Të tjera detaje  janë zbardhur në lidhje me ngjarjen e rëndë të ndodhur në Lezhë, ku një person u gjet i pajetë.

Policia konfirmon se 65-vjeçari Gjergj Tusha është vrarë me armë zjarri. Trupi i pajetë i të moshuarit është gjetur rreth orës 17:30, në breg të lumit Mat. Nga këqyrja paraprake, viktima kishte shenja dhune dhe një plagë në trup që dyshohet se është shkaktuar nga armë zjarri.

Siç bën me dije policia, rreth orës 14:40, një qytetare ka telefonuar për të raportuar humbjen e kontakteve me babain e saj, shtetasin Gjergj Tusha, 65 vjeç, banues në fshatin Pllanë.

Njoftimi i policisë:

Lezhë / Informacion paraprak: Rreth orës 14:40, në Sallën Operative ka telefonuar shtetasja A. Gj., duke njoftuar se kishte humbur kontaktet me babain e saj, shtetasin Gj. T., 65 vjeç, banues në Pllanë, Lezhë. Menjëherë, shërbimet e Policisë kanë nisur kërkimet për gjetjen e tij.

Një 37-vjeçare është proceduar nga Policia e Lezhës pasi dyshohet se duke drejtuar automjetin ka humbur kontrollin dhe si pasojë mjeti ka dalë nga rruga.

Aktualisht 37-vjeçarja ndodhet në spitalin e Traumës, jashtë rrezikut për jetën.

Njoftim i Policisë:

•⁠ ⁠S. B., 37 vjeçe, banuese në Mamurras, Kurbin, e cila në rrugën dytësore Laç-Mamurras, duke drejtuar automjetin tip “Benz”, dyshohet se humbi kontrollin mbi drejtimin e automjetit dhe si pasojë automjeti doli nga rruga. 37-vjeçarja ndodhet në Spitalin e Traumës në Tiranë, jashtë rrezikut për jetën.

Një ngjarje e rëndë është shënuar në zonën bregdetare të Lezhës, ku një pushues rreth 60-vjeç ka humbur jetën.

Policia bën me dije se është konstatuar në rrezik mbytjeje në plazhin e Tales një pushues, i cili është nxjerrë nga uji në gjendje të rënduar shëndetësore.

Sipas ‘bluve’ 60-vjeçari është transportuar me autoambulancë drejt spitalit, por ka ndërruar jetë gjatë rrugës.

“Rreth orës 11:10, në plazhin “Tale 1”, në afërsi të Hidrovorit, është konstatuar në rrezik mbytjeje një shtetas rreth 60 vjeç, i cili është nxjerrë nga uji në gjendje të rënduar shëndetësore.

Shtetasi N. M., banues në Rrila, është transportuar me autoambulancë drejt spitalit, por ka ndërruar jetë gjatë rrugës.

Shëngjin, 1 Korrik 2025 – Një aksident rrugor ka ndodhur pasditen e sotme rreth orës 16:15 në aksin Shëngjin–Lezhë, ku një shtetas 68-vjeçar ka mbetur i plagosur pasi ka humbur kontrollin e motomjetit që drejtonte.

Sipas burimeve zyrtare nga policia, shtetasi Sh.N., duke drejtuar një motomjet, ka humbur kontrollin mbi drejtimin dhe si pasojë ka dalë nga rruga. Për pasojë, ai ka pësuar dëmtime në këmbë dhe është transportuar menjëherë në Spitalin Rajonal të Lezhës. Fatmirësisht, ai ndodhet jashtë rrezikut për jetën.

Në vendngjarje ndodhet grupi hetimor, i cili po punon për të përcaktuar shkaqet dhe rrethanat e aksidentit.

Autoritetet u bëjnë thirrje drejtuesve të mjeteve të tregojnë kujdes të shtuar, veçanërisht në segmentet rrugore me qarkullim të dendur gjatë sezonit veror.

