Një shpërthim me lëndë plasëse ka ndodhur në orët e para të mëngjesit të sotëm në zonën e Rrugës së Durrësit në Tiranë.

Sipas policisë, rreth orës 03:45, një sasi e vogël eksplozivi është vendosur pranë hyrjes së një lokali në pronësi të shtetasit A. S. Fatmirësisht, nga shpërthimi nuk ka persona të lënduar, por janë shkaktuar dëme materiale në ambientet e lokalit.

Njoftimi zyrtar i policisë:

“Rreth orës 03:45, në Rrugën e Durrësit, në lokalin në pronësi të shtetasit A. S., dyshohet se ka plasur një sasi e vogël lënde plasëse, e vendosur pranë derës hyrëse të lokalit. Si pasojë janë shkaktuar vetëm dëme materiale. Nuk ka persona të lënduar.”

Grupi hetimor ndodhet në vendngjarje dhe po punon për identifikimin dhe kapjen e autorëve, si dhe për zbardhjen e plotë të rrethanave të ngjarjes.

Një lokal është përfshirë nga flakët mbrëmjen e së hënës në Tiranë.

Lokali ndodhet në rrugën “Faik Konica” pranë stadiumit Air Albania. Banorët e një pallati ngjitur me biznesin kanë dalë jashtë për shkak të përmasave të mëdha të flakëve.

4 makina të shërbimit zjarrfikëse kanë ndërhyrë për të bërë të mundur neutralizimin e flakëve.

Nuk dihen ende shkaqet e zjarrit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Të shtëna me armë zjarri janë regjistruar pasditen e sotme në Cetinje të Malit të Zi. Mediat vendase raportojnë se të paktën pesë persona kanë humbur jetën.

Sakaq, fillimisht ka patur një konfrontim fizik në një lokal dhe më pas autori ka shkrepur armën. Kështu raporton media “Vijesti”, nga disa burime jozyrtare.

Këto janë të dhënat e para të policisë nga vendngjarja, ndërsa dyshohet se numri i viktimave mund të jetë më i lartë. Policia ka nisur hetimet për identifikimin dhe kapjen e autorit të tragjedisë.

Një lokal është përfshirë nga flakët mbrëmjen e sotme në fshatin Daias të Tiranës. Siç shihet edhe në pamje flakët masive kanë ‘pushtuar’ lokalin pranë varrezave të fshatit. Gjithashtu zjarri ka shkaktuar dëme të shumta materiale.

Ndërkohë në vendin e ngjarjes kanë shkuar zjarrfikëset që kanë bërë të mundur izolimin e flakëve. Megjithatë ende nuk dihen shkaqet dhe rrethanat e zjarrit.

MEKSIKË- 10 persona u vranë kur persona të armatosur sulmuan një bar në Meksikën qendrore. Lajmin e njoftoi sot agjencia franceze e lajmeve AFP, duke cituar një zyrtar të sigurisë. Policia lokale tha se katër persona të armatosur arritën në lokalin në qytetin e Queretaro, në shtetin e Queretaro, me makinë dhe më pas hynë brenda dhe hapën zjarr.

“Për momentin, ne e dimë se dhjetë persona kanë humbur jetën dhe shtatë janë lënduar si pasojë e incidentit ”, tha kreu i shërbimit komunal të sigurisë publike të Queretaros.

Makina që besohet se drejtohej nga sulmuesit u gjet më vonë e djegur në komunën El Marques në shtetin Queretaro. Në kuadër të hetimeve, policia ka arrestuar edhe një person.

Para pak çasteve ka ndodhur një shpërthim në një lokal në qendër të Prishtinës.

Ndërkohë që në vendin e ngjarjes janë duke intervenuar zjarrfikësit dhe prezentë janë njësitë relevante policore.

Dëshmitarët kanë thënë se është dëgjuar një shpërthim i madh, nga i cili dyshojnë se mund të jetë nga bombola e gazit.

Ndërkaq, banorët të cilët jetojnë në atë objekt janë udhëzuar që të dalin jashtë.

Një 29-vjeçar u qëllua për vdekje në një lokal në qytetin jugperëndimor gjerman të Göppingen pranë Shtutgartit.

Kështu ka thënë policia lokale herët të enjten ndërsa po vazhdon kërkimet për të dyshuarin.

