Qëndrimi në liri pas dënimit me burg për përndjekjen e këngëtares Rozana Radi zgjati pak për një 28-vjeçar nga Tirana. Gati një vit pasi la qelinë ai përfundoi sërish në burg për përndjekje, por këtë herë, të një prej punonjëseve të burgut 313.

Në “shënjestër” të tij është vënë juristja e burgut të njohur të kryeqytetit, e cila është “terrorizuar” nga qindra mesazhe dhe emojy me thika e bomba të dërguara në rrjetin e saj social Instagram. Kallëzimi i juristes së paraburgimit “Jordan Misja”, riktheu në qeli të riun Egzon T., për të cilin Gjykata e Tiranës vendosi të hetohet në masën e sigurisë “arrest në burg”.

Referuar vendimit gjyqësor, historia e përndjekjes ka nisur në verën e vitin 2024. Juristja e burgut 313 ka kallëzuar në prokurori, se në mënyrë të vazhdueshme, në të gjitha oraret e ditës, merrte mesazhe të panumërta në rrjetin social Instagram, nga adresa dhe profile false, pa foto, pa postime, ku i thuhej “kush je ti”.

Dani Alves është duke shijuar pas më shumë se një viti lirinë, teksa vetëm para disa ditësh, 40-vjeçari doli nga burgu duke fituar lirinë me kusht pas dënimit prej katër vitesh e gjysmë për përdhunimin e një vajze 23-vjeçare në një diskotekat e qytetit të bukur, të Barcelonës.

Duke pasur parasysh kushtet e dhomave të burgut, braziliani, në fjalët e parë jashtë burgu, shprehet se është i aftë të mbijetojë kudo pavarësisht ambientit ku ndodhet ndërsa shtoi se nuk e ka problem që për çdo të premte të paraqitet në dyert e Gjykatës për të vërtetuar se nuk është larguar nga Spanja dhe Barcelona.

“Për mua nuk është shumë problem që për çdo të premte të paraqitem në Gjykatë, nuk është se kam ndonjë gjë tjetër për të bërë. Jeta në burg? Unë përshtatem në të gjitha ambientet. Kudo që shkel, ia dal të mbijetoj. Kjo vjen sepse në mentalitetin tim, vendi nuk e ndryshon njeriun, por është njeriu ai që ndryshon vendin ku jeton”,- u shpreh ish-mbrojtësi “legjendar”.