Një aksident rrugor është regjistruar pasditen e sotme në qytetin e Lezhës, ku 69-vjeçari ka përplasur 4 automje.

Drejtuesi i automjetit është dërguar në Spitalin Rajonal të Lezhës dhe ndodhet jashtë rrezikut për jetën.

“Lezhë/Informacion paraprak Rreth orës 19:00, në qytetin e Lezhës, shtetasi M. Z., 69 vjeç, duke drejtuar automjetin tip “Hyundai”, dyshohet se ka humbur kontrollin mbi drejtimin e automjetit dhe për pasojë automjeti ka goditur 4 automjete të parkuara.

Drejtuesi i automjetit është dërguar në Spitalin Rajonal të Lezhës dhe ndodhet jashtë rrezikut për jetën.

Grupi hetimor vijon punën për sqarimin e plotë të rrethanave dhe shkakut të aksidentit”, njofton policia.

Një 28-vjeçar është arrestuar ditën e sotme në Lezhë për llogari të shtetit të Kosovës.

Sipas informacioneve 28-vjeçari kristjan Hasani ishte shpallur në kërkim ndërkombëtar, pasi Gjykata Themelore e Prizrenit, Kosovë, më datë 12.05.2025, ka vendosur masën e sigurisë “Arrest në burg”, i dyshuar për kryerjen e veprës  penale “Vjedhje e rëndë”.

Njoftimi:

Vijon puna për kapjen e shtetasve të shpallur në kërkim ndërkombëtar.

Kapet dhe vihet në pranga me qëllim ekstradimi drejt Kosovës një 28 vjeçar.

TIRANË- Drejtuesi politik i Partisë Demokratike për Qarkun Lezhë, Agron Gjekmarkaj ditën e sotme feston sot 51-vjetorin e lindjes. Gjekmarka edhe në ditën e lindjes ka vendosur të qëndrojë në Parkun Olimpik për të vëzhguar numërimin e votave të Diasporës ku PD u shpall fitues duke ruajtur rezultatin me 4 mandate.

Ai u surprizua nga Elda Hoti gjatë numërimit të votave ndërsa pas përfundimit të numërimit socialistët kanë lënë pas tensionet që janë regjistruar dhe kanë surprizuar Gjekmarkajn. Përfaqësues të Partisë Socialiste gjithashtu i kanë dhuruar një tortë me mbishkrimin “Edhe 100 Agron”. Me humor, Gjekmarkaj ka komentuar duke thënë: “Mos i keni hedhur helm”

LEZHA- Një aksion për goditjen e veprimtarive kriminale në fushën e narkotikëve është zhvilluar në Lezhë nga ku mësohet se në dy fshatra përkatësisht në Rrabosht dhe në Gocaj janë zbuluar dy sera në të cilat ishin kultivuar 1 640 fidanë dhe bimë narkotike kanabis sativa.

Bëhet me dije se në pranga kanë rënë tre persona, Gjovan Gjini,⁠ Agustin Çotaj dhe ⁠Pashk Ndreca, ndërsa dy të tjerë janë shpallur në kërkim, të përfshirë në këtë veprimtari kriminale.

Nga hetimet dyshohet se këta persona bashkëpunonin me 2 të tjerë që u konstatuan një ditë më parë, duke transportuar rreth 34 kg kanabis, për kultivimin, prodhimin dhe shitjen e kanabisit.

Në drejtimin e Prokurorisë vijojnë hetimet për dokumentimin e plotë të kësaj veprimtarie kriminale, identifikimin dhe kapjen e personave të tjerë që mund të jenë të përfshirë. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Njoftimi i plotë i policisë:

Lezhë/Vijon operacioni i koduar “Vakumi”, për goditjen e veprimtarive kriminale në fushën e narkotikëve.

