Kushtetuesja shqyrton nesër në orën 09:00 ankimin e kreut demokrat Sali Berisha, i cili kërkon shpalljen anti-Kushtetuese të masave të dhënë nga SPAK, pa autorizimin e Kuvendit.

Bëhet fjalë për masat e sigurisë “detyrim paraqitje” dhe “ndalim të daljes jashtë vendit” të cilat SPAK i aplikoi ndaj ish-Kryeministrit, pa iu drejtuar më parë Kuvendit për autorizim. Berisha i shpërfilli këto masa duke i cilësuar si anti-Kushtetuese, përderisa ato i kufizonin të drejtat si deputet.
Pikërisht lidhur me këto dy masa të SPAK, Kushtetuesja pritet të shqyrtojë nesër dhe të shprehet nëse Prokuroria Speciale ka zbatuar ose jo Kushtetutën.

Më herët Berisha përmes mbrojtësve të tij ligjorë kërkoi që nga trupa që do të merrte në shqyrtim çështjen e tij të përjashtohej gjyqtarja Marsida Xhaferllari, bashkëjetuese e deputetit Enkelejd Alibeaj.

Përplasjet mes Berishës dhe Alibeajt përbënin thelbin e kërkesës së avokatëve të ish-Kryeministrit që kërkonin përjashtimin nga trupa të Xhaferllarit, duke e cilësuar gjyqtaren si në konflikt interesi. Kushtetuesja e rrëzoi këtë kërkesë të avokatëve të Berishës.

Për të njëjtën çështje Kushtetueses iu drejtuan kohë më parë deputetë të opozitës, por kërkesa e tyre nuk u shqyrtua nga Gjykata.

Pasi ish-Kryeministri shpërfilli masat e para të sigurisë të vendosura nga Prokuroria Speciale, SPAK iu drejtua Kuvendit duke i kërkuar autorizimin, por me kërkesën për masën e sigurisë “arrest shtëpie” ku prej 11 muajsh Berisha është i izoluar.

Mbahet sot seanca e radhës në Gjykatën Kushtetuese për taksën e profesioneve të lira. Gjykatësja Holta Zaçaj u la kohë palëve që të sjellin prova të reja, përgjigjet për pyetjet që u administruan në seancë dhe parashtrimet, ndërsa lajmëroi se konkluzionet përfundimtare do të jepen në seancën e sotme.

Brenda pak muajve nga hyrja në fuqi e tij, ligji është paditur katër herë, pasi për deputetët e opozitës, kontabilistët dhe juristët, shkel parimin e barazisë mes tatimpaguesve dhe cenon sigurinë juridike. Në seancën maratonë të 18 qershorit, trupa gjykuese mori në shqyrtim së bashku tri paditë e depozituara prej Grupit Parlamentar të PD-së, Dhomës së Avokatisë, IKM-së dhe IEKA-s.

Para marrjes së vendimit përfundimtar për lënien në fuqi apo shfuqizimin e ligjit, me shumicë votash, Gjykata Kushtetuese vendosi të rrëzojë kërkesën për pezullim, me argumentin se çështja do të trajtohet me përparësi.
“Gjykata vendosi me shumicë votash të rrëzojë kërkesën për pezullim, duke marrë në konsideratë që procesi është duke u gjykuar me përparësi”, -pohoi kryetarja e Gjykatës Kushtetuese, Holta Zaçaj. Pra ligji i ri do të vijojë të zbatohet deri sa gjykata të shprehet në tërësi për të.

Teksa Dritan Rexhepi ndodhet i arrestuar në Turqi, në 11 dhjetor 2023, Gjykata Kushtetuese e Shqipërisë, ka vendosur të mospranojë kërkesën e tij, lidhur me një gjykim të drejtë dhe në prezencë të tij, para trupit gjykues.about:blank

Me vendimin e marë nga Gjykata Kushtetuese, automatikisht lihet në fuqi vendimi i Gjykatës së Lartë që urdhëroi dënimin e Dritan Rexhepit me 25 vite burgim, për vrasjen e policit Durim Kasmi në vitin 1999 në qendër të Krujës dhe vrasjen e Ramazan Bakiut.

Që prej muajit nëntor 2023 autoritetet Shqiptare i janë drejtuar Drejtësisë Turke, duke kërkuar ekstradimin e Gramoz Rexhepit në Shqipëri.

Por në garë për ekstradimin e këtij individi, është Italia dhe Belgjika, të cilat kanë shfaqur interes për ekstradimin e Rexhepit.