Një tragjedi goditi lagjen punëtore Vallejas në jug të Madridit të shtunën pasdite, kur një shpërthim i fuqishëm në barin “Mis Tesoros” shkaktoi një viktimë dhe mbi 25 të plagosur, mes të cilëve tre janë në gjendje të rëndë. Ngjarja ndodhi rreth orës 16:00 në katin përdhes të një ndërtese trekatëshe, ku shpërthimi shkaktoi shembje të pjesshme të strukturës dhe la disa zona nën rrënoja.

Zjarrfikësit punuan për orë të tëra për të nxjerrë të plagosurit dhe viktimën, trupin e të cilit gjetën nën rreth një metër rrënoja. Autoritetet ende nuk kanë bërë publik identitetin e viktimës, por burimet nga vendngjarja konfirmojnë se ai ndodhej brenda barit në momentin e shpërthimit

Një shpërthim i fuqishëm, i shkaktuar nga rrjedhje gazi, ka ndodhur sot në një bar në zonën Puente de Vallecas të Madridit, duke lënë të paktën 25 persona të plagosur, tre prej të cilëve në gjendje të rëndë.

Ngjarja ndodhi në rrugën Manuel Maroto dhe goditi si ndërtesën e banimit që ndodhej mbi lokalin, ashtu edhe barin “Mis Tesoros” ngjitur me të.

Menjëherë pas shpërthimit, në vendngjarje mbërritën ekipe të zjarrfikësve dhe ambulanca për të transportuar të plagosurit në spitalet më të afërta.

Policia ka rrethuar zonën dhe ka bllokuar qarkullimin në rrugët përreth, ndërsa zjarrfikësit vijojnë me pastrimin e rrënojave dhe hetimin për shkaqet e sakta të shpërthimit.

Ministri për Europën dhe Punët e Jashtme, Igli Hasani zhvilloi sot një takim në Madrid me një grup studentësh ndërkombëtarë të Akademisë Diplomatike të Spanjës.

Hasani bëri të ditur se studentët kanë zgjedhur Shqipërinë si destinacionin më të mirë për programin e tyre të studimit.

Prej dy ditësh, ministri Hasani po zhvillon një vizitë zyrtare në Spanjë, në fokus të së cilës janë forcimi i bashkëpunimit dypalësh Shqipëri-Spanjë, ecuria e Shqipërisë në rrugën drejt BE, identifikimi i perspektivave ekonomike për forcimin e mundësive të tregtisë dhe investimeve etj.

Hasani mori pjesë dje në punimet e forumit të biznesit Shqipëri–Spanjë, ku nënvizoi se forcimi i lidhjeve ekonomike midis Shqipërisë dhe Spanjës kontribuon në stabilitetin rajonal të BE-së, Ballkanit Perëndimor si dhe rajonit të Mesdheut.

Për vitin 2023 Spanja renditet në vendin e 9-të të partnerëve më të mëdhenj tregtarë të Shqipërisë. Tregu spanjoll është i 5-ti më i madhi në vlerë për eksportet shqiptare dhe furnizuesi i 13-të për Shqipërinë.

Këtë vit, Shqipëria dhe Spanja festojnë 110-vjetorin e marrëdhënieve diplomatike.

Dy gra humbën jetën dhe të paktën 10 persona u plagosën kur një zjarr shpërtheu në një shtëpi të moshuarish në Madrid këtë mëngjes, raportoi AFP, duke cituar shërbimet e shpëtimit.

Zjarrfikësit shuarën zjarrin, i cili shpërtheu rreth orës 7 të mëngjesit me orën lokale, në shtëpinë e të moshuarve ku strehohen 40 persona, dhe mundën të shpëtojnë banorët e tjerë, me ndihmën e policies.

Njëra prej të plagosurave është në gjendje të rëndë, pasi ka pësuar djegie, ndërsa të tjerët janë shtruar në spital, pasi kanë thithur tym, sqaruan shërbimet e shpëtimit.

Sipas zjarrfikësit Jose Luis Castillo, zjarri filloi në një dhomë në katin e parë dhe së shpejti kati i dytë u “mbyt nga tymi”.