Sulmuesi i Kombëtares shqiptare, Mirlind Daku, ka folur përpara ndeshjes së radhës kundër Letonisë, e vlefshme për kualifikueset e Botërorit 2026 në “Air Albania”.

Daku ka thënë se në ndeshjen e parë ndaj Letonisë ekipi ka pasur shumë raste, por ka munguar agresiviteti te finalizimi. “Kemi pasur shumë raste dhe mund të fitonim, por shpresoj që në ndeshjen e radhës të fitojmë, pasi kemi mësuar nga gabimet që kemi bërë”, ka thënë ai.

Sulmuesi ka theksuar rëndësinë e forcës dhe bashkimit të ekipit. “Duhet të gjejmë forcën dhe të japim maksimumin për t’i fituar këto ndeshje, për të qenë më të qetë.

Pas barazimit me Serbinë, Shqipëria luan ndeshjen e dytë të qershorit të martën ndaj Letonisë. Kuqezinjtë do të kërkojnë 3 pikët në Riga, në sfidën e vlefshme për kualifikueset e Botërorit.

Për këtë sfidë arbitër kryesor do të jetë turku Halil Umut Meler. Meler do ketë ndihmën e Kerem Ersoy dhe İbrahim Çağlar Uyarcan, sakaq gjyqtar i katërt do jetë Oğuzhan Çakır.

Tiranë – Paraditen e sotme, në “Shtëpinë e Futbollit”, trajneri Sylvinho e ndau grupin në dy pjesë.

Lojtarët që nuk u aktivizuan ndaj Serbisë zhvilluan një seancë të plotë, e fokusuar më shumë te puna me topin dhe situatat e ndryshme të lojës.

Ndërsa lojtarët që luajtën ndaj Serbisë bënë vetëm shkrythje në palestër dhe fizioterapi.

Departamenti i Komunikimit në FSHF bën me dije se për ndeshjen ndaj Letonisë nuk do të jetë në dispozicion kapiteni Berat Gjimshiti, i cili ka plotësuar numrin e kartonëve të verdhë.

Ekipi do të udhëtojë pasditen e sotme drejt Letonisë. Ndeshja Letoni – Shqipëri do të luhet të martën, më 10 qershor, në stadiumin “Skonto” të Rigës, në orën 20:45.