BERAT- Punonjësi i një firme ndërtimi në Berat ka humbur jetën sot në spital. Sipas policisë, rreth orës 15:30, viktima 66-vjeçar, dyshohet se është rrëzuar nga kati i tretë i një pallati në ndërtim në lagjen “Kushtrimi”. Ndërkohë, grupi hetimor është në vendngjarje dhe po punon për zbardhjen e rrethanave të rastit.

Njoftimi i policisë:

Berat/Informacion paraprak

Rreth orës 15:30, dyshohet se është rrëzuar nga kati i tretë i një pallati në ndërtim, në lagjen “Kushtrimi”, punonjësi i firmës së ndërtimit, shtetasi R. H., 66 vjeç, banues në Berat. Si pasojë ai ka humbur jetën, në spital. Grupi hetimor është në vendngjarje dhe po punon për zbardhjen e rrethanave të rastit.

Një ngjarje e rëndë ka ndodhur pasditen e sotme në afërsi të Tegut në Tiranë, pasi një person dyshohet se është vetëhedhur nga lartësia e një ndërtese dhe ka ndërruar jetë.

Policia bën me dije se viktima është identifikuar si shtetasi me iniciale L.K., 58-vjeç.

Nga hetimet paraprake rezulton se 58-vjeçari, vuante nga shëndeti mendor dhe dyshohet se si pasojë e depresionit është hedhur nga lartësia.

“Më datë 19.01.2025, në afërsi të Tegut, dyshohet se është vetëhedhur nga lartësia e një ndërtese shtetasi L.K, 58 vjeç, i cili ka ndërruar jetë në spital.

Nga hetimet paraprake rezulton se shtetasi L.K, vuante nga shëndeti mendor dhe dyshohet se si pasojë e depresionit është hedhur nga lartësia.

Grupi hetimor nën drejtimin e Prokurorisë po punon për sqarimin e rrethanave të rastit”, njoftoi policia

Një ngjarje tragjike është regjistruar në Haradara të Prevelit në Kretë. Një çift turistësh amerikanë kanë rënë në greminë ku për pasojë ka humbur jetën bashkëshorti. Burri humbi jetën i pari pak pasi thirri për ndihmë. Partnerja e tij mori plagë të rënda në kokë dhe gjoks, teksa rezultoi se ishte shtatzënë.

33-vjeçarja humbi fëmijën e saj edhe pas përpjekjeve të shumta të mjekëve për të shpëtuar shtatzaninë. Gruaja ndodhet në gjendje kritike ndërsa vlerësohet nga ekipi i bluzave të bardha se ka kaluar në një vdekje klinike.
Familjarët e turistit amerikan ndërkohë kanë marrë vendimin për dhurimin e organeve. Çifti po bënte ecje në këmbë në zonën e e rrezikshme teksa u rrëzuan fatalisht më 23 dhjetor. Turistja po trajtohet në spitalin e Chanias, ndërsa edhe për të familja e ka marrë vendimin për dhurim organesh, nëse nuk ka më gjendje të kthyeshme, pasi mjekët shprehen se ‘i ka vdekur truri’.

Madje ekipet kirurgjikale kanë mbërritur në ishull për të marrë organet nga Spitali Popullor dhe Onassios. Operacioni i shpëtimit zgjati 4 orë, për shkak të terrenit të vështirë, por pavarësisht përpjekjeve të EMAK, forcave të shpëtimit policor dhe zjarrfikësve, duket se numri i viktimave bëhet tre.

Një turist anglez ka rënë nga një lartësi mbi një kabinë elektrike. Turisti anglez nuk dihet nëse ka rënë aksidentalisht apo është vetëhedhur.

Gjithashtu ai është transportuar në spital, ndërsa ende nuk dihet si paraqitet gjendja e tij. Policia dhe grupi hetimor ndodhen në vendngjarje dhe kanë nisur punën për zbardhjen e rrethanave të ngjarjes.