Dinamo fitoi Kupën e Shqipërisë, pasi mundi Egnatian. Presidenti i Federatës Shqiptare të Futbollit, Armand Duka nëpërmjet një postimi në rrjetet sociale, bëri urimin e tij për dinamovitët.

Postimi:

Urime Dinamo City për fitimin e Kupës së Shqipërisë! Një ndeshje me emocione, e luftuar, por që në fund do të nxirrte vetëm një fitues. Ky trofe është shpërblim për punën e bërë nga lojtarët, stafi dhe drejtuesit gjatë gjithë sezonit futbollistik. Sezoni nuk ka mbaruar ende, pasi në ditët në vazhdim luhen edhe ndeshjet e Final 4 për titullin kampion dhe uroj që të gjitha skuadrat të japin maksimumin dhe t’u japin emocione tifozëve të tyre në “Arenën Kombëtare”.

Greqia po përballet me zjarret, prej disa ditësh. Flakët kanë përfshirë shumë zona të vendit. Kryesisht ato agro pyjore.

Si pasojë e situatës së vështirë janë angazhuar ekipe zjarrfikëse, 15 automjete, 3 avionë si edhe helikopterë. Gjithashtu janë angazhuar edhe 2 grupe njësish këmbësorie.

Autoritetet kanë shprehur shqetësim për shkak edhe të erërave të forta, që vështirësojnë ndërhyrjen e zjarrfikësve.

Ndërkohë dy persona u dërguan në spital pasi morën lëndime të lehta.

Mediat gjermane raportuan se zyrtarët e qeverisë në Berlin kanë dhënë rekomandime se si qytetarët të mbrohen në rastin e një lufte të mundshme me Rusinë.

Shqetësimet rreth rritjes së rreziqeve të sigurisë nga një pushtim i plotë rus i Ukrainës kanë bërë që këshillet lokale t’i bëjnë thirrje qeverisë të rivendosë në funksion bunkerët e vjetër, raportuan mediat gjermane.

Mediat shtojnë se strehëzat publike “nuk janë një mbrojtje adekuate kundër armëve moderne” dhe dhomat ose bunkerët ekzistues në ndërtesat publike, dyqanet e mëdha, parkingjet nëntokësore dhe stacionet e metrosë do të ishin të përshtatshme më së shumti për qytetet e mëdha.

Kërkesa për rindërtimin e bukereve të rinj është rritur dhe nga qytetarët gjerman, të cilët mendojë se lufta mund të jetë afër.

“Por ndryshe nga Lufta e Dytë Botërore, bombardimet masive nuk priten dhe sulmet ndaj objektivave të zgjedhur si ndërtesat qeveritare janë më të mundshme”, deklarojnë ekspertët.

Ilir Meta, kryetar i Partisë së Lirisë tha dje se presidenti i PL-së duhet të ketë të drejtën që të mbledhë partinë në çdo, orë pasi janë përballë një regjimi mafioz. “Jemi në luftë me një regjim mafioz. Presidenti i Partisë së Lirisë duhet të ketë të drejtë në çdo orë të thërrasë konventën. Ça janë këto burokraci. Ky është një regjim mafioz të cilin do ta mundim me një reagim shumë dinamik. Kam dëgjuar këtu ‘keni hall me Monën’. Monën këtu e kemi është zemra jonë. Mona është deputete. Nuk është problem i Monës, por problemi është ia tyre që përdornin lidhjen e Monës me Metën. Këto liri nepotike nuk mund të shërbejnë si alibi. Të gjithë ata që kanë hallin e Monës, Monën e kemi yll bote”, nënvizoi Meta.