Danimarka planifikon të blerë 16 avionë të rinj luftarakë amerikanë F-35, me qëllim forcimin e sistemit të saj mbrojtës, njoftoi sot ministri i Mbrojtjes, dy javë pas shkeljes së hapësirës ajrore nga dronë të paidentifikuar.

“Kemi arritur një marrëveshje politike për të blerë edhe 16 avionë F-35, në mënyrë që të kemi më shumë njësi të gatshme për operacione në të ardhmen”, deklaroi ministri Troels Lund Poulsen gjatë një konference për shtyp.

Kostoja e kësaj blerjeje, që do ta çojë numrin total të avionëve F-35 të Danimarkës në 43 njësi, kap shifrën 29 miliardë korona daneze (rreth 3,88 miliardë euro).

Dy avionë ushtarakë francezë thuhet se u përfshinë në një aksident të mërkurën në mëngjes pranë qytetit Autreville, afërsisht 65 milje në verilindje të Parisit. Tre persona ishin në bordin e dy avionëve Rafales, sipas L’Est-Républicain.

Një pilot i plagosur është gjetur, ndërsa kërkimet për dy personat e tjerë vazhdojnë.

“Një aksident me dy Rafale të skuadronit të transformimit Rafale 3/4 ‘Aquitaine’ ndodhi në Meurthe et Moselle,” tha ministri francez i Forcave të Armatosura Sébastien Lecornu.

“Një nga pilotët është gjetur, është shëndoshë e mirë. Kërkimi është ende në vazhdim. Faleminderit forcave tona të armatosura si dhe xhandarëve të mobilizuar në kërkim dhe për të siguruar zonën”, ka vijuar ai.

Prefektura e Meurthe et Moselle paralajmëroi banorët që të shmangin zonën, e cila sipas raporteve është rrethuar. Sipas L’Est-Républicain, piloti i gjetur, një nënkolonel, u hodh përpara rrëzimit. Gazeta thotë se dy ushtarët e tjerë, të cilët ende nuk janë gjetur, ishin një toger dhe një kapiten.

Forcat Ajrore dhe Hapësinore të Francës thanë se përplasja ndodhi pas një incidenti në ajër, në një misioni karburanti. Misioni kryesor i Skuadronit të Transformimit është të trajnojë pilotët dhe navigatorët për forcat e armatosura franceze.

Dassault Rafale është një avion luftarak francez me dy motorë, me shumë funksione, i aftë për të kryer një gamë të gjerë misionesh, duke përfshirë epërsinë ajrore, mbështetjen tokësore, zbulimin dhe parandalimin bërthamor. I prezantuar në vitin 2001, Rafale është në shërbim me disa vende, duke përfshirë Francën, Indinë dhe Egjiptin.