Një automjet tip “Land Rover” u përfshi nga flakët mëngjesin e sotëm në aksin Fier-Lushnje, në zonën e quajtur “Vajkan”.

Fatmirësisht, shoferi dhe një pasagjer arritën të dalin në kohë nga makina, e cila u shkatërrua pothuajse komplet nga zjarri.

Në vendngjarje mbërritën shërbimet zjarrfikëse, të cilat ndërhynë për të fikur flakët.

Gjatë natës, në lagjen “Kongresi”, Lushnjë, dyshohet se është vetëhedhur nga kati i tetë i pallatit ku banonte, shtetasja A. P., 68 vjeçe, dhe për pasojë ka ndërruar jetë.

Policia thotë se ajo cila vuante nga sëmundja e parkinsonit.

Grupi hetimor po punon për zbardhjen e plotë të rrethanave të rastit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Një aksident është regjistruar mëngjesin e kësaj të shtune në aksin Lushnjë-Berat, pranë fshatit Çiflig.

Shoferi 23-vjeçar ka humbur kontrollin e automjetit, i cili ka dalë nga rruga dhe ka përfunduar në tokat bujqësore.

I plagosuri ka marrë ndihmën e parë mjekësore në spitalin e Lushnjës dhe më pas është dërguar drejt Tiranës për mjekim të specializuar.

Mjeti që 23-vjeçari drejtonte ishte marrë me qira.

Dalja nga rruga ka ndodhur në një rrethrrotullim, duke shkaktuar dëmtimin e mbrojtëses anësore prej metali të rrugës.

Shkaqet e sakta të aksidentit nuk janë zbardhur ende, ndërsa policia po vijon hetimet për të përcaktuar rrethanat e ngjarjes.

Një aksident është regjistruar ditën e sotme në autostradën Lushnjë-Fier nga ku mësohet se 3 makina janë përplasur. Aksidenti ndodhi në afërsi të fshatit Gorre ku një “Benz”, një “Peugeot” dhe një tjetër mjet tip “Volkswagen”, janë përplasur si pasojë e mosrespektimit të largësisë dhe manovrës së gabuar në parakalim.

Bëhet me dije se nga aksidenti ka vetëm dëme materiale dhe asnjë nga drejtuesit apo udhëtarët nuk ka pësuar lëndime serioze. Ndërkohë policia ndodhet në vendngjarje dhe pasi ka kryer procedurat e nevojshme, ka larguar mjetet.

Dy vëllezër janë shpallur në kërkim pasi rrahën me grushte një person.

Bëhet fjalë për J. Ç., 55 vjeç, dhe A. Ç., 57 vjeç. Sipas njoftimit, Komisariati i Policisë Lushnjë shpalli në kërkim policor dy vëllezërit, të dy banues në Bitaj, pasi për motive të dobëta kanë goditur me grushte një shtetas.

Materialet procedurale i kaluan Prokurorisë për veprime të mëtejshme.

Një aksident ka ndodhur në orët e para të mëngjesit të sotëm në aksin rrugor Berat-Lushnjë.

Aksidenti ka ndodhur rreth orës 4 pranë fshatit Fier-Shegan. Në aksident janë përfshirë dy automjete, një automjet tip Toyota RAV4 ku udhëtonin 5 persona dhe një mjete tip Smart.

Të dy mjetet të cilët udhëtonin në kahe të ndryshëm janë goditur me njëra-tjetrën në pjesët anësore ku me pas kanë përfunduar në kanale.

Është dashur ndërhyrja e forcave zjarrfikëse dhe policisë për nxjerrjen e personave që ndodheshin në automjete.

Nga ky aksident pasagjerët kanë marrë lëndime të lehta, ndërsa një grua rreth të 50 ka marrë dëmtime më shumë, por jashtë rrezikut për jetën.

Të 5 personat që udhëtonin me mjetin tip Toyota ishin duke u kthyer nga një dasmë. Ekspertët të policisë rrugore nisën hetimet e shkaqeve të aksidentit duke marrë në pyetje dy drejtuesit e tyre.

Një zjarr i madh ka rënë në Lushnjë, ku u rrezikuan edhe banesat.

Sera të shumta gjithashtu janë djegur dhe më shumë se 40 hektarë të mbjella.

Në ndihmë të zjarrfikësve janë angazhuar edhe banorë të fshatit Kadiaj, ku ndihmuan për të vënë zjarrin nën kontroll me pompa uji që përdornin për të vaditur serat, ullinjtë e pemët.

Ata kanë ndihmuar për të shuar zjarrin dhe me mjete rrethanore zjarri ka djegur një sipërfaqe të madhe të tokave.

Një banesë është shkrumbuar totalisht si pasojë e një zjarri në fshatin Delisufaj të Lushnjës. Në momentin që ka rënë zjarri nuk ka pasur asnjë person në banesë.

Gjithashtu nga flakët masive janë rrezikuar edhe shtëpitë përreth. Po ashtu në vendngjarje kanë shkuar edhe zjarrfikësit dhe kanë shuar në kohë flakët. Dyshohet se shkaku i zjarrit mund të ketë qenë një shkëndijë elektrike.

Një aksident është regjistruar mëngjesin e kësaj të marte në aksin rrugor “Çermë-Lushnjë”.

Drejtuesi një 57-vjeç, ka humbur kontrollin e kamionit dhe për pasojë ka dalë nga rruga.

Mësohet se nga aksidenti janë shkaktuar vetëm dëme materiale.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Dy persona humbën jetën dhe disa të tjerë u plagosën nga shpërthimi në një magazinë.

Babë e bir, Roland dhe Elidion Hoxha 24 vjeç mbetën të vdekur nga shpërthimi që ndodhi në vinçin me të cilin të dy punonin.

Nga hetimet e deritanishme dyshohet se shpërthimi ka ndodhur kur vinçi ka prekur telat e tensionit të lartë ndërsa nuk përjashtohet pista e shpërthimit të një bombole të madhe që  vinçi po transportonte.

Një ditë pas shpërthimit, në magazinë gjithçka është shkatërruar ndërsa grupi i ekspertëve  hetojnë mes rrënojave për të zbuluar më shumë mbi shkaqet që sollën tragjedinë.