ITALI- Aktiviteti në vullkanin Etna në Siçili ka qenë intensiv që nga fillimi i javës, me kombinimin e llavës që shpërtheu dhe shpateve me dëborë që krijojnë imazhe mbresëlënëse. Sipas vëzhgimeve, emetimet e lavës dhe hirit nga vullkani u rritën të hënën mbrëma, kryesisht nga krateret e majës, si Bocca Nuova.

Vihet re se Etna është vullkani më aktiv në Evropën kontinentale lartësia e tij arrin 3350 metra dhe ditët e fundit kanë rënë pak mbi 30 centimetra borë, ndërsa më shumë pritet të bjerë gjatë fundjavës. Mediat italiane raportojnë se nuk ka arsye për shqetësim, ndërsa autoritetet siciliane po monitorojnë nga afër situatën.

Dëbora ka mbuluar malin e Tomorit duke ofruar një pamje piktoreske.

Në pamjet e shpërndara në rrjetet sociale nga kryetari i bashkisë së Beratit, Ervin Demo shihet se si mali më i lartë në vend është zbardhur i tëri, duke orfuar një pamje të mrekullueshme.

Në malin e Tomorit në lartësinë 2417 m mbi nivelin e detit ndodhet edhe Tyrbja e Abaz Aliut, e cila është një destinacion turistik por edhe për besimtarët që kryejnë pelegrinazh.

Mali i Tomorit shtrihet në lindje të qytetit të Beratit dhe verilindje të qytetit të Çorovodës dhe gëzon statusin e Parkut Kombëtar. Aty nuk mungojnë ngjitjet sportive në shpatet me borë apo aventurierë të raftingut në kanionet e Osumit.