Ngjarja tragjike në Shkozë ku mbeti viktimë Migena  Sinani, pas vrasjes nga kunati i saj Roland Sina, i cili vuante prej vitesh nga sëmundja e shëndetit mendor.

Në një intervistë televizive, bashkëshorti i Migenës ka folur poër ngjarjen ku ka deklaruar se në momentin  kur vëllai i tij qëlloi ndaj bashkëshortes ka qenë në punë.

Sa i takon ngjarjes, ai thotë se vëllai i tij dhe e shoqja nuk kanë pasur asnjë konflikt me njëri-tjetrin. Ai tha se një natë para krimit, në diskutime normale familjare, Rolandi i cili kishte dy ditë që kishte lënë punën, i kishte thënë Migenës: Ishalla po e gjen ti një punë, se unë e gjej, s’është problem.

Por se cili mund të ketë qenë shkaku i kësaj tragjedie, as Erjoni nuk e ka një përgjigje, ndërsa thotë se nuk ka informacion se kush e ka lëvizur armën pasi i vëllai vrau veten.

Pjesë nga intervista:

Gazetarja: Kush e lëvizi armën

Bashkëshorti i viktimës: Nuk e di se nuk kam qenë aty

E kishte kërcënuar Migenën ndonjëherë?

Jo nuk është e vërtetë, se ka thënë asnjëherë. Kanë shkuar shumë mirë.

Sa kohë vuante nga shëndeti mendor

Ka, që në 2008 kur ka qenë ushtar. Merrte ilaçe, tani ishte bërë mirë, punonte. Kishte dy ditë që e kishte lënë punë, dhe kishin bërë në darkë muhabet që ishalla po gjeti një punë Migena, se unë e gjej punën kudo. Marrëdhënia mes tyre ka qenë shumë e mirë, nuk kanë pasur konflikte me njëri-tjetrin.

Kishit diskutuar për të dalë në një banesë tjetër?

Atë po mundoheshim, po punonim qq fort, që t’u rregullonim jetën fëmijëve, por ja që u pre çdo gjë. Migena ka qenë duke kërkuar punë, për shkak të fëmijëve duhej një punë shteti, por…

Pse kishe zgjedhur të punojë natën?

Sepse fëmijët kanë nevojë për përkujdesje, dhe punoja natën që ditën të isha në gatishmëri për fëmijët.