SHBA – Në një intervistë që po bën xhiron e botës, Lionel Messi ka folur hapur për marrëdhënien e tij me rivalin e përjetshëm, Cristiano Ronaldo. Dy gjigantët e futbollit botëror, që kanë ndarë skenën për mbi një dekadë, sipas argjentinasit, nuk janë miq, por kjo nuk ka të bëjë aspak me ndonjë armiqësi mes tyre.

“Nuk jemi miq sepse nuk kalojmë kohë bashkë,” pranoi Messi për DSports. “Por ka gjithmonë shumë respekt dhe admirim mes nesh. E respektoj jashtë mase Cristiano-n për gjithçka që ka arritur dhe për faktin që vazhdon të konkurrojë në nivelet më të larta.”

Përtej rivalitetit që ka elektrizuar botën e futbollit, sidomos në kohën kur Messi dhe Ronaldo ndanin fushat e La Ligës, ai si lider i Barcelonës dhe CR7 si ‘yll’ i Real Madridit, marrëdhënia e tyre ka mbetur gjithmonë sportive dhe e ndërtuar mbi respekt. “Gjithçka ka mbetur në fushë. Jashtë saj, jemi dy njerëz normalë,” shtoi Messi.

Sot, të dy ikonat ndodhen në skena të ndryshme: Messi shkëlqen në MLS me Inter Miamin, ndërsa Ronaldo vijon të thyejë rekorde në Arabinë Saudite me Al-Nassr. Megjithëse tifozët vazhdojnë të ëndërrojnë një ribashkim të tyre në të njëjtën skuadër para se të varin këpucët, kjo mbetet thjesht një dëshirë e largët.

Ndërkohë, historia e tyre e përbashkët vazhdon të frymëzojë: 13 Topa të Artë, qindra rekorde dhe një trashëgimi që do të mbetet e përjetshme. Messi, që mbush 38 vjeç këtë javë, dhe Ronaldo, që në moshën 40-vjeçare ndjek ëndrrën e 1000 golave, janë ende shembulli i përjetshëm i madhështisë në futboll.

Lionel Messi nuk e ka harruar Barcelonën, do të ishte e pamundur ta bënte këtë.
Tetë herë fituesi i “Topit të Artë” përfitoi nga fitorja e bujshme 4-0 e Blaugranave në “El Clasico” e parë sezonale, të luajtur të shtunën në “Santiago Bernabeu”, për t’i dërguar një mesazh ish-klubit të tij.

Sulmuesi aktual i Inter Miami ka reaguar me emocion ndaj postimit të klubit katalanas në Instagram, ku shpalli triumfin ndaj Real Madridit: “Sa fitore e bukur!!!” Komenti i shkurtër i “La Pulga” i emocionoi tifozët e Barçës, të cilët nuk hezituan të ndërveprojnë me të.

Jo rastësisht mesazhi i tij në fjalë mori më shumë se një milion “like” në rrjetet sociale.
“Pokeri” i Barcelonës ndaj Real Madridit shkon përtej pasojave thjesht sportive. Skuadra e Hansi Flick konsolidon epërsinë e saj me 6 pikë para të bardhëve të Ancelottit.
Kjo bëri që tifozët e Barcelonës, të të gjitha moshave dhe kushteve, të tregonin krenarinë e tyre për lojën dhe rezultatin e madh. Midis “culés” që ndanë kënaqësinë e tyre me rezultatin historik ka dhe emra shumë të shquar.

Shumë ish-lojtarë, të cilët vazhdojnë të shprehin statusin e tyre si tifozë të Barcelonës, kanë postuar në orët e fundit foto dhe referenca për fitoren historike të së shtunës së kaluar në “Santiago Bernabeu”, në ndeshjen që korrespondonte me javën e 11-të të La Liga-s.
Njëri nga ata që bëri më shumë bujë ishte Leo Messi, i cili tregoi edhe një herë përkushtimin e tij ndaj ngjyrave blaugrana.

Edhe lojtarë të tjerë ndërvepruan me profilin e entitetit katalanas për të duartrokitur fitoren.
Këto janë rastet, ndër shumë të tjerë, të Luis Suarez, Andrés Iniesta, Gerard Pique, Jordi Alba, Sergi Roberto, Arturo Vidal, Ilkay Gündogan, Joao Cancelo.

Etiketa: FC BarcelonaLeo Messi

Leo Messi do të fitojë për herë të tetë në karrierë Topin e Artë. Ky është lajmi që qarkullon prej kohësh dhe ka nisur të kristalizohet në orët e fundit. Pas triumfit në Botërorin 2022 në Katar, ylli argjentinas do të thellojë rekordin me trofeun prestigjioz individual.

Ceremonia zyrtare e dorëzimit të çmimit do të bëhet më 30 tetor në Paris. Kur kanë mbetur edhe pak orë nga mbrëmja gala, në mediat botërore nuk kanë më asnjë dyshim: Fitues do të jetë Lionel Messi.

Suksesi me përfaqësuesen e Argjentinës dhe fitimi i Kupës së Botës, trofeut të vetëm që i mungonte në karrierën e jashtëzakonshme, e kurorëzojnë 36-vjeçarin. Një sukses ku Messi ishte protagonist absolut dhe duke qenë se eventi u zhvillua në dimrin e vitit 2022, hyn në listën e turneve që merren parasysh për dhënien e çmimit.

Kjo do të jetë edhe hera e parë në histori, që Topi i Artë i dorëzohet një futbollisti i cili nuk luan në ligat europiane. Prej disa muajsh Leo është transferuar në Major League Soçer amerikane, ku luan me Inter Miami.

Për sa i takon trofeut në futbollin për femra, ai do ti shkojë Aitana Bonmatì. Mesfushores së Barcelonës, fituese e trofeut të Champions si Lojtarja më e Mirë e turneut, do t’i dorëzohet Topi i Artë për femra.