Katër minatorë kanë mbetur të plagosur në mëngjesin e ditës së sotme pas një aksidenti të ndodhur në aksin Qaf Buall-Krastë, në zonën e Martaneshit.

Nga informacionet e para bëhet me dije se mjeti me të cilin ata udhëtonin doli nga rruga, teksa ishin duke ikur për punë. Ata janë transportuar me urgjencë për të marrë ndihmë mjekësore në spitalin e Bulqizës.

Burime nga spitali thanë se njëri prej tyre është në gjendje të rëndë dhe po dërgohet për mjekim më të specializuar në spitalin e Traumës në Tiranë.