Një shtetas 55-vjeç ka humbur jetën në orët e para të mëngjesit të sotëm në një lokal në Vorë. Policia njoftoi se 55-vjeçari banues në Sarandë ndodhej në një lokal, kur rreth orës 00:30, ndërroi jetë. Dyshimet e para janë se viktima ka pësuar arrest kardiak.

‘Më datë 18.08.2024, rreth orës 00:30, në një lokal në Vorë, ka ndërruar jetë dyshohet si pasojë e një arresti kardiak, shtetasi A. M., 55 vjeç, banues në Sarandë.

Grupi hetimor po punon për sqarimin e rrethanave të ngjarjes’, informon policia.

Gjykata e Durrësit ka caktuar masën e sigurisë “arrest në burg” për 31-vjeçarin Adil Hizdri, i cili plagosi me armë mbrëmjen e së enjtes 70 vjecarin Fadil Hunda. Ngjarja ndodhi për shkak të një borxhi që djali i 70-vjeçarit i kishte autorit. I moshuari u plagos me dy plumba gjatë të shtënave me pistolete, pas një konflikti verbal për kthimin e borxhit në një lokal në qytetin e Durrësit. Autori u arrestua menjeherë pas ngjarjes, ndërsa 70-vjeçari u dërgua në spital.

Njoftimi i policisë:

Arrestohet në flagrancë 31-vjeçari që tentoi të vriste me armë zjarri pistoletë, një 70-vjeçar, dje në një lokal. Specialistët e Sektorit për Krimet e Rënda të DVP Durrës, në përfundim të veprimeve hetimore të kryera në drejtimin e Prokurorisë, për zbardhjen e rrethanave të ngjarjes së ndodhur dje, rreth orës 19:30, në një lokal në lagjen nr.17, ku për shkak të një borxhi të pashlyer, mbeti i plagosur me armë zjarri pistoletë, shtetasi F. H., 70 vjeç, banues në Durrës, i cili vijon të jetë në kujdesin e mjekëve, arrestuan në flagrancë autorin e dyshuar të këtij rasti, shtetasin:

A. H., 31 vjeç, banues në Shijak, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, i armëve shpërthyese dhe municionit”. Arma e zjarrit pistoletë e dyshuar e përdorur për plagosjen u sekuestrua në cilësinë e provës materiale. Shtetasi A. T., që u shoqërua dje, pas ngjarjes, në përfundim të veprimeve hetimore, u la i lirë. Materialet procedurale i kaluan Prokurorisë, për veprime të mëtejshme.

Një 28-vjeçar ka përfunduar në prangat e policisë Gjirokastër, pasi u kap në flagrancë duke vjedhur në një lokal. Ky i fundit mësohet se është me precedent të mëparshëm kriminal për vjedhje, ku dhe nga hetimet dyshohet se po i njëjti ka vjedhur edhe një çantë me një shumë parash, në një automjet, pasi ka thyer xhamin.

Njoftimi i policisë:

Gjirokastër

U kap në flagrancë duke vjedhur në një lokal, vihet në pranga 28-vjeçari, me precedent të mëparshëm kriminal për vjedhje.

Nga veprimet hetimore dyshohet se ky shtetas ka vjedhur edhe një çantë me një shumë parash, në një automjet, pasi ka thyer xhamin.

Sekuestrohen dorashka, 1 elektrik dore, produkte ushqimore dhe një shumë parash, që dyshohet se janë vjedhur nga ky shtetas, si dhe automjeti që ai përdorte.

Specialistët për Hetimin e Krimeve të Komisariatit të Policisë Gjirokastër, në vijim të punës për goditjen e paligjshmërisë në fushën e vjedhjes së pronës dhe pasurisë, për identifikimin e autorëve të vjedhjeve dhe vënien e tyre përpara përgjegjësisë ligjore, kanë kapur dhe vënë në pranga shtetasin:

E. N., 28 vjeç, banues në Tiranë, me precedent të mëparshëm kriminal për veprën penale “Vjedhja”.

Ky shtetas është kapur në flagrancë, në vendin e quajtur “Liqeni i Viroit”, duke vjedhur në një lokal, një shumë parash dhe produkte ushqimore.

Nga veprimet hetimore dyshohet se ky shtetas, ditën e djeshme, ka thyer xhamin e një makine dhe ka vjedhur një çantë dore brenda së cilës kishte 5 000 lekë.

Në cilësinë e provës materiale u sekuestruan automjeti që ky shtetas përdorte, 1 elektrik dore, dorashka, produkte ushqimore dhe një shumë parash.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.