Prishtinë- Deputeti i Lëvizjes Vetëvendosje (LVV), Dimal Basha, është zgjedhur kryetar i Kuvendit të Kosovës. Por, kush është Dimal Basha?

Dimal Basha ka lindur më 12 tetor 1979 në Prishtinë dhe jeton në qytetin e Ferizajt. Studimet e larta i ka përfunduar në “John Jay College of Criminal Justice” në New York, duke diplomuar me vlerësimin më të lartë në drejtimin “E Drejta Penale Ndërkombëtare.”

Dimali gjithashtu ka përfunduar studimet Master në Marrëdhënie Ndërkombëtare, me fokus në “Konflikt dhe Siguri,” në Universitetin “The Neë School University,” po ashtu në New York.

Në politikë, Dimal Basha ka shërbyer si deputet i Kuvendit të Republikës së Kosovës për dy mandate dhe tashmë është zgjedhur për herë të tretë. Ai ka qenë anëtar në Komisionin për Punë të Jashtme, Komisionin për Legjislacion, Komisionin për Mbikëqyrjen e AKI-së dhe Komisionin për Stabilizim-Asociim.

Zegjine Çaushi, ia doli të sigurojë një vend në Kuvendin e Shqipërisë për katër vitet e ardhshme, pasi kandidatja e PS, Maldrita Bardho vendosi të mos e pranojë mandatin e deputetes.

Në një reagim në rrjetet sociale, Çaushi falënderon kandidaten e tërhequr, dhe e quan vendim të guximshëm dhe befasues. Edhe në këtë reagim, Zegjineja nuk kursen “përshëndetjen” për Gazmend Bardhin.

“Kam vendosur të bëj këtë komunikim publik, pasi e ndjej të nevojshme të falënderoj kolegen time, Maldrita Bardho për vendimin e guximshëm dhe befasues që më bën edhe më të përgjegjshme për detyrën time në Kuvendin e Shqipërisë.

Unë jam një prej mijëra vajzave dhe djemve të rritur larg qendrave urbane me të një njëjtën dëshirë e vlerë si çdo i ri që ka lindur në qytet. Jam anatemuar në banaqet e studiove televizive dhe politikanëve që ulërasin emrin tim për të mbuluar zullumet e tyre por kjo nuk më tremb. Se kush jam e çfarë do bëj në parlament, këtë do e tregojë koha.

Maldrita, të falënderoj edhe njëherë shoqe, je fisnike, model për mua. Gazo, je politikani më i dështuar, iu ke ngelur ne derë e s’po dinë të të heqin qafe”-shprehet Zegjineja.

Për herë të 27 deputetët iu drejtuan Kuvendit me qëllim konstituimin e tij. Mirëpo kësaj radhe disa qytetarë ishin mbledhur në hyrje për të protestuar për dështimet e njëpasnjëshme.

Edhe pse punë efektive ka shumë pak, deputetët janë paguar për një muaj e gjysmë që nga betimi i tyre nga 2600 euro secili dhe për këtë u kërkua llogari nga ta. Me iniciativë të avokatit Arianit Koci, në momentin që do të fillonte seanca u planifikua mbyllja e dyerve të Parlamentit në mënyrë që deputetët të qëndrojnë brenda deri në funksionalizimin e institucionit.

Kjo bëri që të ketë forca më të shtura të policisë dhe kërkesës që të mbyllet vetëm një derë. Ideja e mbylljes së tyre brenda Kuvendit nuk i pëlqeu as disa deputetëve që u njoftuan në hyrje për iniciativën.

Në fund, u mbyll njëra derë nga ku deputetët hyjnë në Kuvend në mënyrë simbolike. Avokati Koci tha se përpos se po shkelet obligimi ndaj qytetarëve, deputetët po konsumojnë edhe vepër penale me moskonstituimin e Kuvendit.

“Mund të ketë elemente te korrupsionit pasiv nëse vërtetohet se ky bllokim është pjesë e pazareve politike, po e stimulojnë që po punojnë e në fakt nuk po punojnë, këto janë elemente të veprës penale të mashtrimit edhe potencialisht mundet me qenë edhe keqpërdorim i postës zyrtare”, tha avokati Koci.

Pavarësisht protestave, deputetët vijuan avazin me seancë që nisi me vonesë dhe zgjati pak për t’u kthyer sërish ditën e shtunë dhe me shumë mundësi për rezultatin e njëjtë

Dy protesta të ndara po mbahen sot para Kuvendit të Shqipërisë, vetëm pak para nisjes së seancës plenare.

Një prej tyre organizohet nga Bashkimi i Sindikatave te Pavarura te Shqipërisë, dhe tjetra nga minatorë të mbështetur nga Lëvizja Bashkë.

Kërkesat e të dy palëve të protestuesve janë të njëjta.

Ata kërkojnë miratimin e statusit te minatorit dhe pensione dinjitoze, kërkesa këto që janë shpalosur edhe në protestat e mëparshme.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Është mbyllur protesta e thirrur e opozitës që u zhvillua para Kuvendit.

Burime bëjnë me dije se pjesëmarrja në protestën e thirrur nga Partia Demokratike ishte e ulët.

Ndërkohë në sallën e Kuvendit, deputetët e majtë dhe të djathtë po diskutojnë për projektbuxhetin e vitit 2025.

Ashtu siç ishte paralajmëruar, Partia Demokratike po zhvillon protestë përpara parlamentit të Shqipërisë.

