Yuri Vasconcelos, një lojtar brazilian 24-vjeçar, vdiq pasi u përplas nga një makinë brenda shtëpisë së tij në Florida, të hënën, teksa drekonte.

Sipas portalit ‘Gazetaweb’, Yuri Vasconcelos ndodhej në dhomë në atë moment, kur befas një automjet ‘pushtoi’ pronën e tij. Sipas të njëjtit burim, shoferi nuk është ndalur, pasi ka humbur kontrollin e makinës. Lojtari që luante për Lakeland United, ka humbur menjëherë jetën në vendngjarje.

Klubi amerikan publikoi një notë keqardhjeje. “Ne vajtojmë humbjen e studentit tonë -sportistit Yuri dos Santos Vasconcelos, 24 vjeç. Yuri simbolizonte gjithçka që ne përpiqemi të jemi si klub: ai ishte i dashur, i zhytur në mendime, kurajoz dhe pasionant. Ai ishte altruist deri në atë pikë sa t’i kushtohej plotësisht familjen e tij, miqtë dhe shokët e skuadrës”, thuhet në njoftimin e klubit.