vetëm nëpërmjet një vrime të vendosur në banjë, pasi pjesa tjetër e aksesit ishte e mbyllur, duke përdorur shkallë të zgjatshme.

Gjithashtu, banorët e shtëpisë, dy burra të ngarkuar me rritjen dhe mirëmbajtjen e plantacionit, u arrestuan si autorë të dyshuar të krimit kundër shëndetit publik dhe mashtrimit me energjinë elektrike.