Pikat e kalimit kufitar të juglindjes vijojnë të përballen me një fluks të shtuar të qytetarëve, të cilët kanë kaluar nga Kapshtica dhe Qafëthana.

Sipas të dhënave, fundjava ka shënuar pikun e fluksit, ndërsa edhe sot ka pasur qindra kalimtarë që kanë kaluar nëpërmjet këtyre doganave. Drejtoria e Kufirit dhe Migracionit ka bërë të ditur se në Kapshticë, 4459 shtetas kanë hyrë dhe 7858 shtetas kanë dalë në drejtim të Greqisë.

Ndërsa në Qafë Thanë, 6022 shtetas kanë hyrë dhe 5022 shtetas kanë dalë drejt Maqedonisë së Veriut.

Autoritetet doganore kanë punuar me procedurë të përshpejtuar dhe me sportele të alternuara në varësi të fluksit. Nuk është evidentuar pritje e gjatë. Por, ndërsa pala shqiptare e doganës së Kapshticës ka punuar me 4 sportele në dalje, shihet se fqinjët po punojnë vetëm me dy sportele në hyrje.

Ekipet e mbrojtjes civile në Brazil kanë punuar gjithë natën për të nxjerrë trupat e pasagjerëve të vdekur prej një aeroplani të rrëzuar të premten në Sao Paolo. Për pasojë, të 62 personat në bord kanë mbetur të vdekur. Guvernatori i San Paolos, ka thënë se trupat e të paktën 21 personave janë nxjerrë, dhe të gjithë janë dërguar në morgun policor.

Kompania rajonale e fluturimeve, Voepass, ka thënë se në aeroplan kanë qenë 57 pasagjerë dhe katër anëtarë të bordit, mirëpo të shtunën kompania ka thënë se shifra totale e viktimave është 62. Pozicioni i trupave të vdekur, karakteristikat fizike, dokumentet, dhe të gjitha gjërat tjera, sikurse telefonat, janë duke u përdorur për identifikim, ka thënë zjarrfikësi, Maycon Cristo, në zonën e incidentit.

Familjarët e vikamave janë nisur për në Sao Paolo për të ndihmuar në identifikim. Aeroplani ishte nisur prej Kaskavelit për në San Paolo, dhe është rrëzuar në qytezën Vinhedo, rreth 80 kilometra në veriperëndim të Sao Paolos. Kompania franko-italiane, ATR, e cila është në proncësi të gjigantëve Airbus dhe Leononardo, është prodhuese e aeroplanëve të llojit që është rrëzuar.

ATR ka thënë të premten për agjencinë e lajmeve Reuters se, specialistët janë “tërësisht të angazhuar” në hetimet lidhur me rrëzimin e aeroplanit./REL

Kjo e hënë pushimi një ditë pas festës së Kurban Bajramit, ka sjellë dyndje pushuesish në plazhet e Lezhës e për rrjedhojë trafik të rënduar.

Largimi i menjëhershëm i pushuesve nga plazhet, ka krijuar kaos në lëvizje.

Situata më problematik paraqitet në rrugën e Shëngjinit, si dhe në aksin Milot-Balldren, ku që prej orës 17:00 është krijuar radhë kilometrike automjetesh.

Ndërkohë policia rrugore është vendosur në disa pika për të lehtësuar lëvizjen dhe orientuat shoferët që të përdorin rrugët alternative.