Protesta mbahet kundër miratimit të projekt-buxhetit të vitit 2025 në parlament.

Në protestë janë të pranishëm anëtarët e degëve të Partisë Demokratike në Tiranë.

Në tubim kanë qenë të pranishëm edhe shumë pensionistë, duke kërkuar që pensionet të rriten me 20 përqind. Siç shihet në foto, ata mbajnë çadra në duar, pasi bien reshje shiu.

Opozita është kundër miratimit të projekt-buxhetit, duke e konsideruar atë “antisocial”.

Elisa Spiropali, në rolin e kryetares së Kuvendit, shpërndau sonte një koment në formë fejtoni ku plot doza ironie dhe kujtesë historike, qesëndis opozitën e ish kryeministrit Berisha, pas zhvillimeve të sotme në Parlament.

“Mosbindja civile është një nga krijimet më të bukura të angazhimit qytetar e politik në historinë e njerëzimit.

Thelbi i saj i pandryshueshëm, qysh me Sokratin në Greqinë e Lashtë, i cili predikonte vënien në pikëpyetje të së drejtës morale të autoriteteve për një ligj të padrejtë, e deri tek Mahatma Gandi. Ai e gjunjëzoi Perandorinë Britanike, duke u ulur i pari në gjunjë derisa me miliona vetë u ulën pas tij në rrugët e Indisë. Ballë për ballë grykëve të pushkëve të batalioneve të regjimit kolonial. I cili hapte zjarr në trupat e tyre dhe të mosbindurit civilë nuk lëviznin nga vendi, është refuzimi absolut, i dhunës si mjet për imponimin e një të drejte të mohuar.

Beteja të tëra epike të njerëzimit për heqjen e skllavërisë, të drejtën e votës për gratë, anullimin e ligjeve raciste, fundin e aparteidit në Afrikën e Jugut, u furnizuan me energjinë e pandalshme morale dhe rezistencën e hekurt shpirtërore të mosbindjes civile.

Mosbindja civile e përjashton kategorikisht ngritjen e dorës për të demonstruar forcë dhe synon krijimin e një kontrasti moral paralizues, mes trupave të protestuesve paqësorë dhe korpusit të një padrejtësie shtetërore të perceptuar si të tillë nga shoqëria.

Mosbindja civile mishërohet nga individë që i kundërvihen ligjërimit të një padrejtësie, duke marrë përsipër ta thyejnë paqësisht ligjin e padrejtë dhe duke pranuar paqësisht pasojën personale të shkeljes së atij ligji.

Mosbindja civile përmes guximit po edhe sakrificës vetjake, i kontribuon arritjes së zgjidhjes me drejtësi, jo përmes dhunës, po përmes masivizimit të ndjeshmërisë popullore që në fund ia del ta imponojë të drejtën e mohuar, si një lloj shah mati për autoritetet.

Kjo është, me fjalë të shkurtra, përmbajtja e konceptit të mosbindjes civile dhe kështu e ka çarë rrugën e historisë forca krijuese e mosbindjes civile, në një sërë ngjarjesh të jashtëzakonshme politike e shoqërore për liritë e të drejtat njerëzore.

Asgjë më e largët me përmbajtjen e thellë morale dhe formën cfilitëse të durimit të mosbindjes civile, nuk mund të imagjinohet dot, se sa përçudnimi i dhimbshëm i opozitarizmit politik e mediatik të kësaj vjeshte.

Keqardhje e madhe!

Por sidoqoftë, forca e dhuna fizike, përplasjet trupore, kërcënimet verbale, djegia e shkatërrimi, apo çfarëdo shprehje e përfshirë së fundmi nga opozitarët tanë në konceptin e “Mosbindjes Civile”, nuk mund t’i imponohen dot kurrë Kuvendit të Shqipërisë si të drejta demokratike të askujt.”

Deputeti i Forumit Shqiptar nga rradhët e Lidhjes Demokratike Shqiptare Nikollë Camaj, është zgjedhur nënkryetar i Kuvendit të Malit të Zi. Camaj u votua nga 43 deputetë dhe nuk mori asnjë votë kundër.

Bëhet me dije se deputetët e Partisë Boshnjake nuk morën pjesë në votim. Camaj ushtron detyën si deputet që prej 29 korrikut të vitit 2023.

“Krahas përvojës 20 vjeçare të punës në profesion, në Gjimnazin e Tuzit është marrë me veprimtari të ndryshme shoqërore dhe politike dhe disa herë ka mbajtur poste të ndryshme. Ka qenë ndihmës sekretar për informim, pastaj kryetar i Kuvendit të Komunës së Tuzit, drejtor i Komunës së Tuzit, si dhe këshilltar në Komunën e Tuzit në disa raste. Ai ushtron detyrën e deputetit që nga 29 korriku 2023” , thuhet në memorandum.

Teksa në Kuvendin e Shqipërisë pritej të niste seanca e radhës, jashtë ambienteve të Parlamentit një grup minatorësh dhe ish-minatorësh u mbledhën për të protestuar.

Protestuesit kërkojnë miratimin e statusit të minatorit dhe rritjen e pensioneve të tyre.Ata kanë kërkuar nga politikanët të mbajnë premtimet dhe të mos gënjejnë minatorët, por të miratojnë statutin e tyre.

Kujtojmë se edhe seancën e kaluar ata protestuan, ndërkohë që disa prej tyre tentuan të hynin në rrethimin e Kuvendit, por u penguan nga policia dhe Garda.