Mësohet se në pranga ka rënë Ervis Spahiu, i cili u kap teksa po lëvizte i armatosur në rrugën “Ibrahim Rugova”.

Gjatë kontrollit fizik, në çantën që mbante me vete iu gjet një armë zjarri pistoletë me municion luftarak, të cilën e posedonte pa leje, si dhe një shumë parash. 

Njoftimi i polisicë:

Tiranë/Finalizohet operacioni policor i koduar “Mesnata”, në kuadër të goditjes së armëmbajtjes pa leje.

Lëvizte i armatosur në rrugën “Ibrahim Rugova”, kapet dhe vihet në pranga 27-vjeçari.

Sekuestrohen arma e zjarrit, municion luftarak dhe një shumë parash.

Një efektivi policie i është pezulluar leja e drejtimit për 3 muaj dhe janë zbritur 6 pikë nga leja e drejtimit, pas lëvizjes në sens të kundërt në Pogradec.

Video ku shihej se si efektivi lëvizte në sens të kundërt u postua në rrjetet sociale, ku u bë virale e po ashtu ngjalli reagime të forta. Drejtoria Vendore e Policisë Korçë fton qytetarët që të denoncojnë në numrin 112 çdo rast të shkeljes së rregullave të qarkullimit rrugor.

“Në lidhje me një video të postuar në rrjetet sociale, ku shfaqet një automjet policie duke lëvizur në sens të kundërt të drejtimit të lëvizjes, në qytetin e Pogradecit, bëjmë me dije se: Për shkeljen e kryer, bazuar në pikën 12 të nenit 7 të Kodit Rrugor, drejtuesi i automjetit, shtetasi Th. K., punonjës policie i DVP Korçë, është ndëshkuar me masën administrative 10 000 lekë, i është pezulluar leja e drejtimit për 3 muaj dhe janë zbritur 6 pikë nga leja e drejtimit.

Drejtoria Vendore e Policisë Korçë fton qytetarët që të denoncojnë në numrin 112 çdo rast të shkeljes së rregullave të qarkullimit rrugor dhe i garanton ata se do të reagojë menjëherë dhe konform ligjit.”-njofton policia.

Një 40-vjeçar me iniciale H. Q., ëstë arrestuar nga policia e Tiranës pasi lëvizje me armë zjarri në kryeqytet. Gjatë kontrollit fizik, uniformat blu i gjetën një armë zjarri pistoletë me krëhër e municion luftarak dhe sasi lënde e dyshuar narkotike kokainë.

Njoftimi i policisë:

Lëvizte i armatosur dhe me lëndë narkotike, falë inteligjencës policore lokalizohet dhe arrestohet në flagrancë 40-vjeçari.

Finalizohet operacioni policor i koduar “Klienti” nga Sektori për Hetimin e Narkotikëve në DVP Tiranë.

Sekuestrohen një armë zjarri pistoletë me krëhër e municion luftarak dhe sasi lënde e dyshuar narkotike kokainë.

Shërbimet e Sektorit për Hetimin e Narkotikëve në DVP Tiranë në vijim të punës për goditjen e paligjshmërive, bazuar dhe në inteligjencën informative se në një lokal në rrugën “Halit Bega” ndodhej një shtetas i armatosur, menjëherë kanë organizuar punën për kapjen e tij dhe kanë finalizuar operacionin policor të koduar “Klienti”.

Gjatë operacionit u arrestua në flagrancë shtetasi H. Q. (G)., 40 vjeç, banues në Tiranë.

Në rrugën “Halit Bega”, shërbimet e Policisë kanë lokalizuar shtetasin H. Q. (G) dhe gjatë kontrollit fizik të tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak dhe sasi lënde të dyshuar narkotike kokainë.

Materialet i kaluan Prokurorisë.

Një 60-vjeçar është arrestuar nga blutë e Lushnjës pasi është kapur duke lëvizur me armë zjarri. Teksa armën raportohet se e ka pasur edhe me fishekë në fole, gati pët qitje. Ndërkohë që pas arrestimit, policia ushtron edhe një kontoll në banesën e A. M., 60 vjeç, në fshatin Mërtish nga ku gjen dhe sekuestron 4 armë gjahu pa leje, 1 armë zjarri pistoletë, gjerdanë arme gjahu me fishekë, municion luftarak, radio të ngjashme me ato të Policisë.

Ndërkohë që për këtë rast u proceduan penalisht shtetasit, Q. G., 59 vjeç, dhe djali i tij, shtetasi K. G., 31 vjeç, të dy banues në fshatin Gurë. Këta shtetas në momentin e kontrollit të automjetit, ishin pasagjerë dhe nga kontrolli i banesës së tyre u gjet dhe sekuestrua një armë gjahu pa leje.