Si rezultat i hetimeve me metoda proaktive dhe i kontrolleve, zbulohen në fshatrat Rrabosht dhe Gocaj, 2 sera në të cilat ishin kultivuar 1 640 fidanë dhe bimë narkotike cannabis sativa.

Vihen në pranga 3 shtetas që u kapën në flagrancë në sera. Shpallen në kërkim 2 shtetas të tjerë të dyshuar të përfshirë në këtë veprimtari kriminale.

Nga hetimet dyshohet se këta shtetas bashkëpunonin me 2 shtetasit që u konstatuan një ditë më parë, duke transportuar rreth 34 kg kanabis, për kultivimin, prodhimin dhe shitjen e kanabisit.

Sektori për Hetimin e Narkotikëve i DVP Lezhë, në bashkëpunim me Drejtorinë e Forcës së Posaçme Operacionale në Departamentin e Policisë Kriminale në Policinë e Shtetit, dhe me Seksionin për Mbështetjen Operacionale të DVP Lezhë, si rezultat i hetimeve të kryera me metoda proaktive, për goditjen e veprimtarive kriminale në fushën e narkotikëve, në vijim të operacionit të koduar “Vakumi”, kanë arrestuar në flagrancë shtetasit:

Gj. Gj., 46 vjeç, banues në fshatin Rabosht, A. Ç., 33 vjeç, banues në fshatin Balldre dhe P. N., 31 vjeç, banues në fshatin Ungrej.

Gjithashtu, shpallën në kërkim shtetasit A. B., 40 vjeç, banues në fshatin Rabosht dhe M. D., 31 vjeç, banues në fshatin Ungrej.

Bazuar në informacionet e siguruara nga hetimet, shërbimet e Policisë kanë ushtuar kontroll në territoret e fshatrave Rrabosht, njësia administrative Kallmet, dhe Gocaj, njësia administrative Balldre, ku kanë zbuluar 2 sera në të cilat ishin kultivuar në total, në tokë dhe në vazo, 1 640 fidanë dhe bimë narkotike cannabis sativa. Një pjesë e tyre u sekuestrua në cilësinë e provës materiale, ndërsa pjesa tjetër u asgjësua me anë të djegies.

Gjithashtu, u sekuestruan 7 automjete dhe 7 celularë, që do t’i shërbejnë vijimit të hetimeve.

Në drejtimin e Prokurorisë vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë që mund të jenë të përfshirë. Ndërkohë, vijon puna për kapjen e shtetasve që janë shpallur në kërkim.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Përplasen dy makina në aksin Lezhë-Laç

Një aksident ka ndodhur pasditen e kësaj të hëne në aksin Lezhë-Laç.

Dy automjete janë përplasur me njëra-tjetrën mbi urën e lumit Mat, në zonën e Fushë-Milotit.

Nga përplasja është lënduar njëri prej shoferëve.

Ai është dërguar në Spitalin Rajonal të Lezhës për kontroll mjekësor.

Paraprakisht, dyshohet se shkak është bërë një manovër e gabuar e njërit prej automjeteve.

Policia ka arrestuar një 52-vjeçar në qytetin e Lezhës, të cilit i kishin mbetur për të kryer 11 muaj dhe 17 ditë të dënimit.

Ai ishte dënuar nga Gjykata e Apelit të Milanos me 16 vite burg për veprimtari kriminale në fushën e narkotikëve.

Specialistët e Seksionit për Hetimin e Narkotikëve ekzekutuan masën e sigurisë “Arrest në burg”, duke e vënë në pranga personin e kërkuar.

Njoftimi i policisë:\Specialistët e Seksionit për Hetimin e Narkotikëve ekzekutuan masën e sigurisë “Arrest në burg”, për shtetasin K. M., 52 vjeç, banues në Lezhë.

Nga dënimi i Gjykatës së Apelit të Milanos, me 16 vjet burgim, për veprimtari kriminale në fushën e narkotikëve, këtij shtetasi i kanë mbetur për të kryer 11 muaj e 17 ditë.