Një shkëndijë elektrike është bërë shkak për zjarrin e rënë në një dyqan në Nartë të Vlorës.

Policia thotë se nga zjarri është djegur një lokal si dhe dy garazhe, një makinë dhe dy motora.

“Sot, në Nartë, dyshohet se për shkak të një shkëndije elektrike ka rënë zjarr dhe është djegur një lokal me pronare shtetasen B. X., ku janë shkaktuar dëme materiale. Si pasojë e përhapjes së këtij zjarri janë djegur edhe dy garazhe në pronësi të shtetasit Ll. M., ku ndodheshin të parkuara 1 automjet dhe 2 motorra.

Grupi hetimor po punon për zbardhjen e rrethanave të rastit dhe për përcaktimin e shkakut të rënies së zjarrit i cili paraprakisht dyshohet aksidental”, bën me dije policia.

Seksioni për Hetimin e Mashtrimit Kompjuterik në vijim të punës për goditjen e veprimtarive të jashtëligjshme të lojërave të fatit, ka finalizuar operacionin policor të koduar “Tëo”.

Gjatë operacionit u arrestua në flagrancë shtetasi A. P., 32 vjeç, banues në Tiranë, për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.

Gjatë kontrollit të ushtruar në një ambient në rrugën “Him Kolli”, në administrim nga 32-vjeçari, u gjetën dhe sekuestruan 2 kompjutera dhe 2 aparate celulare që shërbejnë për ushtrimin e llotarive të palejuara.

Materialet procedurale i kaluan Prokurorisë, për veprime të mëtejshme.