Një banesë që shërbente si bazë për përgatitjen dhe shpërndarjen e lëndëve narkotike është bastisur nga policia në Tiranë, raporton noa.al.

Gjatë kontrollit në këtë banesë, shërbimet e Policisë sekuestruan 1 kg e 276 gramë kanabis, një sasi lënde narkotike kokainë dhe një peshore elektronike, e cila përdorej për ndarjen në doza të drogës, që më pas shitej në kryeqytet.

Si rezultat i këtij operacioni, u arrestua në flagrancë shtetasi S. R., 30 vjeç, banues në Tiranë, i cili dyshohet të jetë një nga personat kryesorë të përfshirë në këtë veprimtari kriminale.

Burime policore bëjnë me dije se hetimet vijojnë për të identifikuar personat e tjerë të përfshirë në këtë rrjet të shpërndarjes së drogës, duke synuar një goditje më të gjerë ndaj aktivitetit kriminal.

Materialet procedurale i janë referuar Prokurorisë, e cila pritet të ndjekë hetimet për të zbardhur rrugët e furnizimit dhe shpërndarjes së drogës në Tiranë. /noa.al

Policia e Kosovës ka bërë të ditur të martën se ka zbuluar një shtëpi në Prishtinë që ka shërbyer si laborator i sofistikuar për prodhim të dokumenteve të falsifikuara, përfshirë pasaportat, kartat e identitetit dhe patentë shoferët.

Përmes një komunikate për media, Policia ka thënë se ka arritur ta zbulojë shtëpinë pasi më 24 janar e ka ndaluar një automjet në të cilin ka gjetur dokumente të zbrazëta të shteteve të ndryshme të botës.

Policia ka thënë se në objektin e zbuluar ka arritur të sekuestrojë makina laserike, printerë, mbi 20.000 mikroçipa dhe mijëra dokumente nga 51 shtete të ndryshme të botës.

Është bërë e ditur se Prokuroria e Kosovës është duke e hetuar rastin si falsifikim i dokumenteve dhe krim i organizuar./REL