Kurbin, 15 qershor 2025 – Një 22-vjeçar ka humbur jetën ditën e sotme në ujërat e lumit Mat, pranë zonës së Shkopetit, në rrethana tragjike.

Viktima është identifikuar si Klajdi Elezi, i cili ishte futur në lum për t’u larë, por dyshohet se ka pësuar atak kardiak teksa ndodhej në ujë. Pavarësisht ndërhyrjes së shpejtë të të afërmve dhe mbërritjes së menjëhershme të mjekëve të spitalit të Laçit, i riu nuk ka mundur të shpëtojë.

Në vendngjarje kanë mbërritur edhe forcat e policisë, të cilat po punojnë për të sqaruar rrethanat e plota të ngjarjes. Grupi hetimor po verifikon nëse shkak i vdekjes ka qenë një problem shëndetësor apo ndonjë faktor tjetër i papritur.

Kurbin/Informacion paraprak

Rreth orës 16:00, është njoftuar Salla Operative se në fshatin Skuraj, në lumin Mat, shtetasi K. E., duke u larë në lumë, dyshohet se është rrëmbyer nga rrjedha e lumit dhe për pasojë ka humbur jetën.

Shërbimet e Policisë, në bashkëpunim me banorët e zonës, kanë gjetur dhe nxjerrë trupin e pajetë të 22-vjeçarit dhe kanë transportuar në morg për veprime të mëtejshme.

Grupi hetimor nën drejtimin e Prokurorisë vijon punën për sqarimin e rrethanave të ngjarjes dhe përcaktimin e shkakut të humbjes së jetës.

Është publikuar fotoja e 28-vjeçarit Denis Loka, i cili u vra me thikë nga kushërinjtë e tij Enis dhe Aleksandros Loka, në në lagjen Kipseli të Athinës mbrëmjen e së hënës.

Ngjarja e rëndë është fiksuar nga kamerat e sigurisë të bizneseve aty pranë dhe tregojnë vëllezërit, 17 dhe 19 vjeç të cilët fillimisht përleshen fizikisht me të afërmin e tyre Denis Loka, përpara se t’i marrin jetën.

Ngjarja ka ndodhur rreth orës 22:50 dhe ishin efektivët e Policisë Rrugore, të cilët po lëviznin pranë kryqëzimit të rrugëve Chania dhe Patisia, që panë të shtrirë përtokë 28-vjeçarin.

Sakaq dy vëllezërit pretendojnë se janë abuzuar seksualisht nga 28-vjeçari i ndjerë, kur ishin fëmijë dhe jetonin në Shqipëri. Kur u takuan ata debatuan për atë që pretendojnë se ka ndodhur në të kaluarën. Viktima ka tentuar t’i qetësojë, por ka ndodhur një sherr, i cili ka sjellë plagosjen fatale të 28-vjeçarit.

Një orë pasi kryen krimin ata janë vetëdorëzuar në komisariatin e Kipselit dhe ka qenë 17-vjeçari ai që ka marrë përsipër vrasjen.

Një konflikt mes dy kushërinjve ka alarmuar policinë e Vlorës. Dy të rinj me lidhje farefisnore janë konfliktuar për motive të dobëta.

Ata janë përfshirë në një sherr fizik duke dhunuar njëri-tjetrin me shkelma dhe grushte.

Policia ka ndërhyrë në kohë duke shoqëruar njërin prej tyre dhe kështu ka parandaluar përshkallëzimin e ngjarjes.

Një 39-vjeçar në Tropojë është proceduar penalisht pasi ka kërcënuar me armë zjarri 2 kushërinjtë e tij.

Policia tha se  menjëherë pas njoftimit se në fshatin Mserr, një shtetas kishte qëlluar me armë, në ajër, specialistët e Seksionit për Hetimin e Krimeve të Komisariatit të Policisë Tropojë kanë organizuar punën dhe kanë mbërritur në vendngjarje, me qëllim zbardhjen e rrethanave.

Për rastin u referuan materialet në Prokurori, ku nisi procedimi në gjendje të lirë për shtetasin V. P., 39 vjeç, banues në fshatin Peraj, pasi dyshohet se për motive të dobëta, ka kanosur me armë gjahu, 2 kushërinjtë e tij, shtetasit A. P., 38 vjeç dhe A. P., 37 vjeç.

Më tej, u shpall në kërkim shtetasi F. N., 19 vjeç, banues në fshatin Peraj, i cili shoqëronte shtetasin V. P., në momentin e konfliktit, pasi dyshohet se ka qëlluar me armë në ajër, me qëllim kanosjen. Vijon intensivisht puna për lokalizimin dhe kapjen e 19-vjeçarit.