Njoftimi i policisë:

Lushnjë/ Lëvizte i armatosur me armë zjarri pistoletë, me fishekë në fole gati për qitje, falë inteligjencës policore kapet dhe vihet në pranga 60 vjeçari. Finalizohet nga Komisariati i Policisë Lushnjë operacioni “Guns”. Sekuestrohet një arsenal armësh (4 armë gjahu pa leje, 1 armë zjarri pistoletë), gjerdanë arme gjahu me fishekë, municion luftarak, radio të ngjashme me ato të Policisë. Shërbimet e Komisariatit të Policisë Lushnjë pas informacioneve se 1 shtetas lëviz i armatosur në qytet, menjëherë kanë organizuar punën për kapjen e tij. Në kuadër të operacionit “Guns”, për këtë rast u kap në flagrancë dhe u arrestua shtetasi:

M., 60 vjeç, banues në fshatin Mërtish.
Gjatë kontrollit fizik dhe të automjetit, shërbimet e Policisë, i kanë gjetur këtij shtetasi 1 armë zjarri tip pistoletë me fishek në fole, dhe krëhër të mbushur, 1 armë gjahu pa leje, municion luftarak, dhe një gjerdan arme gjahu me fishekë.

Më pas nga kontrolli i banesës së shtetasit A. M., shërbimet e Komisariatit të Policisë Lushnjë, gjetën dhe sekuestruan 2 armë gjahu pa leje, gjerdanë arme gjahu, municion luftarak, dylbi, dhe radio të ngjashme me ato të Policisë.

Gjithashtu për këtë rast u proceduan penalisht shtetasit:

G., 59 vjeç, dhe djali i tij, shtetasi K. G., 31 vjeç, të dy banues në fshatin Gurë.
Këta shtetas në momentin e kontrollit të automjetit, ishin pasagjerë dhe nga kontrolli i banesës së tyre u gjet dhe sekuestrua një armë gjahu pa leje.

Materialet procedurale i kaluan Prokurorisë për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje e armëve të gjuetisë dhe sportive”, në ngarkim të shtetasit A. M., dhe veprat penale “Moskallëzim i krimit”, dhe “Prodhimi dhe mbajtja pa leje e armëve të gjuetisë dhe sportive”, në ngarkim të shtetasve Q. K., dhe K. G..

Drejtuesi i një automjeti në Gjirokastër është proceduar nga policia pasi ka aksidentuar një fëmijë 12-vjeçar që lëvizte me biçikletë. Aksidenti ka ndodhur në një prej rrugëve të brendshme të qytetit të Gjirokastrës.

Fëmija që lëvizte me biçikletë është përplasur nga automjeti që drejtohej nga shtetasi me inicialet Th. P., 60 vjeç, banues në Gjirokastër. Nga përplasja i mituri është dëmtuar lehtë.

Specialistët e Seksionit të Trafikut Interurban dhe Urban në policinë lokale referuan materialet në Prokurori, ku nisi procedimi në gjendje të lirë për drejtuesin e mjetit.

Gjithashtu gjatë 24-orëve të fundit policia e Gjirokastrës ka proceduar në gjendje të lirë dy 17-vjeçarë, banues në Gjirokastër, pasi u kapën duke drejtuar motomjetet, pa leje drejtimi.

Një mjet me drejtues një 29-vjeçar ka aksidentuar një 70-vjeçar që po lëvizte me biçikletë, në Shkodër.

I moshuari është dërguar në Spitalin Rajonal Shkodër dhe ndodhet jashtë rrezikut për jetën.

Grupi hetimor po punon për sqarimin e rrethanave të aksidentit.

Njoftimi i policisë:

Informacion paraprak

Rreth orës 08:40, në rrugën “Gjuhadol”, automjeti me drejtues shtetasin E. M., 29  vjeç, ka aksidentuar shtetasin P. N., rreth 70 vjeç, i cili po lëvizte me biçikletë.

Shtetasi P. N. është dërguar në Spitalin Rajonal Shkodër dhe ndodhet jashtë rrezikut për jetën.

Grupi hetimor po punon për sqarimin e rrethanave të aksidentit.

Policia e Shkodrës gjatë kontrolleve për goditjen e paligjshmërisë dhe parandalimin e kriminalitetit ka konstatuar një automjet të blinduar.

Pas verifikimeve rezultoi se drejtuesi i automjetit, banues në fshatin Ishull, Shëngjin, Lezhë, qarkullonte i pa pajisur me autorizim të lëshuar nga organi kompetent.

Drejtuesit të automjetit iu vendos masë administrative, konform Kodit Rrugor.

Gjithashtu, u zbatua masa plotësuese për bllokimin e automjetit tip “Audi” dhe do nisin procedurat e konfiskimit.