BELGJIKË- Autoritetet belge kanë vënë në pranga 6 shqiptarë. Mësohet se arrestimi i tyre ka ardhur pas një hetimI ndaj një organizate që merret me importin dhe tregtimin e lëndëve narkotike përmes portit të Antwerpen. Hetimi mësohet se nisi në vitin 2023, kur policia mori informacione për një grup shqiptarësh që do të importonin kokainë nga një ndërtesë në Somersstraat nëpërmjet portit të Antwerpen.

Gjatë hetimit të gjerë nga Policia Gjyqësore Federale (FGP) Antwerp, dolën elemente se në godinën në fjalë ishte aktive një lavanderi kokaine, ku edhe kokaina do të rishtypej dhe paketohej. Pasi droga ishte gati, kokaina tregtohej më tej në të gjithë Evropën.

Zëdhënësi i prokurorisë publike të Antëerpen, Kristof Aerts tha se janë kryer 5 kontrolle në Antwerp, Berchem dhe Borgerhout. Sipas tij gjatë kontrolleve u gjetën kimikate, një presë, logo dhe material paketimi. Më tej bëhet me dije se të arrestuarit janë të moshave nga 22 deri në 57 vjeç. Ata janë marrë në pyetje dhe janë dërguar në burg ku do të dalin të martën para gjykatës.

“Me udhëzimin e gjyqtarit hetues, janë kryer 5 kontrolle në Antwerp, Berchem dhe Borgerhout. Gjatë kontrollit në Somersstraat, pranë Stacionit Qendror, u gjetën kimikate, një presë, logo dhe material paketimi. Gjashtë burra të moshave 22 deri në 57 vjeç u sollën para gjykatësit hetues pas marrjes në pyetje. Të gjashtë u arrestuan dhe u dërguan në burg.” Të dyshuarit do të dalin para gjykatës të martën. Ndërkohë vijon hetimi gjyqësor,” tha Aerts.

Policia e Milanos në Itali arrestoi tre shqiptarë të moshës 29, 40 dhe 51 vjeç pasi u gjetën në një apartament në Lentate që përdorej si laborator për prodhimin dhe përpunimin e kokainës.

Gjatë kontrollit u gjetën dy pistoleta gjysmë automatike, njëra e paligjshme me numrin serial të gërvishtur dhe tjetra e vjedhur.

JETA e dyfishtë e Marset, ‘mbreti i kokainës’ kamuflohej si futbollist! (Lidhja me shqiptarët)

Fillimisht më 15 korrik policia arrestoi 29-vjeçarin, i cili po lëviste me makinë. Të riut iu gjetën 500 euro dhe dy telefona celular, njëri prej të cilëve me një sistem mesazhesh të koduara.

Më pas kontrollet vazhduan edhe në apartament ku u gjetën dy shqiptarët e tjerë, 40 dhe 51 vjeç.

Në bodrum, policia gjeti një linjë prodhimi dhe përpunimi kokaine: midis banjës, dhomës nën shkallët dhe garazhit, u gjetën disa presa hidraulike dhe sende të tjera që shërbenin për përpunimin e kokainës.

Në strukturën e divanit të dhomës së ndenjes u gjetën dy pistoleta gjysmë automatike me karikatorë përkatës të pajisur me fishekë.

Tre shqiptarët janë shoqëruar në burgun e Monzës dhe po kryhen veprimet e mëtejshme.