Fier, 14 qershor 2025 – Një aksident është regjistruar pak minuta më parë në zonën e njohur si “Rotondo e Levanit”, ku një kamion ka dalë nga rruga dhe ka përfunduar në kanalin anësor.

Sipas burimeve nga vendngjarja, shkak i aksidentit dyshohet të jetë bërë bllokimi i timonit, i cili i ka pamundësuar drejtuesit manovrimin e duhur të mjetit. Fatmirësisht, shoferi ka shpëtuar pa lëndime fizike.

Kamioni, që ishte i ngarkuar me enë kuzhine, ka pësuar dëme të konsiderueshme materiale. Në vendin e ngjarjes kanë mbërritur menjëherë forcat e policisë dhe grupi hetimor, të cilët po punojnë për të sqaruar plotësisht rrethanat e aksidentit.