Efektivi i policisë nga Fier, Klaidi Mustaj, është kthyer në “heroin e ditës” pasi mbrëmjen e kaluar rrezikoi jetën për të shpëtuar katër persona që udhëtonin me një automjet tip “Benz”, i cili u përmbys në Qafën e Koshovicës.

Mustaj ndodhej rastësisht pranë vendit të ngjarjes dhe ndërhyri menjëherë, duke i nxjerrë të lënduarit nga mjeti që rrezikonte të shpërthente në flakë. Fillimisht ai arriti të shpëtojë një fëmijë, ndërsa brenda pak sekondash shuajti zjarrin dhe më pas nxori shoferin dhe pasagjerët e tjerë.

“Nuk mund ta quaj veten hero, pasi çdo punonjës policie është i trajnuar për situata të tilla dhe duhet të veprojë me humanizëm dhe gjakftohtësi”, është shprehur ai për mediat. Mustaj tha se nuk mendoi as për jetën e tij teksa dëgjonte thirrjet për ndihmë nga brenda mjetit.

29-vjeçari, i cili është edhe jurist dhe në përfundim të studimeve Bachelor, ka marrë falënderime nga qytetarë, drejtues të policisë dhe madje edhe nga Kryeministri. Ai theksoi se do të vepronte njësoj në çdo situatë të ngjashme, brenda ose jashtë shërbimit.

Në fund, ai bëri apel për të gjithë drejtuesit e automjeteve që të respektojnë rregullat e qarkullimit rrugor, duke kujtuar se “një gabim i vogël mund të ketë pasoja fatale”. /noa.al

Një aksident ka ndodhur disa minuta më parë në aksin Fier-Levan, në afërsi të “Kthesës së Zhupanit”. Një automjet “Hunday” ka humbur kontrollin dhe për pasojë është përplasur me shtyllën elektrike.

Nga përplasja e fortë ka mbetur i lënduar drejtuesi i automjetit, i cili është transportuar me urgjencë drejt Spitalit Rajonal Fier, ku ndodhet nën kujdesin e mjekëve dhe jashtë rrezikut për jetën.

Ndërkohë në vendngjarje ndodhet policia dhe grupi hetimor për të bërë të mundur zbardhjen e shkaqeve të aksidentit në fjalë dhe punonjësit e OSHEE, për të bërë të mundur riparimin e kabujve të tensionit të lartë, të cilët ranë përtokë, duke penguar edhe qarkullimin e automjeteve në këtë aks, veçanërisht të frekuentuar gjatë muajve të verës.

Një aksident ka ndodhur paraditën e sotme në aksin Fier-Levan. Mësohet se një makinë ka humbur kontrollin dhe ka dalë jashtë rruge. Nga aksidenti ka mbetur i lënduar drejtuesi i mjetit, i cili është dërguar në spital për të marrë ndihmë mjekësore.

Njoftimi i Policisë:

Fier/Informacion paraprak Rreth orës 10:50, në aksin rrugor “Fier-Levan”, shtetasi N. R., 31 vjeç, banues në Patos, duke drejtuar automjetin, ka humbur kontrollin e për pasojë ka dalë nga rruga. Si pasojë e daljes së automjetit nga rruga është dëmtuar shtetasi N. R., i cili ndodhet në spital për ndihmë mjeksore, jashtë rrezikut për jetën. Grupi hetimor po punon për sqarimin e plotë të rrethanave të aksidentit.

Një automjet tip “Benz” është përfshirë nga flakët në ecje e sipër. Sipas informacioneve paraprake, ngjarja ka ndodhur në aksin rrugor Levan-Tepelenë rreth orës 15:20.

Nga flakët janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në mjet.

Grupi hetimor po punon për sqarimin e plotë të rrethanave të ngjarjes.