Teksa Kombëtarja shqiptare po përgatitet për debutimin e saj në Kualifikueset e Botërorit 2026, tifozët kuqezi kanë pushtuar rrugët e Londrës me daulle, këngë dhe valle.

Në një atmosferë të zjarrtë, shqiptarët kanë festuar në kryeqytetin anglez, duke krijuar një spektakël të veçantë para sfidës kundër Anglisë. Disa tifozë anglezë janë bashkuar në valle me shqiptarët, duke treguar një frymë miqësore dhe festive.

Ndeshja do të startojë në orën 20:45.

Një aksident i rëndë ka ndodhur mbrëmjen e djeshme në Londrën Veriore, në parkun Staples Corner ku si pasojë kan humbur jetën tre të rinj dhe një ka mbetur i plagosur.

Në makinë ndodheshin pesë pasagjerë dhe dy janë në spital. Policia u lajmërua në orën 23:26 për një incident në trafikun rrugor.

Tre viktimat ishin rreth të 20-ave.

Dy persona të tjerë janë dërguar në spital, njëri prej të cilëve ndodhet në gjendje kritike për jetën.

Policia po heton për të përcaktuar shkaqet e sakta të aksidentit.

Disa javë më parë u përhapën fjalë se këngëtarja Elvana Gjata ishte ndarë nga partneri i saj shumëvjeçar Ervin Mata.

Pas transmetimit të filmit “2 Gisht Mjalt 2”, kuptuam që dhe Elsoni ishte pjesë e kastit të aktorëve, dhe kjo shtyu publikun të aludojë se çifti janë njohur gjatë xhirimeve.

Por si qëndron e vërteta? Ermal Mamaqi, së fundmi ka qenë i ftuar ne një emision televiziv, ku rrëfeu se çfarë po ndodh me këngëtaren.

Gazetarja: U përhapën fjalë se Elvana është në një lidhje me Elsonin. Gjithashtu, unë e di që ti përdor një marketing të fortë. Kjo lidhje është e vërtetë? Apo një formë PR për t’i bërë promo filmit në rrjete sociale?

Ermal Mamaqi: Asnjëra nga këto nuk është e vërtetë. As e para, as e dyta. Edhe unë e lexova këtë lajm. Por edhe për mua dhe Elvanën kam dëgjuar fjalë. Kështu që mos u habit, sepse pas kësaj interviste, do dalin fjalë edhe për ne të dy. (qesh)

Arrestohet në Londër një shqiptare e shpallur në kërkim.

Skuadra e ekstradimeve në Scotland Yard, ka arrestuar Lirie Delishin, pas një urdhër arresti nga Shqipëria.

Gjykatës së ekstradimeve iu tha se Lirie Delishi 25 vjeçe, me banin në veri të Londrës, kërkohet pasi sipas akt akuzës ngritur nga drejtësia shqiptare, ajo dyshohet se në datën 22/08/2019 në territorin e Shqipërisë, mbante një pasaportë rumune të falsifikuar e cila i përkiste Simona Valcu.

Më tej në aktakuzë shpjegohet se Delishi kishte si qëllim ta përdorte këtë pasaportë sikur të ishte e vërtetë duke i vendosur foton e saj.

Delishi është duke i zhvilluar seancat gjyqësore të ekstradimit e lënë e lirë me kusht.

Seanca e radhës ndaj saj do të mbahet në 16/01/2024 ora 10:00 në gjykatën Westminster Magistrates’ Court përpara gjykatësit DJ Zani.

Në gjykatën e ekstradimeve në Londër është zhvilluar një seancë parapërgatitore e ekstradimit të Thomas Mithan, Steven Hunt, Harriet Bridgeman dhe shqiptarit me pasaportë britanike Edmond Haxhia.

Ata kërkohen nga drejtësia shqiptare nën dyshimin e bashkëpunimit në vrasjen e Ardian Nikulaj në 19 Prill 2023.

Nga të katër të arrestuarit vetëm Edmond Haxhia preferoi ta ndjekë këtë seancë prezent në gjykatë.

Ndërsa, Harriet Bridgeman iu bashkua online nga shtëpia e saj.

Lewis Green avokati mbrojtës i Thomas Mithan, paralajmëroi se ai do të kërkojë sjelljen në gjykatë e  një raporti nga një ekspert i pavarur për kushtet e burgjeve në Shqipëri.

Të tillë raporte ekspertësh janë përdorur edhe në të shkuarën për të bllokuar por pa sukses, ekstradimet e shqiptarëve nga Anglia.

Gjykata e Lartë angleze Royal Court of Justice për këtë çështje është shprehur disa herë duke vendosur se “kushtet në burgjet shqiptare, përmbushin standardet për të ekstraduar nga territori Anglisë,  të kërkuarit nga drejtësia shqiptare”.

Gjykatësi Daniel Sternberg  vendosi vijimin e lirisë me kusht nën monitorimin elektronik për Bridgeman, ndërsa tre të bashkë-akuzuarit e tjerë do të vijojnë qëndrimin në paraburgim.

Po ashtu gjykatësi Sternberg kërkoi nga avokatët mbrojtës të dorëzojnë në gjykatë argumentat mbrojtës më 29 Gusht.

Ndërsa shteti shqiptarë kërkues i ekstradimit të këtyre personave, përmes përfaqësuesit nga Crown Prosecution Service, prokuroria angleze,  duhet të dorëzojë prapësimet ligjore më 10 Tetor.

Me realizimin nga palët të këtyre urdhëresave të gjykatësit Daniel Sternberg i hapet rruga shqyrtimit të kërkesës së Shqipërisë në mesin e Nëntorit.

Qëndron ende  në arrati britaniku tjetër Harry Simpson person me Kartelë të Kuqe Interpoli pasi një urdhër arresti nga Policia Shqiptare.

Sakaq në Marok është arrestuar pasi ishte i shpallur në kërkim nga Interpoli Ruben Saraiva njeriu që sipas policisë shqiptare është autori vrasjes në Shëngjin të Ardian Nikulajt. Edhe ndaj tij kanë nisur procedurat e ekstradimit.