Një vajzë 11-vjeçare dhe një grua 34-vjeçare u goditën me thikë në sheshin Leicester në qendër të Londrës. Ngjarja ka ndodhur në zonën tregtare të Leicester Square, e mbushur me turistë.

Siç raportohet nga policia e Westminsterit, autori ësht arrestuar. Gruaja dhe vajza e vogël, të cilët mbetën të plagosura, u shpëtuan nga shitëset teksa prisnin mbërritjen e mjekëve të cilët më pas i transportuan në spital me ambulancë. Policia tha se nuk beson se ka të dyshuar të tjerë.

Një flotë automjetesh moderne për burgjet shqiptare u dhuruan këtë të premte nga qeveria angleze.

15 makina elektrike dhe 22 furgonë, me një vlerë prej 1.5 milion stërlinash iu dorëzuan Drejtorisë së Burgjeve. Mjetet do të përdoren për lëvzjen e punonjësve të burgjeve dhe transportin e të burgosurve.

Ambasadori britanik në vendin tonë, Alastair King-Smith, që mori pjesë në ceremoni, u shpreh se Britania e Madhe po mbështet Shqipërinë në reformimin dhe modernizimin e sistemit të burgjeve.