Një incident ka ndodhur në sallën e Kuvendit mes deputetëve Flamur Noka dhe Agron Shehaj. Deputeti Shehaj prej disa orësh po proteston në sallën e Kuvendit, duke kërkuar fjalën për procedurë.

Në një moment Flamur Noka, Sekretar i Përgjithshëm i PD-së, ka shkuar te Foltorja për të marrë fjalën, por atje ndodhej deputeti Shehaj.

Në këtë moment Noka ka shtyrë forcërisht Shehajn duke e larguar nga foltorja. Ishte deputeti Luan Baçi që ka ndërhyrë mes dy deputetëve duke shmangur ndoshta një konfrontim fizik.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Parlamenti i Kosovës është përfshirë nga episode dhune ditën e sotme, për shkak të publikimit të audio-përgjimit mes Mimoza Kusari Lilës dhe Milan Radojiçiç.

Ndërkohë që Kusari justifikohej duke thënë se audio përgjimi ishte i montuar, ish-deputeti i LVV, Abazi vendosi shiritin me mbishkrimin rrezik.

Seanca plenare në Kuvend ka nisur ditën e sotme 30 minuta me vonesë nga parashikimi i nisjes. Sot është java e gjelbër dhe në këtë seancë pritet që të diskutohen problemet e evdentuara nga zgjedhësit. 

Kryeministri Edi Rama ka komentuar në një postim në rrjetin social X ngjarjet e ditës së sotme në Parlament duke thënë se “opozita sot u rikthye në identitet”.

Sipas tij autorët e këtij “rikthimi”, ishin “një kriminel italian i dënuar 17 vjet nga drejtësia shqiptare, një ish-zv/ kryeministër i arratisur, një ish-kryeministër në arrest shtëpie, një ish-prokuror i përjashtuar nga sistemi i drejtësisë dhe programi i RAI3 që shfaqi të sipërpërmendurit si heronj pozitivë”.

Rama shtoi se “kjo lojë balte e rradhës me emrin e Shqipërisë i duhet futur në llogaritë që do të bëhen në zgjedhjet e afërta”.

Ai përfundoi reagimin e tij duke thënë se ata nuk duhet të falen më dhe duhen “shkatërruar përfundimisht me votë”, pasi Shqipëria ” ka kry punë me ta dhe nuk ndalet dot më nga askush”.

Reagimi i plotë:

Cilët ishin autorët e rikthimit kaq të shpejtë në identitet të opozitës sot në parlament?

Një kriminel italian i dënuar 17 vjet nga drejtësia shqiptare;
Një ish-zv.kryeministër i arratisur për t’i ikur drejtësisë;
Një ish-kryeministër në arrest shtëpie me vendim të drejtësisë;
Një ish-prokuror i përjashtuar nga sistemi i drejtësisë për mosjustifikim pasurie;
Një program në RAI3 që i shfaqi të lartpërmendurit si heronj pozitivë të një bashkëprodhimi italo-shqiptar, me baltë të eksportuar në Itali nga kanalet e ujrave të zeza politike e mediatike të Tiranës.

Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e rradhës me emrin e Shqipërisë i duhet futur në llogaritë që do të bëhen në zgjedhjet e afërta.

Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush.

Avokati i Berishës, Sokol Mëngjesi, ka mbërritur sot në gjykatë për të ankimuar vendimin e SPAK për moslejimin e pjesëmarrjes së ish-kryeministrit në seancat plenare.

Ky i fundit depozitoi një kërkesë për të marrë leje për t’u paraqitur në seancat plenare.

Përplasje të forta janë shënuar në hyrjet kryesore të parlamentit mes deputetëve të Partisë Demokratike dhe atyre socialistë.about:blank

Ishin ligjvënësit demokratë ata të cilët bllokuan dy hyrjet kryesore të parlamentit dhe nuk lejuan kolegët e PS të hynin në ambientet e brendshme të Kuvendit.

Pas përplasjeve, deputetët e PS mundën të hynin nga një hyrje tjetër. Sipas kreut të grupit parlamentar demokrat Gazmend Bardhi, kolegët socialistë hynë nga dritarja e tualetit.

Pas nisjes së seancës deputetët demokratë që ishin në sallë ndezën tymuese dhe tentuan të bllokonim punimet e seancës plenare.

Përplasje të forta u panë dhe mes deputetëve të Partisë Demokratike dhe Gardës së Republikës.

Shtyrje fizike dhe përleshje ndodhën në derën e hyrjes kryesore të parlamentit.

Deputetët e përjashtuar të opozitës u përplasën e efektivët të cilët ishin pozicionuar për të mos lejuar hyrjen e tyre.about:blank

Deputeti Flamur Noka shihet në një moment teksa shtyn një efektiv të gardës dhe thyen xhamin e derës kryesore.

Deputetët e PD prtendojnë se garada po bllokon me të padrejtë që të hyjnë dhe deputetët të cilët nuk janë të përjashtuar

Në kaosin që u krijua në sallën e parlamentit, kur deputetët e opozitës bllokuan foltoren ra në sy një grindje në distancë me thirrje dhe kunja të ndërsjella. Deputeti i Lushnjës, Saimir Korreshi me një poster në duar hidhte e priste me Ministren e Bujqësisë Frida Krifca.

Në një ditë si kjo, Korreshi ka pasur shumë për të thënë, duke qenë se dje Bashkimi Europian bllokoi fondet e programit IPARD që përdoreshin si ndihma për fermerët. Korreshi i kishte marrë masat më parë dhe në oborrin e kuvendit u paraqir me një shalqi, siç duket në foton më poshtë.

Nuk dihet se çfarë ka komunikuar deputeti i Lushnjës me Ministren e Bujqësisë, por kohët e fundit Korreshi i ka shtuar dozat e humorit në parlament dhe shpesh përgjigjet me batuta apo gallatë për shqetësimet e votuesve të tij.